السلام عليكم و رحمة الله و بركاته
شحالكم خواتي ؟ عساكم مرتاحات ؟
طبعا اكيد ميتين من الحر خاصة ما شالله شمس الإمارات غير
حر و رطوبة و الشمس ما شالله تقولين عمودية ع راسج
طبعا حتى اللي ما تعرف لا بد تعرق من تظهر برا البيت من الرطوبة و الحرارة القوية
و يقولون درجة الحرارة بتوصل لـ 50 درجه.. أبد مب معقوووووووووول
لكن صدقتهم بعدين لما تذكرت إن الشتا شي مناطق عدنا في راس الخيمة وصلت تحت الصفر!!
المهم خلونا في المهم
اول شي عسب تتجنبون العرق و الحر و اللي يخلي الجسم معرض للبكتيريا اكثر
أولا: الإستحمام
طبعا ودروا الدلع شوي في الصيف
اللي تستخدم صابون ماركس سبنسر و اللي تستخدم الصابون السائل
طبعا الصابون السائل هذا ما اسميه صابون مجرد رغوة تعطي ريحة لجسمج
يعني ما تنظفه و لا هم يحزنون .. احسه بس حق الدلع يعني إلا تليفين جسمج به ع السريع
لكن قولوا لي شو لازم تستخدمون من الصابون ؟؟
أكيـــــــــــــــد ماشي غيره ينفع لحر الإمارات صابون
لايـــــــف بــــــــــــــــوي الحبة بـ 4 دراهم
صج ريحة نظافة و معقمة و تحسين صج يشل البكتيريا من جسمج كلها
اتفركي به و فيه منه بعد السائل تليفي به لين تقولين بس
و غير هي تم الريحة منعشة و منعنشه ^-^
اني حق الشامبوووووو
بعد مرة ثانية ودروا الدلع اللي ما يفيد
اللي تدور لي الشامبوات المعطرة ترى يا خواتي بقول لكم معلومة
أول شي يتعفن بهالحر العطووووووووور
طبعا الشامبو اللي بنصحكم فيه هو شامبو غني عن التعريف و هو ضد القشرة اكيد عرفتوه ^-^
طبعا
طبعا
شامبو هيد اند شولدرز
و لاحظوا خواتي انكم لازم تستخدمون الشامبو اللي بالنعناااااااااااااااااااااع
اللي يكون لونه اخضر
لانه بينعش فروة الراس عدل
و بتتذكريني من تطلعين في الحر .. و تعرفون عاد نحن لابسات الشيل و تحسين بحر بفروة راسج
لكن مع هالشامبو بتحسين بانتعاش بصراحة تحسين فروة راسج تتنفس و متنعشه
لا و بتردين البيت و بتشمين ريحة شعرج و لا أرووووووع و طبعا كل وحدة حسب شعرها
^-^
ثانيا: تنظيف الجسم بأشياء أخرى غير الصابون
بقولكم طريقة لتنظيف الجسم و الله يا خواتي و لا أي حمام مغربي
الحمدلله أنا عمري ما سويت حمام مغربي و ما شالله عليي ربي يحفظني أتنظف بروحي
و ادعج بروحي و اتليف بروحي شي ما ينوصف بصراحة تحسين برضا تااااااااااام عن نفسج
و عن نظافة جسمج و بياضها و نقاوتها و ريحتها
الأشيا اللي تحتاجينها هي كالتالي .. يالله اكتبوا
رقم 1
فوط صغيرة جدا
رقم 2
فوط كبيرة
رقم 3
ديتول أخضر
رقم 4
ماء ساخن جدا جدا لدرجة بخار يطلع منه تحطينه ف طاسه
رقم 5
ماي ورد .. روحي عند العطار قولي له ابا ماي ورد للجسم .. و ممكن تستخدمين اللي في الجمعيات إن حصلتي
[IMG]https://********.maktoob.com/up/129278221936498881.jpg[/IMG]
رقم 6
القطن اللي تستخدمونه في تنظيف الوجه .. و يي باشكال مربعات و مستطيلات و دوائر
الطريقة اللي تتريونها كلكم أكيد
الخطوة الأولي:
أول ما تتدخلين الحمام (الله يعزكم) ودي وياج طاسة الماي الحار و حطي داخلها
ديتول أخضر بكمية متساوية مع الماي.. يعني كثر ما حطيتي ماي حطي ديتول اخضر
أول شي ابدي بتنظيف الجسم بأستخدام فوطة من الفوط الصغيره
حطيها بالماي الحار و استحملي الحرارة لازم
و افركي فيها جسمج ما عدا المنطقة الحساسة و منطقة الإبط لأن هالفوطة بتكون لجسمج بس
يعني البطن الظهر الرقبة الخ الخ
==
الخطوة الثانية
ييبي الفوطة الثانية الصغيرة و كرري نفس الطريقة حطيها في الطاسه و خليها تتبلل كاملة
و بعدها افركة منطقة الإبط تمي افركي و ادعجي فيها
و أهم شي ما يكون فيه شعر
نحن بنااااات و ممنووووووووووووع أي شعرة ع الجسم ..أووكي حبيباتي ^-^
و تم افركي و ادعجي منطقة الإبط بالماي الحار مع الديتول الاخضر اللي هو الخليط اللي حطيناه في الطاسة
—-
الخطوة الثالثة:
ييبي القطن اللي تستخدمينه في تنظيف الوجه ..
