من فيكن جربت القطار الاوروبي

يا بنات ان شاء الله الصيف القادم سايرين لأوروبا , والمناطق باريس ثم بالقطار الى جنيف ثم بعدها الى انترلاكن وبعدها زيلامسي واخر شيء فينا , وعندي سؤال يا بنات من فيكم جربت تنتقل بالقطار من انترلاكن الى زيلامسي وكيف كانت الطريق خصوصاً ان معي اطفال والمسافة من انترلاكن الى زيلامسي بالقطار 11 ساعه وفيها تبديلات كثيرة للقطار !!! شوروا علي الله يجزيكم خير, ترى المسافة ما هي هينه وحاولت القى طيران اقتصادي ما لقيت وبقول لكم كيف, انترلاكن ما فيها مطار لازم اروح زيورخ وآخذ طيارة الى سالزبورغ والمسافة من انترلاكن الى زيورخ ماهي بسيطة ولا من سالزبورغ الى زيلامسي ماهي قريبة يعني كأني ما سويت شيئ ولو رجعت من انترلاكن الى مطار جنيف بعد بعيد حتى اوصل سالزبورغ وبعدها الى زيلامسي والمشكلة الثانيه سيارة ما نقدر نتأجر لأننا بنكون في انترلاكن أيام اجازة يعني يوم سبت و أحد وما في مكاتب مفتوحة للتأجير بهاليومين والمشكلة الثالثة اننا حجزنا الفنادق ودفعنا فشو الحل الحين شوروا علي ؟ ولا تقولون لي روحي منتدى العرب لأني دخلته وما لقيت حل لمشاكلي .
منتظرة ردودكم ولا تتأخرون علي الله يخليكم .

هلاالغاليه

سالفة القطارات ويا اليهال وايد متعبه ياليت لو انها رحله

بس المشكله بتبدلين
انا طلعت من المانيا الى سويسرا في القطار وفي الرده

رجعت بطياره وفكيت عمري ما قدرت والف محطه بتوقفين فيها

خص عااد زلامسي الي موول ما يعرفون يرمسون انجليزي
هنيه الوهقه

يمكن اريح رحله من المانيا الين فرنسا مب طويله الرحله واايد
بس مشكلة اليهال يملوون

وشي 3 خطوط للقطاارت
السريع
السريع جدا
العادي

اذا ناوين خذوا السريع جدا يختصر لج الساعات بس التذاكر اغلى

الغاليه من سالزبوغ الى زلامسي المسافه مش بعيده

تقريبا 3 الى 4 ساعات في السياره

نفس المشكلة

من انترلكن لزلامسي بالقطار

لو 11 ساعة ،، عادي بالعكس ابا اشوف المناظر واستانس

بس الصراحه زغت ،،اتقولون انهم ما يعفون انجليزي

مصيبة

وبعد قبل عندي مسافة من انترلاكن الى مطارات أما جنيف أو زيورخ كم ساعه يعني ما سويت شيئ 3ساعات قبل و3الى 4 ساعات عقب غير الطياره اللي باخذها بين المنطقتين كأني ما سافرت بالطيران ولا شيئ ويطلع علي نفس توقيت القطار
مشكورين بنات وبعد انتظر وحده منكم قطعت نفس المسافة من انترلاكن الى زيلامسي

ها يا بنات محد جرب القطار ؟ اشوف محد رد علي

لا تعبين عيااالج ورووحي بالطيااارة ……احسلج واذا تقولين بخصوووص التوفير عيل حددي منطقة وحدة مب لازم ترووحين زلامسي ترااها طبيعة نفس لوزيرن ولوزيرن احلي …وتبعد لوزيرن عن انترلاكن بالسيااارة شي بسيط … وسويسرااا كلها طبيعة …..والله يوفقج …