من سوت عملية التكيس وحملت؟؟؟"؟"

خواتي …

شحالكم؟؟؟

حبيت استفسر عن عملية التكيس

الدكتورة قالت لي اني غير مستجيبة ابدا للابر والادوية

واني اعاني من تكيس شديد

واني لازم اسوي عملية التكيس

ممكن تفيدوني بتجاربكم؟؟؟

كم تكلف؟؟

كم مدتها؟؟

شو اعراضها؟؟

بعد متى يمكن يتم حمل؟؟

ارجو المشاركة للاستفادة

والله يرزق كل محرومة

والله حبيبتي انا اعرف انه العمليه هذي بسيطه جدا
و الباقي صراحه ما عرف
بس الله يرزقج و يسهل امورج و تحملين باسرع وقت

تسلمين اختي دلع العاصمة

اليوم العضوه نانو قالتلي عنهااا عمليه بسيطه ويفتحولج 3 فتحات عند المبايض وعلى السره ويشلونه بالليزر وعطتني رقم الدكتور جان تبينه

اختي ارض اللبان ..

انا سويت عمليه التكيس شهر 2 في تايلاند العمليه بسيطه وما يحتاج شي وما اتخوف بس اول ما اتنشين من البنج اتحسين بألأم مثل ألم الدوره فقط لا غير وعادي تقدرين تطلعين بعد مرور ساعه من اول ما اتنشين من البنج وبينزل لج دم انا استمر ويايه بعد العمليه يمكن 5 ايااام..

بس انا اول ما رجعت البلاد رحت للدكتوره عشان اتشوف اذا راحت التكيسات ..

بس للأسف قالت انه بعده فيه تكيس وهنيه الصدمه..

حتى وحده من اهلي لما سوتها قالولها نفس الحكايه انه ما شال الدكتور كل التكيسات..

وانا لين ها اليوم بعدني ما حملت لان الدوره ما انتظمت ورجعن التكيسات..

وانا احس انه العمليه ما فيها فايده لان مب بس انا نفس الحاله 3 من اهلي بعد يقولون نفس رايي..

وانا الصراحه انصحك انج تمتسحين واتجربين كاسات الهواء الجافه وتتحجمين لان هاي الطريقه هيه اللي بتساعدج انج تحملين بأذن الله ..

وانا ما اقول لج لا تسوين عمليه لا بالعكس سوي العمليه يمكن اتنفعج اكثر عنا نحن..

اختي نور البدر .. نور الله دربج باليقين والايمان

انا الدكتورة قالت انهم راح يسوون لي 4 فتحات في مبيض واحد بس

وانه ما فيها اي نزيف ولا اي شي

ومدتها تقريبا رع ساعة بس

واقدر اطلع بعدها

وانه بعدها يرجع المبيض طبيعي

وتتكون عندي بويضات ويكبر حجمها للحجم المطلوب

يعني هالمعلومات غلط؟؟؟؟

ارجو التوضيح

واعتذر لكثرة اسئلتي

نصيحتي لج في الأخير ما تجازفين عند أي حد وتسوينها ..
لازم تتأكدين من الي بسوي لج العملية أنا سويتها عند دكتور مختص في التنظير
واستشاري نساء مثل ما قالت الأخت غلا محروم