شلونج يا جمااعه ؟؟
بصرااحه ما ادري شقول .. بس من الضغط ع قلبي وحااسه بيتوقف قلبي صج..من التفكيـــــر والصدااع وغيرررهـ ..والله اخر شيء بنجن …
وما ادري يمكن السبب مني او من الجامعه … والله احترت وين الخطاا ..وشنو اسوووي …
اكيد بتقولون هذي اشفيها
ههههههه
بس اصبرووا علي .. لي شهوور اعيش بالهم لدرجــه كررهت الجاامعه .. بس ما ادري اذا تركتها وين ارووح …
بس ودي اسالكم بنات انا الحين بجامعه الامارات طيب … وخذيت انذار اول .. وطبعا درست هالفصل وخذيت اربع مووااد ..
وبعض الاساتده مهووب لين اهناك اووكـي ..
مثلا للحين طلعت رااسبه في ماده وبصراحه انا مافهم لسير ..
وبصراحه انا لغتي الانجليزيه مهوب لين اهناك ويمكن هذا سبب ثاني ..
وهم سبب ثالث احس اني كنت ومازلت مهمله .. واحس بعجز صررت كل ما ادرس ..
يعني تذبحني الوسووسه ..وماقدر ادرس يعني تقدرون تقولون كان شيء يكرهني بالدرااســـه ..
يمكن اكون انا السبب بهالشيء اللي يصير معاي ..
ومن يدي بعد ..
<<شووي وبتصييح ههههه
بس اللي بغيت اقوولـــه
بنااااات من اللي تركت جاامعه الامارات وطلعت منها ولقت مكان افضل يعني دراسه وجذيه وخذت الشهاده منهاا ..
انا ما ادري اذا باخذ انذار ثاني او لا والله لا يقوولها .. بس صرت احس بكررهه للجامعه وودي اطلع منها
هههههههههه
ما ادري هالشيء بسبب الضغط ولا اني الووم نفسي واقول انا السبب بهالشيء ..والله ما ادري
بس خايفه اطلع من الجاامعه وما القى مكان ثااني ادرس فيه
خااااااصه اني مهووب صغيره ..يعني عمرري 22 .. وانا ماودي طول عمري ادرس يعني ابي اكوون حياااااتي ..
وبصرااحه طالبــــه المساعده من كل وحده تقدر تساعدني .. مهووب بس بالكلام لااااا ..يعني تقدر تساعدني وتقوولي اي شيء
وشاللي اقدر اسوويه .. هل في معهــد اقدر ادخله اذا طلعت من الجامعه ويكون دراستهاا سنه او سنه ونص وتكون شهاده معروووفــه
وهم تسااااعد الطالب مهوب تحطمـــه ..
وابي اعرف في وحده اتركت جــاامعه الامارات ؟؟؟ وشاللي صااار معاااهاا ..
وانا ادري ان الشهاده اهي المهمه بالحياااهـ ..وتساعد الواحد يكون حيااته ..عشان جذيه ماوودي اذا طلعت من جامعه الامارات او اطردووني اني القى نفسي قاعده بالبيت ..وما اسووي شيء
وهم بنفس الووقت واكون صادقه معاكم
مابي احد يتشمت فيني ..ويقول بنت فلان ماقدرت تكمل دراستهااا ..او من هالكلام
واكيد انتوا فاهمين قصدي…
والله ما ادري كلاااااامي خاص بهالقسم او لا ..
لاني قمت اشكي وبداخلي هم كبيــــــر ..هههه لدرجه وربي بديت اكرره نفسي بسبب هالشيء ..وماقادره اسووي شيء …
ياااااااليت احد يساعدني بهالشيء ..
وخاصه اذا في وحده بينكم اطلعت من الجااامعه .. تقوولي شوو سووت ؟؟ وشلون قدرت تكمل دراستهااا ..؟؟
ولوو تدرون قلت لو ربي ماكتب لي اكمل بالجامعه .. بحاول اشتغل وبنفس الووقت ادرس ..
بس ووين بحصل هالشغل اللي يساعدني وانا بيكون عندي بس شهاده الثانوووويــــه
آآآآآآه والله هم
ههههههههههههه
بناااااات ..ياليت تعتبرووني صج اختكم وتساعدووني ..
والله اني من الضيقه اقووم مرات من النوم وانا كارهه نفسي ..او مرات احاول اهررب من هالشيء باي طريقه
وانا مابي افكررر باشياء يمكن ماتصير بعدين
قصدي ان بلقى مكان افضل ..وبالاخير اقعد بالبيت ..
