شحالكن بنات .. موضوعي اليوم يمكن عادي وسهل سهل بس اللي مثلي يشوفه مهم بحياته
اليوم مثل ماهو مكتوب بالعنوان
طريقتي لشاي الكرك
انا مستحيل اقدر اعيش بدونه .. اول مانش من رقادي ماحس بنفسي الا وانا اسويه وانا مغمضه
بالنسبه لي اعتبره إدمااااااااااان وماقدر اعيش بدون والا بصصصصصدع وبكمل يومي بصداع صعب يخف حتى لو شربت بندول
المهم ندخل بالتفاصيل لاني لقيت وايد بنات يسألون عن طريقته ومايدرون انه محتاج بس لتكتيكات ولمسات سحريه
المقادير متوفره في كل بيت
1- شاي ليبتون
هيل تطحنينه بالفرامه مال البهارات
3- سكر
4- حليب ابوقوس
الطريقه
اول شي تحطين ماي انا بعطيكم على كمية الشاي اللي اسويه تقريبا اسوي حق 4 قلاصات نفس اللي بالصوره
احطي الماي لين يبدا يسخن اضيف السكر انا احب ازيد شكر وفي ناس ماتحب وايد لجي خليه ع الاختيار اهم شي ماتزيدين لانه مابيطلع اوك
عقب مايبدأ يغلي الماي ضيفي شاي بودره انا اسوي مقدار 2 م أكل كبيره او 20 غ وأقل شوي
اخليه يفور وبعدين اضيف ثلاثة ارباع العلبه من ابوقوس الصغار مب الكبار وطي النار وااايد وخليه يغلي روحه من ربع ساعه الى عشرين دقيقه كل شوي جيكي عليه وانتي بتلاحظين اللون بدأ يصير غامج هني بتعرفين استوا او لا
انا بما اني خبرة سنييييييييييين احم احم اعرف انه استوا من الريحه
الحين استوا وخلص ضيفي الهيل نص م اكل وخليه دقيقه بس عسب يكسب الطعم والريحه
وجهزي دلة الشاي والمشخله وشخليه وخليه عشر دقايق وشربي هنيئا مريئا
هذا كرك ع الريوق
وهني كنت متفيجه دلعته وصورته
شو بيكون رايج )
عني انا احبه بدون هيل في ناس يحطون له قرفة او زعفران
انا احبه سادة و سكر زيادة
طبعا في الهند يستخدمون حليب فريش ( حليب جاموس)
طبعا ما احب اجربه بس شفت وايدين يشربونه في الهند
احلى شئ كرك الي يهوونه مطاعم الشارقة احبه حيل
عسب جي اقول لج اخلطي مسالا شاي مع ليبتون طريقة كافتيريا في
الشارقة عيبني فسألته قال لي نخلطهم ويا بعض
دقيتي ع العوق مره
بالعافية يارب ..
طريقة سهلة وحلوة .. و مع الزعفران لذيييييييييييذ ^^
لا ماجربت بس بجربه ان شالله وبخبرج
بس الاصل بالكرك الهيل لانه مايغير بطعمه مجرد ريحه بسيطه
وبالنسبه للهند هيه والله يوم كان ريلي هناك قال ماذقت الكرك الا يوم رديت البلاد اونه شي لا يصدق من الجاموس للشاي ههههههههههه حليله
وتسلمين حبيبتي ع المرور