من القهر كان ودى اقوم واضربها !!!!!!!

اخواتى السلام عليكم حبيت اخبركم عن سالفه استوتلى فى المطعم كنت يالسه مع ريلى فى مطعم هادى ورانا فى الطاوله وحده من الجنسيه العربيه ويا واحد من نفس جنسيتها ما ادرى زوجها ولا خطيبها وكانوا يتكلمون وصوتهم يوصل عندنا وكانت الحبيبه تتكلم عن علا قتها ومغامراتها مع المواطنين وتذ كر الاسماء والعوائل وتستهزئ على اذواقهم واسلوبهم فى التعامل وكل شوى تيب سالفه عن واحد وتضحك ،، عاد انا بالعماله قلت حق ريلى وين الريياييل خل يسمعون كيف هالاشكال امخلينهم مطنزه والله ودى اقوم واضربها بنعالى على راسها جان يقولى ما يخصج خليج فى حالج والله كل ما اسمعها تطرى اسم ريال وانه كان على علاقه ابها وكان وكان وكان وتضحك انا اتغصص وما اتهنيت فى الاكل ،،، الظاهر هى حابه تتكلم عن مغامراتها علشان تثبت للريال الى وياها انها مرغوبه وكل حد يموت فيها ،،،
بس ياليت الريياييل يتعضون وياخذون الحذر من هالاشكال الى همهم فقط يتعرفون على الريياييل المواطنين وما يهمهم اذا متزوج ولا عازب المهم انه يغدق عليهم بالفلوس والله يستر

حسبي الله عليهم ان شاء الله والله لوثوا البلاد من هالاشكال فسم بالله الواحد يخاف

عاادي حبيبتي اغلبية الزلماات جيي

اذكر من فتره كان عندي تدريب في مكان وكان تشتغل هناك وحده زلمه وشو تسب المواطنين
تقول نحن نكرف ومانحصل غير 5 الاف والمواطنين ريل على ريل ويحصلون واايد
وفوق هذا مطلقه كانت ماخذه مواطن ويوم درت حرمته اولى خلته يطلقها غصبا عنه
وعقبها بفتره خذت ريل ربيعتها الي تشتغل وياها فنفس المكااان

بس الحمدلله عقب فتره اكتشفت انها مطروده من المكاااااااان وارتحت وايد لانها ماتستاهل

زين انها اتعرف عمرها واطية…الحمدلله والشكر لا حيا ولا مستحى عاد ليتها اتسولف عليهن عند ربيعتها الا عند ربيعها يعني واحدة الحيا انمسح من افادها….هييييه جانها مصخرة جيه ليش ما يطيعون يعرسوبها خخخخخخخخخخخ

تبين الصراحه مالومها دام رياييلنا يركضون بمزاجهم ورى اي بنت سواء مزوج او عازب او غيره والمنتدى اكبر مثال جدامج ماشاء الله …. والغاليه الناس كلها تغلط بغض النظر عن الجنسيات .. عادي باجر تكونين قاعده بمطعم وتسمعين مواطنه تقول عن مغامراتها وي المواطنين.. وهالشيء فعلا حاصل … فماله داعي تعصبين او شء .. خربتي قعدتج وي ريلج على الفاضي .. لان انتي مالج دخل فيها !.. ادعي ربي يهديها .. وتيك ات ايزي …

بالعكس الرياييل هم الربحانين

لانهم ما رابعوها الا لسبب وهي اكثر وحده عارفه السبب

واذا قصدها انها نهبتهم وخلتهم يصرفون عليها

تراهم اكيد تغدوا بها قبل ماتتعشابهم

والله الريايل يستاهلون ولو منها بعد بفضحهم في كل مكان ليش يروحون للحرام وما خافو ربهم!!!!