والله ابي افررح قلب امي وابوووي ..
وهم ابي ارفع رااسهم ..واثبت لنفسي اول شيء وللغير ثاني شيء
اني اقـــدر اكووون نفسي .. واقدر احقق اللي ابيــــه ..
وحتى تدروون
صررت ادعي ربي ان كان هالجامعه خير لـي ان ربي يكتب لي اكمل فيهاا
وان كانت مهوب خير يعطيني افضل منهاا ..
وبعدها حسيت برااحـه وجذيه ..وقلت بكمل وانا اقدر
بس بعدهـا بمده انقلب حاااالي احس بكرره لهااااا
هههههه
ما ادري والله
بس تنصحوووني اني اصلي صلااه استخاارره ..ولا شلون؟؟
ومع انه باقي تقريبا شهرر عن امتحانات النهائي ..
بس والله احس مرات اني اجي الجامعه ع الفاااضي ..
بس مابي بسهووله اترك كل شيء ولو حتى اخر شيء طلعت من الجامعه بدون الشهاده ..
بس خايفه من الكلام اللي راح اسمعه بعدين .. ومابي احـد يسمع اهلي كـلمه تضايقهم او غيررهاا
تدرون الناس همهاا الكلام وبس
ههههههههههههههه
شكلي كثرت هذررره ..
والاسئله اللي بغيت اقوولهاا .. احس اني خليتها شكووى
هههههه
بس
اتمنى تردوون علي ولو بردود ترريحني …
الله يكون في عونج ..
انت أقدر في أخذ القرار بشأن الدراسة في الجامعة ولا تركها..
بس باقي شهر, وحرام تروح عليج هالسنوات ..
أول سؤال اسأليه لنفسج, ليش ما أحب الجامعة؟
شو وضعج بين زميلات السكن؟ الغرفة؟ شو نوع البنات اللي انت وياهم؟
هذا مهم ..
إذا كانوا ناس جادين في الدراسة بتمشين معاهم, وهل انت مرتاحة بينهم؟
هل انت تحبين تخصصج؟ شو أهدافج من التخصص, ولوين تبين توصلين به؟
بالنسبة للانجليزية .. في الجامعة دورات ومركز تقوية الانجليزية ما أدري إذا بعده موجود الـELC أو ILC ..
ادخلي هالدورات واستفيدي, وإذا عندج أسئلة لا تستحين .. اسألي. بتشوفين نفسج اطورتِ..
أذكر كان فيه مركز صغير ما أذكر اسمه عدال المسرح القديم – إذا بعده موجود- يقدمون استشارات ومساعدات نفسية وأكاديمية.. الجئي لهم دامه متوفر لج.. اعرضي مشكلتج وهم بيساعدونج كيف ترتبين وضعج وتبدئين من جديد ..
لا تيأسين أبداً ..
أذكر في سنة من السنوات, مع اني كنت مرتاحة جداً في السكن, والحمدلله وضعي الأكاديمي جيد, لكن كرهت الجامعة وكنت أستخير أوقف, أطلع ..! والحمدلله تخرجت .. ولا أزال أحن للجامعة وأحببببها ..
الفرص في الجامعة كثييرة, بس اللي يستغلها صح.. روحي عن نفسج شوي, احضري أنشطة, ساهمي في بعضها.. بتشوفين نفسيتج غييير .. فتشي عن مواهبج وميولج.. وطوريها .. هالأمور الصغيرة واللي البعض يعتبرها تافهة ومضيعة وقت, تزيد الثقة النفس وتعطي دافع ..
بيرتفع المعدل إن شاء الله بعد ما تجددين نفسيتج شوي ..
الله يوفقج ويسدد خطاكِ ..
