منو عنده مكينة لف ورق العنب ؟؟

مرحبا خواتي اتعرفن انه لف ورق العنب متعب بعض الشي خاصه لو انتي بروحج بتلفينه…

اريد اتخبركن منو عنده مكينة لف ورق العنب ؟؟

من متى هي عندج ؟ استفدتي منها والا لا ..

ومن وين ما خذتنها وعلى كم ؟؟

ياليت اتخبرنا عن تجاربكن ويا هالمكينه

والله اللف في ايد احسن

عندي انا لكن يا ختي مب شي بالمرة…………. اللف بالايد احسن

اول مرة ادري انه في مكينة للف الورق عنب!!!
والله شي حلووو

انا احب اسوي كل شي روحي يعني ما اعتمد عالبشاكير يوم اطبخ
بس بصراحة يوم جربت الف ورق العنب لأول مرة طفرت وتعبت عقب ربع ساعة!! ومن يومها اخلي البشاكير يلفون بدالي >.<

انا بعد ابغي اعرف اكثر عن هالجهاز ياريت حد يخبرنااا ..

و الله أنا لقيته في الجمعية بس ما خذته لأني اذكر ربيعتي

كانت تقولي انها مب عمليه و لا تلف عدل فما تجرأت أخذها

البركة في البشاكير

هي اختي لف ورق العنب مشكلة متعب وممل .. لو انج بتسوين كميه صغيره حقج وحق ريلج مو مشكه ..

لكن فشله في اهل البيت لازم الكل ياكل ..

مشكورات خواتي وزين اني ما اشتريتها لين الحين ..

انا عندي الماكيينة ووايد سهل استخدامها وتلف الورق اوكي

تييج الورقة ملفوفة زين ومرتبة … وبقياس واحد كل الحبات

النوعية اللي عندي فيها حجمين للورق الصغير .. وللورق الكبير .. حتى الملفوف ينلف فيها عادي

شارتنها من المعارض اللي دوم يسووها عندنا في العين .. ب 40 درهم على ما اذكر