من منكم مر بهاي الحاله؟

مرحبا خواتي باليت اتساعدوني وتنصحوني شاسوي انا عندي ولد عمرة سنه واربع اشهور لايحبي ولايمشي بس يقعد ويتقلب ويزحف ولا حظت ان عندة مشكله في يدة وريله مايقبض الالعاب بيدة عدل يعني يفتح يدة بصعوبه وبرجفة وقمت ووديته مستشفى العلاج الطبيعي وقالولي مافية شي لان لحطيته في المشايه يمشي ويوقف وعطوني تمارين اسويهم له انتو اشرايكم اشتنصحوني بة…

انا اقول خذي كمن راي لا توقفين عند راي واحد.. وخصوصا انه ماشالله سنة واربع شهور المفروض يكون يحبو .. لو على المشي بقول لج اصبري عليه شوي لكن الحبو المفروض يكون يحبو .. ودام انج لاحظتي عنده صعوبه ثانية هاي دليل انه الموضوع يباله استشاره..

وديه عند طبيب اطفال شاطر وهو لو شاف شي بيحولج عن مختص.. وان شالله يكون كل شي بخير ..

وديه اختي حق دكتور مختص
ولله يطمنج عليه يارب

لازم بسررررررعه وبدون اي تاخير تودينه لعياده ثانيه وثالثه بعد ماتدرين انتي سبقي الاحداث وان شاء الله يكون الامر طبيعي بس انا اشوف واايد متاخر فالمشي والاعراض يعني ماتطمن بس لاتخافين ان شاء الله خير

مشكورين خواتي على الرد
ام فضولي
وام الغناه
وفراشه

السلام عليكم
خدي ابنك عند دكتور اعصاب و بدي اسالك انتي وين وديتيه علاج طبيعي؟ بعدين ما تابعوه و للا شو صار و شو التشخيص اللي عطوكي اياه؟ انا ما بدي اخوفك بس ابنك متأخر شوي في المشي و اذا الشي في ايده و رجله هاي في نفس جهة؟
يعني انا مش فضولية بس كنت اخصائية علاج طبيعي و حابة انصحك

هلا اختي هوه من ناحيه المشي عادي لين يكمل الياهل سنه ونص بس الحبوان مادري ليش تاخر غير انج شفتي عليه مشاكل

انا بنصحج كل ليله دلكيه ريوله وايدينه بزيت زيتون بيقوي عضلاته وطبعا وديه مستشفى زين وسويله فحوصات

انا ولدي الحين سنه وثلاث شهور بس يحبو ما يمشي