من بريد المشكلات المشكله الــ ~41~

أنا طالبة جامعية عمري 23 سنة
خطبوني وايدين و لكني أرفض الزواج أو فكرة الزواج من الأساس بسبب الزيجات الفاشلة الي اشوفها في العايلة أو بسبب عدم ثقتي بالرياييل ..
كل ما حد اي يخطبني أرفض و اظهرلي اي سبب
احس انه من بد هالرياييل كلهن انا ما ارتحت الا لولد خالي الا اكبر عني بسنتين
من كثر ما أشوف تصرفاته الزينة و رزانته و أخلاقة العاليه و دينه و صفاته الي نادر ما يتصف فيها شبابنا هالايام
احس اني ما اقدر أرتبط الا فيه هو

.. بس انا خايفه انه هو ما يفكر فيني .. او مب محطني في باله عاساس الزواج.. و انا ياسه ارفض و ارفض على امل انه هو اييني

ماعرف شو اسوي خواتي
ابيكم تساااعدوني تعطوني الحل شو اسوي ..

فكرت اني اطرشله مسج
اقوله اني انا ما ارتحت لحد غيره و احس اني ما اقدر ارتبط مع حد ثاني عشان جي انا ياسه ارفض كل الي يخطبوني
فاذا هو يفكر فيني كزوجة أو يباني كزوجة انا مستعدة اترياه
اما اذا لا فانا راح افكر باللي ايوني احسن مما اني اردهم بدون تفكير ..

خواتي اذا انتوا معاي في فكرة المسج
يا ريت لو تقولولي شو اكتب فيه ..
أبا كلاااام يكون منطقي
يبنله اني انا مب مال سوالف الشباب و الخرابيط و اني والله الشاهد علي في حياتي ما رمست واحد غريب بس انا من كثر ما اسمع عن سوالف الرياييل مع حريمهم فاحس اني مب قادره ارتبط الا فيه هو بس
لاني اعرف انه محد بيصوني غيره هو و لانه يخاف الله ما راح يطمس حقي كزوجة و احس اني ما بعيش سعيدة إلا معاه و لا اروم ارتبط الا فيه ..

الله يخليكم ساعدوني
و اسمحولي ع الاطالة