شلونكم شخباركم انشالله زينين
انا عندي مشكله ويا اختي الكبيره واهي اكبر مني ب4 سنوات
المشكله هي مو واثقه فيني وكل شوي تاخذ الموبايل مني عشان تشوف المسجات والمكالمات الصادره والمستلمه حتى المكالمات الي ماارد عليها وتسألني منو رقمه؟ وليش مارديتي ؟ واذا رقم اعرف قوليلي ليش مارديتي عليها شفيج زعلانه منها ومنو الغلطان انتي ولا والبنيه؟
وطبعا بتسألوني ليش تسوي كل هذا؟
انا قبل كنت اكلم واحد بس صداقه والله واهو نفس الشي والصبي اصغر مني بسنه يعني اذا صارت عنده مشكله يشاورني وانا احاول اساعده طبعا اهو مايكلمني لما تكون الساعه 8 . يعني اذا صارت الساعه 8 مايكلمني ولا حتى مسجات وانا اعتبره مثل اخوي الاصغير بس والله مابيني وبينه شي ولا حتى حب اللي اختي باطه جبدي كله تقولي انتي تحبينه اقولها لا بس صداقه وانا اؤمن بالصداقه اللي بين البنت والصبي بس بحدود يعني الساعه8 مايدق ولا يدز مسج واليوم اختي شافت رقمه بتلفوني وقالتلي هذا اللي قبل تكمينه قلتلها اي بس بحدود الصداقه واهي مو راضيه تصدقني يعني خلاص اهي مو واثقه فيني شلون ابيها تثق فيني بعد اللي سويته بس انا مقتنعه اللي سويته مافيه شي غلط
واختي مادري شلون بتعامل معاها خصوصا انها متزوجه وعندها بنت عمرها شهرين
ابيكم تساعدوني شسوي ؟؟
وانا ماالومهااا
اي وحدة في مكانها بتسوي جي وزياادة
وانتي لازم تقطعين علاقتج فيه حتى لو كانت صداقة عادية الان مجتمع الاسلامي والخليجي ما يقبل
والله يهديج حبوبة
امممممممممم والله يهدي النفوس ^_^
ومن الضروري انج تسايرين مجتمعج
حاولي انج تقطعين علاقتج فيه عشان يستقر الوضع
وربي يهديج ويهدي اختج لطريج الصح
بس حاولي تتقربين مع أختج العودة وتقعدين معاها .. وقولي لها انج ما تحبين هالأسلوب لأنه يفقدج الثقة بنفسج وبنفس الوقت يبعدج عن أختج ..
ودايمـآ أدعي لها ان الله يهدي بالها يارب ..
وهمـ حبيبتي دايمــآ خلج عادي وخلج واثقة من نفسج .. وحاولي دايمــآ كل ما سوت شي يضايقج انج أبدآ ما تحسسينها انه يضايقج ..
موفقة يا قلبي ^^
انتي اقطعي عن الولد وحاولي ترجعين الثقه عقبها بتشوفين اختج تغيرت
مافي شي اسمه صداقه بين البنت والولد ف الاسلام
يمكن نيتج تختلف عن نيته انتي ماتعرفين شو اللي ف داخله حتى لو يقولج انتي مثل اختي
اسمعي كلام اختج تراها تبا مصلحتج