منو تعطني نصحيه حق بعد الولادة؟؟؟

اول مره اربي ابا نصيحكم الحلوه يا اخواتي…..

انا بربي قريب ابا نصحيه حق بعد الولادة عشان
جسمي يرجع مثل قبل شو اسوي من الرياضه وريجيم مناسب حق الرصغه اهم شى هذا عندي
وانشاء الله انكم تساعدوني كل وحده بخبرتها زينه

هلا الغاليه ..

جوفي انا بعطيج نصيحه مابعد الولاده هههههههههه

لازم تاخذيلج من احين المشد الاندونيسي اكيييد اتعرفينه اووو عقب ماتربين انشالله تربطين بطنج بغتره شماغ ههههههههه لالا المهم غتره ليش ؟؟

لان بطنج بعد الولاده يتم مترهل والمستشفى بيعطووونج ورقه متى اسوين رياضه مابيقصروون ..

والله يسهل علييج يارب ..

وتربين بالسلامه انشالله

مرحبا الغاليه … حاولي تكثرين من السوائل ماي وعصاير.. وتخففين الأكل

وبطنج تربطينه بالمشد الأندونيسي إذا عندج..أما عن الرياضه فالمستشفى بيعطونج ورقة فيها أنواع الرياضه للبطن وإنتي زيدي دوري في النت أنواع الرياضة للبطن…. وربي يسهل عليج وعلينا …

الغاليه انا فبل لا ربي كنت افكر واااااااااااايد شراتج بس عقب ماربيت كنت يوميا اربط بطني وماافجه الايوم اسبح

اشتري اكثر عن مشد عشان تبديل

وفوقه غتره انا جي اسوي وقبل لاتخلصين الاربعين بتلاحظين التغير والله يسهل عليج ويوفقج

انا ماجربت ولاعندي خبره بس بقولج باللي اشوفه

حريمنا يلبسن مشد ويربطن بطونهن .. ويشربن قهوة حلوة بسمسم .. و يكثرن

من السوايل .. عسب ماايجيهن امساك .. خص لو كان فالموضوع خياطه

وعليج بتماريج كيجل .. عشان يصغر المهبل ..

و بيخبرونج في المستشفى عن طريقة الرضاعه الصحيحه

وعن التمارين الرياضيه المناسبه لحالتج ..

وانصحج ودري الرجيم في هالفتره ..

ترا الرضاعه روحها يقولون ريجيم لنها تحرق سعرات حرارية

و الحرمه تضعف لا ارادي

الله يقومج بالسلامه ياغناتي

عن نفسي .. انا في ولاداتي القبليه ما جد ربطت ولا جد حطيت مشد.. اعتمت على الرياضه وبس من مشي ورياضة بطن.. والحمدالله والشكر اللهم لاحسد قولوا ماشالله… يرد بطني ولاجني ام عيال… الله اكبر الله اكبر …

امشي على المشايه … احس هذا اللي صدق شد جسمي.. وكلي اكل صحي.. خلي عنج الحلويات والمقالي..

مري علينا في ملف امهات رمضان او حوامل رمضان .. وانشالله بتحصلين علوم تفيدج

مشكورات يا اخواتي وانشاء الله بسمع نصحتكم