من مطبخي ابل كاندي +اللولي بوب سويته لحفله اولادي

مرحبا شحالكن
هذا الابل كاندي سويته لحفله عيالي وحبوه الاطفال ولا خلو شي منه
اتمنى اتجربونه
اذا ما عجبكم عالاقل مروا وسلموا ههههههههههه
تراني مزجومه وحالتي حاله وانا احاول احط هالصور مشكله
المقادير:
كوبين سكر
ثلاث ارباع الكوب ماء
نص كوب كورن سيرب ( شراب الذره )
نص م ص لون احمر
تفاح نوع ممتاز
نضع ورق الزبد في صينيه وندهنه بالزبده جيدا
في وعاء نضع كل المقادير مع الخلط جيدا ونتركه على نار عاليه وعندما يغلي نضعها على
نار وسط ونحركها جيدا نتركها تغلي الى ان تصل درجه الحراره الى 300 درجه
نضع اعواد الخشب على التفاح ونعطس كل تفاحه من جميع الجهات
ونضعها على ورق الزبد
والمصاص انا سويته بالباقي من الحلاوه وضعت الورق المدهون وكل ورقه عليها عود وسكبت الحلاوه على العود ليشكل مصاص قلب او دايره
(انتبهوا يجب ان تعملوا بسرعه والا جف الخليط)

نسيت اقولكم طويت كل حبه تفاح بالورق السولوفان وربطتها بس ما صورتها لني كنت مستعيله
ونفس الشي بالمصاص شليت عنه الورق وطويته بورق شفاف ( السولوفين)
وهذا شكل الابل كاندي عن قرب

بالتوفيق ان شاءالله وشغل متعوب عليه

الله يوفجج اختي صبح وليل وشكرا عالمرور

شاطره ماشاء الله عليج

تسلمين الغالية ……….. شكله حلو وايد ………. يعطيج العافية حبوبة

تسلم ايدج يالغلا
مشكوره ع الطريقة