خواتي لو سمحتن في وحده تعرف اسوي الفطير المشلتت ؟؟؟
ابي اعرف كيف يسونه والمقادير بعد
ابي حد مجرب
ومشكورة الي بتخبرني
اختي الفطيـره تحتاج اشويه شـغل ,,
المقادير:
5 أكواب طـحيـن ,,
ملعقه ملـح
4 ملاعق سمن اخضر
ماء للعجـن
ملاحظه : العجيـنه بتحتاج سمن واااايد ,,
الطريـقه :
تخلطيـن المقاديـر كامل وتعجنينها ,,
عقبها تقسـمين كامل العجيـن الى كور صغيره وتتركيـنها لمده نصف ساعه او ساعه ترتاح ..
تفرديـن العجيـن بحيث انها تكون خفيفه نفس الورق بالسـمن وتحطيـنها بشـكل طبقات كل ما تسوين طبقه تدهنينها بسمـن ,, تقريبا تحتاجيـن من 10 الى 15 ..
بعد ما تخلصين تيبين الاطراف على داخل كـانج تصغرين حجمها وتمسحيـن عليها بالسمـن وتفردينها بالحجم اللي تبينه يكون بشكـل دائــري
اخر شيء تخلطيـنه 2 ملعقه قشطه مع بيضه وتدهنين الويه وتدخلينها الفرن لين تحمر
وقدميـها حــاره وممكن انج تحشينها بالجبن او الزعتر يعني 5 ورقات وعقب الحشوه وبعدين 5 غيرهم
وطعمها لذيذ ,,
نصيـحه استخدمي السمـن الاخصر او لوبارك ,, يطلعها روعا
هذي طريفتي وفي طريقه ثانيه بدل الروب حطي جبن او ما تحطي شي وبالعافيه