منو عيالها في مدرسة الراحه الدوليه ومدرسة غلينلغ

السلام عليكم ورحمة الله وبركاته

انا ولدي سجلته في مدرسة الراحه الدوليه – كريد 1

الحمدالله المدرسه ممتازه جدا والكادر التعليمي ولا احلى وولدي مستانس فيها وخاصة مع تنوع النشاطات اللي فيها،، ما شاء الله ولدي تحسن عنده الأكسنت بالانجليزي وهذا طبعا لأن المدرسه فيها الأجانب بنسبه كبيره وما عنده في الفصل غير اثنين مواطنين

المنهج عندهم دولي يجمع ما بين البريطاني والأمريكي وقووي جدا وانا هذا اللي كنت اباه وخاصة في السنه التاسيسيه له

في عندهم نشاطات كثيره،، في منها اثناء الدوام المدرسي ومنها بعد الدوام المدرسي يعني وقت المسا،، مثل كرة القدم والسله والتنس،، واتوقع عندهم ركوب الخيل او شي يخص الخيول بس مش متاكده

وغير عن النشاطات الاثرائيه مثل النجاره والتصميم او الكرافت واشياء وااايد بس ما اتذكرها،، ادخلو موقع المدرسه وبتقرون نشاطاتهم

ودخلت بنتي مدرسة غلينلغ – كي جي 2

وبعد المدرسه واايد حلوه والمدرسات ممتازات وبنتي ما شاء الله الحين تجيد العد بالانجليزي الى 30،، وكتابتها تحسنت،، وغير انها ما شاء الله بدت تكون جمل بالانجليزي

السبب اللي خلاني ادخل كل واحد في مدرسه مختلفه باني اريد اعرف مستوى المدرستين والمدرسه اللي بشوفها احسن بختارها وبخلي عيالي الثنين فيها

والحين ابا اعرف منو مدخل عياله في هاي المدرستين عسب اتبادل ويها الرأي او يمكن عيالها يكونون معا عيالي في نفس الفصل

بالتوفيق

جرح وحداوي – ربي يوفقج ومشكوره عالرفع

للرفع
للرفع
للرفع

بنتي في غلينلغ كي جي 2 واول مرة تسير المدرسه واشوفهم ممتازين كل يوم شيئ علموهم سورةالحمد ونشيده بسم الله ….العد …..وحرف الواو….وحرفs …. والجو مسلي بالنسبه لبنتي …. بنتج في كي جي 2 شو ؟.. بنتي كيجي 2 A

كيفي شريره

بنتي بعد في كي جي 2 A مع مس Carline ،، يعني طلعت بنتي مع بنتج في نفس الفصل

المدرسه الحمدالله ممتازه ومن دخلت بنتي فيها احسها قامت تركب جمل بالانجليزي وتكلم الناناي مالتها فالبيت بالانجليزي

الله يوفقهم يا رب

والله زيييييين بنتج في نفس كلاس بنوتي عند مس كارلين …. شو حفظوهم بنتي تقولي مس اروىعلمتهم حرف أ + و ونشيده بسم الله بسم الله احلى كلام اتعلمناه …الدين مس هيام سورة الفاتحه وشيئ دعاء ….. ومس كارلين علمتهم s نطقا واغنيه snake وبنتي وايد حابه المدرسه على فكرة على طول دخلتها كي جي 2 بدون ما ادخلها 1 شو اسم بنوتج ؟؟بنتي دوم تتكلم عن سارة وفاطمه وشما لاتكون بنتج وحده منهن …. الله يوفقهن