و حطيه في الخليط اللي سويناه و استخدميه لتنظيف المنطقة الحساسة
طبعا في الصيف و الحر و المنطقة هذي ما تتعرض لتهوية
لازم يبالها تنظيف من الخاطر عسب نمنع عنها البكتريا و الوصاخ
اتييبين قطنة وحدة تحطينها في الماي الحار و الديتول الأخضر
و تفركين في المنطقة ما بين الفخذين و المنطقة الحساسة
و تدعجين زين ما زين عدل عدل
و بتشوفين البلاوي اللي بتطلع و بتدعين لي
بتشوفين المنطقة صارت بيضاااااااااااااا طبعا مع تكرار الاستخدام و الافضل بشكل يومي
بصراحة انا جربت هالطريقة و انبهرت بالنتيجة
صج بياااااااااااااض ما كنت احلم فيه و الله
جربت كريمات و خلطات و كله طلع جذب يقولون بتبييض المنطقة الحساسة و منطقة احتكاك الفخوذ لكن كل هذا ما نفع
لكن مجرد استخدمت الديتول الاخضر نسيت شي اسمه اسمرار يا اخواتي
و انا ابا لكم الفايدة لا أكثر ^-^
و طبعا تم افركي بالقطنة و اخذي غيرها و غيرها لحد ما تنظفين المنطقة كاملة مع منطقة احتكاك الفخوذ
—-
الخطوة الرابعه
طبعا بجيه يكون جسمج كله تنظف و انفرك بالديتول الأخضر و الماي الحار
بعدها اخذي حمام عادي بلايف بوي و الخ الخ
وتفوطي بالفوط الكبيرة خلي لكل منطقة فوطة معينة تنشفين بها جسمج اضمن للنظافة و ترتيب ما بعده ترتووووب خخخخ
=======
الإسمرار اللي في الجسم ما يستوي إلا نتيجة التعرض للشمس و الحر و الرطوبة
فتصير البشرة عبارة عن طبقة اغبرت و تعرضت لعوامل خارجية و ما يبالها غير تنظيف و اهتمام
===
ثالثا: ما بعد الإستحمام
طبعا تطلعين و تنشفين شعرج عدل و تنشفين جسمج عدل
أول خطوة لازم تتاكدين إن جسمج ما تمت فيه و لا قطرة ماي
أول شي تسوينه تستخدمين مزيل الرائحة
ضرووووووري يا بنات
انا استغرب من اي وحدة ريحتها طالعه 🙁 يعني معقولة ما تشم
المهم أهم خطوة هي مزيل الرائحة
و كل وحدة حسب اللي ترتاح له
أنا أرتاح لمزيل رائحة خطيرررررررررررر صج صج تحطينه
أولا ما تطلع منج ريحة
و إن عرقتي ما تطلع ريحة العرق لاااااااااااا
تطلع ريحة المنظف اللي مستخدمتنه
و هو
سبيد ليدي ستك
و انا استخدم اللون الوردي بس بعد ما حصلت صورته ^-^
و تجنبوا خواتي مزيلات الرائحة الرش
لأنها فعلا السبب الأول في اسوداد منطقة الإبط
استخدمي الرول او الكريمي شرات اللي استخدمه
و ابتعدي طبعا عن مزيلات الرائحة اللي تكون جيمتها اقل من 10 دراهم لأني احسها تجارية فقط !! هذا و الله أعلم
—
بعدها حطي لوشن واحد بس .. مو تسوين مجموعة لوشنات
و اللوشن ما عندي خلاص حطي اللي تحطينه المهم تكون ريحته زينه بس لا تكثرين
انا عن نفسي استخدم
امممم بس لا تضحكون
استخدم لوشن بيبي جونسون للاطفال
و ع فكرة ما استخدمه ع جسمي كله
بس ع الذراع كاملة
و رجلي للركب فقط لأن في الحر الركب معرضة للجفاف وايد سوا حر و لا برد خخخ
—
أهــــــــــــــــــــــــم شي عندي و اللي فعلا ما أروم أستغنى عنه
و اللي لو خلص عني و ما توافر عندي بيوم صدقوني ما بسبح لوووووول