والله ان كنت أحس ان أدخل سجن لما أدخلها
بس اتحملنا…وكملنا …وخلصنا الدراسة
انت ليش ما تشدين حيلج في الدراسة …اذا ما فهمتي في الكلاس
روحي اسألي في المكتب… عشان الأساتذه يحسون انج مهتمه
اسألي اربيعاتج…خلي حد يفهمج
المادة اللي تقولين راسبة فيها… روحي عند السير المكتب
وقوليله انا أبي أحسن درجاتي وأرفعها…عطني assignment اضافي
أو قوليله أنا مستعده أسوي تقرير أو برسينتاشن….أي شي يطلبه سويه
خلي أساتذتج يحسون انج مهتمه
لما اتذاكرين حطي في بالج انج اتيبين +B مثلا <<< أعرف بتقولين ان صعب وما تقدرين
ماعليه …انت حطي في بالج هذا الشي وصدقيني ما راح اتيبين أقل من B <<< الطريقة هذي مجربه
لكن اذا ذاكرتي وانت تقولين بس أريد انجح… ما راح تنجحين
ودااااااايما ادعي الله قبل ما تبدين مذاكره
اللهم علمني علما نافعا، وأنفع أمتي بعلمي
اللهم اني أسألك حفظ النبين واللهام ملائكتك المقربين، اللهم اني استودعك علمي فأعده لي وقت حاجتي اليه، اللهم لا سهل إلا ما جعلته سهلا وانت تجعل الحزن ان شئت سهلا
توكلت عليك يارب فأعني على حسن الاتكال
هذا كان دعائي قبل المذاكره ….ولما تخلصين خلاص لا تفكرين وتشلين هم
لأن من حسن التوكل على الله…اليقين والايمان ان الله راح يوقف معاج وبالتالي المفروض ما تشيلين هم
اذا تسألين عن ترك الجامعة
أنا أعرف كذا وحده تركوا …اللي راحت كلية التقنية وكملت هناك <<<بس بعد الكلية يبالها انجليزي
واللي راحت الكلية وما فحلت ورجعت الجامعة
واللي طلعت وقعدت في البيت مده …بعدين دخلت معهد ولا شي جي والحين يشتغلن
وبحاول ما استسلم وربي معاي وراح يساااعدني ..
وبسووي كل اللي اقدر اسووويه باذن الله …
والبااقي ربي يساعدني علييه ان شاء الله …
والله المستعااان في كل امووورناا …
جزاكم ربي خير ع كلامكم الطيب
واختـي شيطووونه
تسلمين ع الدعاء اللي طرحتيه ورااح اقوووله باذن الله
والله يسهل الامـوور ..
بس ادعووووولي وكل من تقووم الليل تدعيلي دعووه طيبه تنفعني بدنياي واخررتي …
والله يعطيكم العاافيييه …
الله يوفقج و شدي حيلج .. حاولي مرة مرتين .. اسألي و ادعي ربج بالتوفيق .. و إن شاء الله خير ..
حبيبتي والله حاسة فيج ..
انا اول ما دخلت جامعة الامارات صادفتني مشاكل بالسكن ..
تخيلي كنا 5 بنات ونقعد بغرفة وحدة ننام على الارضية ..
لان القدامى ما كانوا يحبون المستجدات على ايامنا عاد .. ههههه
والحمد الله صارت لي غرفة مع بنت جيرانا .. بروحنا ..
وبعدها رغم ظروفي الصعبة لان من الفجيرة لين العين تخيلي ؟
الا اني صبرت اول كورس .. وثاني كورس صرت مدرسة مادة الرياضيات للبزنس بالانجلش ..
لاني كنت اخذ فيها امتياز ..
حبيت الانشطة .. رغم اننا كنا مضغوطين علشان مسالة التوفل ..
وكان اللي ما تاخذة مجبورة تاخذ صيفي ؟
وتعالي شوفي الصيفي بالعين عاد انتي ادرى ..
الحمد الله انا الوحيدة وبنت من دبا اللي من الفجيرة عدينا اختبار التوفل ..
وكلللل رفيجاتي رجعوا الصيفي هناك ..
وصارت ظروف امي ومرضها واضطريت اطلع من الجامعة لمرافقتها برحلة العلاج ..
ولمن رجعت .. كان فايتني كورس والتقنية مقفلة التسجيل وما بقى الا قدامي جامعة عجمان ..
لا وبعد كان وقت الإضافة فيها ..
والحمد الله تخرجت ادارة اعمال منها ..
لكن احن لجامعة الامارات واتمنى لو كملت فيها ..
يراودني حلم ان الشيخة فاطمة تكرمني .. وتناديني بإسمي واسم ابوي ..
ودايم كنت اقول للوالد برفع راسك ..
لا تخلين جدامج حواجز اختي .. ما شي يسوى .. الحياة لحظة وحدة وبتمر ..
خلي الناس كلها ترمس فيج 
بالخير يارب …
وكانها على اللغة كلنا بدينا من الصفر .. ما نعرف انجلش ..
بس غلطنا وكملنا
ربي يوفقج ونسمع عنج اخبار حلوة ..