من بعد موضوعي عن الحمل بولد ):

مرحبا خواااتي شحالكن ..

كنت منزله موضوع عنوانه (منو بتابع معايه طريقــة علاجي في مولود ذكر بأذن الله)
وهاذا هو الرابط
https://forum.uaewomen.net/showthread.php?t=752047

والحمد لله حملت ونزلت موضوع ثااااني اخبركم فيه اني حامل .. وعنوانه (منو بتابع معايه طريقــة علاجي في مولود ذكر بأذن الله ..(الجزء الثاني))
وهاذا هو الرابط
https://forum.uaewomen.net/showthread.php?t=821847

اللي صار معاااي اني اجهضت ..
بخبركم بالتفصيل ..

تم الدم ينزل عليه اكرمكن الله يوم اسير الحمام بس .. وسرت عند الكتوره وقالتلي ان كل شي بخير والجنين صحته (زي الفل)
بس قالتلي انا بوصفلج مثبت حمل .. اذا خذتيه او ما خذتيه ما بيضرج .. يعني هب شرط اخذه .. لان الجنين ثااابت ..

وخذت مثبت الحمل 3 اياااام .. فاليوم الرابع كنت صايمه يوم وقفت عرفه .. ولا خذته لمده 3 اياااام من بعد الصوم ..

يوم الاربعا المغرب نزل عليه دم وايد .. بس من دووون قطع عزكن الله ..

يعني بس دم عاااادي لكنه كااان غزير .. وخيست ثيااابي والسياااره ..

قلت حق ريلي ودني اقرب مستشفي .. وكنا نحن عند اهلنا ف عماااان ..

وداااني اقرب عيااااده وقالتلي بنحولج مستشفى ثااااني لان ما عندنا جهاااز الالتراساوند .. وما عندج ابر لمنع النزيف ..

وشلوووني بسياره الاسعااااف ..

وصلت المستشفى وقالتلي الدكتوره بطلي ريولج .. ودخلت صبوعهااا بقوووه وانا يلست اصرخ واقوللها طلعي ايدج .. لين ما نزل الجنين ..

انا من الصدمه يلست اصرخ عليهم .. خلاف يه ريلي وتم يحتشر ويسال .. وحالتنا حاله ..

واونه الدكتوره كانت معصبه عليه ليش انا يلست اصيح ..

قاللها ريلي شو تبينها تضحك ..!!

واونه قالولنا ان النفس فاتحه عندي والجنين نازل فالمهبل .. طبعا هالكلام والله اعلم ماشي منه .. لانه امره دخلت ايدها من دون ما اتشيك ع الجنين اذا هو بخير او لا ..

وانا كنت مشيكه ع الجنين قبلها باسبوع وكاااان فيه نبض وبخير وحتى اني سويت صوره له .. وقالتلي الدكتوره بانه ذكر باذن الله ..

يلسنا قرابه الساعتين وريلي يحتشر عليهم .. حتى ان الدكتوره رفضت اتسويلي عمليه التنظيف .. لين ما يت الاختصاصيه .. وحاولت اتفهم ريلي وقالتله اللي نازل هب الجنين .. اونه قطعه دم عزكن الله ..

نحن ماشيناهم لني كنت انزف .. وبغيت اتخلص منهم ..

وسوولي العمليه .. والبارحه طلعت من المستشفي .. وعطوني ابره الحصبه الالمانيه .. طبعا هم شاوروني اذا اباها والا لا .. انا قلتلهم باخذها .. ولان بنت خالي قالتلي اخذها …

بس لازم ما يستوي حمل لمده 3 شهور .. والا بيستوي تشوهات للجنين ..

والبارحه ع الساعه 11 الظهر طلعت من عندهم ..
وخذت من عندهم تقرير بحالتي .. وحصلتهم لاعبين بالتقرير .. واونه كاتبين ان النفس فاتحه عند 8 سانتي .. وغيره من الامور

والحمد لله ع كل شي .. والله يعوضني خير يا رب..
صح اني احس بضيج وخاطريه اسير اذبح هاذيج الدكتوره الهنديه .. بس قدر الله وما شاء فعل ..

ان شااااء الله بعد 3 شهور بحاول من يديد .. الحين برجع اشرب المرميه والبردقوووش .. احتياااط عشان ازهب عمريه ^____^

دعوااااتكن الطيبه ^^

الله يرزقج بالذريه الصالحه قريب ..

الله يعوضج بحمل سليم معافى ان شاء الله
وهذا درس لج غناتي…لو صار لج نزيف بسيط لا تسمحين لهم يفحصونج داخليا عشان مايتسببون في فقدانج للجنين

انا صار وياي مثل هالموقف مرتين سبحان الله
فحصتني الممرضه بكل عنف وقبل ماتسوي تصوير مما عرضني لفقدان الجنين والحمدلله على كل حال.

يحليلج الغاليه ,, الله يعوضج خير ,, الصراحه ينخاف من المستشفيات هالايام وين انسير بعمارنا يعني ..

لا حول ولا قوة الا بالله ,, الله يعوضج ان شاء الله ,,

امين يارب..

امين يارب..
خلاص خذيته درس اني ما اخليهم يفحصوووني داخلياااا..
قدر الله وما شاء فعل .. والحمد لله ع كل شي ..

حشآآ آمررره سيده دخلت آيدهآ فيج .. آستغفر آلله شو هآلدكتووره!!

آلله يعوضج بغيره غنآتي ..

وآلله يرزقني ويرزقج في آلقريب آلعآجل يآرب ..

والله يوم قلتي دخلت ايدها
بطني عوووووووورني
حسبي الله عليها
فديتج والله
الله يعوضج خير ان شاء الله
اهتمي بنفسج هالفتره مثل ما قلتي
و بعد الفوليك اسيد لا تنسينه
و الله يرزقج الحمل السليم المعافى يارب