هو
بس بعد لا تضحكون عليي
بودرة جونسون للأطفال
بصراحة احبها وايد هالبودرة
صدق يا بنات بشرتي ناعمة شرات بشرة الاطفال
لا بعد احس احلى من بشرة الاطفال خخخخخ
صدق نظافة و تحسين بريحتج حلوةو كل حد يشمها
و اهم شي رضاج عن نفسج
احيانا خواتي يقولون نشم ريحة ياهل لما اخطف صوبهم خخخخ
انا ما يهمني شو يقولون لأن اهم شي هالريحة انا راضيه عنها
و صج حلووووووووووووووة و كيوووووووووووووووت يا ربييييييي خاطري اسير اسبح الحين مع إني قبل شوي سابحة ^-^
===
بعدها لا تنسين دهن العود و العطر الخفيف اللي ريحته باردة و لا تبالغين وايد في العطر
مجرد رشتين وحدة يمين و وحدة يسار
و لو عندج مسك استخدميه بعد وايد أوكي و مستحب فعلا و استخدميه منطقة الإبط و الفخوذ و وين ما تبين ^-^
أنا عن نفسي استخدم مسك عبدالصمد القرشي ربع تولة بـ 50 درهم بس !!
و يسمونه مسك العروسة بعد
[IMG]https://www.********.com/vb/nupload/2980_1208415722.jpg[/IMG]
ترومين بعد تسوين لج غسول للمنطقة الحساسة عن طريق استخدام مكعبات المسك اللي عند عبدالصمد القرشي
و انا سويت لي المحلول بشرت المكعبات و حطيتها في غرشة فاضية من دايسو
و ضفت لها ماي عادي و ماي ورد و رجيت الغرشة بصراحة استخدمها في اليوم مرتين
ينظف و يعقم المنطقة الحساسه و هذي صورة المكعبات
[IMG]https://www.********.com/vb/nupload/2980_1208145712.jpg[/IMG]
6 حبات بـ 75 درهم
قبل كانت الحبة بـ 3 دراهم و نص تخيلوا!!!!
مادري بلاهم اتخبلوا و حطوا هالسعر لها
أكيد لأنهم شافوا اقبااااااااااال البنات وايد عليه
—-
رابعا: عند الخروج من المنزل ؟!!
طبعا لما تطلعين من البيت فترة الصبح اول شي بتشوفينه
طبعا بتكونين واثقة بعمرج و متطمنة من ناحية النظافة و التعرق
لأنج متنظفة عدل عدل عدل 100 %
000
طبعا أفضل في هالحر
دايما تخلين في شنطتج مناديل ديتول الروووووووعة
بصراحة وايد احب شركة ديتول خخخخخ
صج صج موفرة لنا كل اشيا التعقيم و النظافة
طبعا بتقولون لي ليش نحطها في الشنطة ؟؟
انا بقولج
مثلا بتروحين المول و تبين تروحين الحمام (الله يعزكم)
بدال ما تسمحين المرحاض بالمناديل العادية امسحي بديتول المعقم
و بتكونين متطمنه إن ما انتقلت لج اي بكتريا و اي وصاخة ^-^
===
الموضوع تم
تعبت فيه و أتمنى رايكم في الموضوع
و ملاحظاتكم ^-^ و اتمنى تجربون الطرق و تدعون لي
و اللي تبي تنقل الموضوع لمنتديات ثانية حلال عليها
إن عيبكم الموضوع طبعا
يالله عاد لا تفشلوني أبي ردود ع المووضوع
كتبته و ما أبا غير الفايدة والأجر و دعوة حلوة في ظهر الغيب
يا مرحبا بكم خواتي
بس أنا جسمي وايد جاف ويتقشر..أستخدم صابون دوف. هل هو مفيد أو لا؟؟
واستخدم مزيل عرق وايت مسك من the body shop شو رايج فيه (رول) شو رايج زين ولا أغيره؟؟
خخخخخخخخخخخ
بسير اصطلب واتشرا لايف بوي و ديتول وهسوالف
وايزاج الله خير