من جرب منتجات زين الاتات تفيدنا

مرحبا بنات شخباركم

الغاليات من منكم جربت اي من منتجات زين الاتات وبينت النتيجة معاها وهل خذ وقت وله كم اسبوع .. سواء للبشرة او الشعر او غيره

انا عندي الهالات اللي تحت عيني واايد مضايجة منه .. وافكر اخذ من عندهم ..

اللي جربت لا تقصر تخبرنا تجربتها .. واللي عندها الحل بعد تتحفنا فيه

ومشكورين في انتظار ردودكم

انا استخدم منتجاتهم

لي عوده ^^

استخدمت لوسيون العنب حق الاثار
وبدل لايخف زادن ><

هلا اختييه

بقولج حكايتي ويا زين الاتات طبعا انا فيني حب الشباب واتعقدت من هالحب
وماخلييت مكان ماسرتله ومافي خلطة ماجربيتها ومااافي فايدة فسمعت من الناس
عن زين الاتات زين الاتات سالت عنه وصراااحه نصهم
قالولي : وااااااااااايد زيين ومافي احسن عنه وانا جربته وسيريله ومابتندمين
ونص الاخر قالولي : لا ترووحين ومامنه فايدة وخسارة بيزاات وخرب ويوهنا

وطبعا انا النص الاخر متى سمعته يووم اشتريت وخسرت عمري بس انا اشتريت
كريم زين لنمش وحب الشباب والكلف وهالسوالف >> والحين مقطوط في الكبت
وتنظيف المصران الي شرات البودرة وتخلطينها في الماي لانها اتقول يمكن فيج شي من داخل
يخلي الحب يطلع وعطني مثل لوشن عشان ينظف بس مااذكر شو كان اسمة لاني فريته
وانا سويته وصرااحه مافادني بأي شي يعني لا ضرني ولا فادني ..
وسمعت ان منتجاتهم مايعرفون محتوياتها وكل تركيباتها كيماويه يعني مايعرفون شو محتواها
وقالتلي تمي على الكريم 6 شهور عشان اتشوفين انتيجة
انصحج انصحج لا تشترين ولا تعبين عمرج سيري عند دكتور او دكتورة جلدية هي تفهم بشي
الي فيج وتفيدج بدال هالخلطات الي الله اعلم شو حاطين فيهاا

وسموحة اذا دوختج ويايه ^^

rf3333

اختي اياج تشترين من عندهم شي والله العظيم حراميه وانا مجربتنهم مجربه عندهم كريم لمسه ناعمة لازالت الشعر نهائيا والله العظيم احترق ويهي بغيت اموت والحمد لله اني سويت بمكان اصغير تست يعني مب صغير وايد بس مبل الويه كامل حسيت ويهي يحترق حطيت عليه ماي حطيت فازلين ما شي فايدة والله عانيت وايد حبيبتي انصحج لا تاخذين من عندهم اي شي لانه احس منتجاتهم فيها مواد كيميائيه خطيرة مب طبيعية شرات ما يقولون وبعد وانا اشوف اللقاء ما ل زين الاتات الله لا يوفقه اتصلت وحدة قالت انها استخدمت نفس الكريم الي انا استخدمته وحترقت وقطعوا الاتصال وقال هو الي تحترق مكان الحرق ما يطلع شعر مرة ثانية وقال بس ما تروحون تحرقون انفسكم بالعمد وهو يضحك وانا احترقت وطلع مكان الحرق شعر لا والشعر مب شرات شعري قبل كاني حالقة بالموس وريحته نفس ريحت الايماك اصلا وحبيت انشر قصتي مع منتجات زين الاتات علشان بنات المنتدى يستفادون من تجربتي واختي انصحج ادورين كريم الهالات السودة في الصيدليات اضمن بكثير