منو راحت لبنان ؟؟ أبا كن شوي .

مرحبا خواتي ..

إشحالكن عساكن بخير ..

ندش فالموضوع .. قررنا أنا وريلي نقضي يوم زواجنا ونسافر لبنان بيكون على شهر 4

عشان شيه بغيت أي وحده منكن سافرت لبنان تخبرني عن ..
شو أحلى الفنادق ؟؟
والأماكن الطبيعيه ألي نقدر نزورها ؟؟
وكيف بيكون الجو في شهر 4
لانه بيكون معاي ولدي وأبا أعرف كيف بيكون الجو وشو لازم آخذ ؟؟
وشو أحلى المولات وأرخصها طبعاااااااااا

يا الله أتريا كل وحده سافرت لبنان ولا عندها معلومات تخبرني ..

وإذا بغيت أحجز في مكتب سفريات وينظملي كل شي ..
شو أحسن مكتب سفريات في بوظبي ؟؟

أدري ازعجتكن .. بس مالي غيركن ..

أترياااااااااااااااااااكن ..

من احلى فنادق بيروت فينسيا وغراند هلز ومتروبوليتان
الاماكن الحلوة السوليدير والروشه ومجمع ال abc وشارع الحمرا
برمانا حلوة عالجبل

مشكووووووووووووووووورات ..

بعد أبا معلومات أكثر ..

وتسلمن والله

معقوووووووووووووووووووووووووله ما حد راح لبنان ؟؟؟؟؟؟؟؟؟؟؟؟؟؟؟؟؟؟؟؟؟؟

اخر مره سرت لبنان في 2024

وان شاء الله في عيد الاتحاد بسير 5 ايام

وبيبلج معلومات فرش

تسلمين الغاليه ضروووووووووووووري أترياج ..

السلام عليج ختيه بالنسبه للفنادق عندج فينيسيا لني انا ظاريه انزل فيه وشي وايد فنادق بس هذا موقعه حلو لنه على الروشه وكل الكوفيات والمطاعم عدالج وبالنسبه الاسواق عندج السوليدير بس الحينه على المشاكل الي في لبنان نص المحلات سكرت وعندج اج بي سي الاشرفيه وعندج مركز بعد على الروشه نسيت اسمه يديد هو وعندج شارع الحمرا والفردان ونا انصحج يوم بتوصلين لبنان ونتو ظاهرين من المطار بجوفون وايد تكاسي خذو ارقامهم وتكاسرو وياهم على اليوم بطوله بكم بيكون وياكم يعني اتكون سياره تحت ايدكم لنه يوم يجوفون العرب يقصون عليهم انا بقولج تقريبا اجار السياره ما يتعدى 70 دولار فاليوم لا يقصون عليكم وخلاف خلو الدريول يكشتكم كل مكان قولوله ودنا الاماكن السياحيه اخيرلكم جي وبالنسبه لشهر 4 جوهم وايد حلو ربيعي يكون واتمنا اني قدرت اعطيج نبذه ورحله سعيده