حبيت ابشركن اني ربيت تاريخ 17/7/2017 ويبت احلى و اغلى سعيد ربي يجعله من الذريه الصالحه
يمكن اغلب العضوات مرت على مواضيعي وكيف لعوزوني في الحمل بدايتها انه الجنين كان بشريان واحد فالحبل السري واحتمال يكون فيه تشوه فالقلب او الكلى لاسمح الله بس الحمدلله كنت ادعي ربي ليل ونهار انه يعطيني الطفل السليم المعافى وانه تقر عيني بشوفة ظناي والحمدلله ربي قادر على كل شي ورزقني بولدي بكامل صحته وعافيته اللهم لك الحمد والشكر
وغير هذا الاستشاريه قالت انه الماي ناقص ووزن الجنين ماقام يكبر والمشيمه ماصارت توصل الدم للجنين ولازم تولدني بطلق صناعي وعطوني موعد على تاريخ 13/7 وعطوني تحميلتين ومانفعن وبعدين عطوني موعد على تاريخ 14/7 وتميت وياهم وسوولي تخطيط البيبي وعقب قالت ردي البيت لانه ماشي غرف فاضيه الحين واخر موعد كان تاريخ 17 وامي كانت زعلانه لانه مابقى شي من تاريخ ولادتيه وماكانت تباهم يتعبلون فيني وانا بكر واول حمل بس انا اصريت لانه البيبي كان مايكبر والماي شوي وتوكلت على رب العالمين وما ااقول اني ماتعذبت في الولاده لانه من كثر الطلق انفجرت عندي المشيمه وتعبت وايد ونبض البيبي قام يقل وحولوني عمليات ولبسوني اللبس والدكاتره راحن غرفة العمليات وبقت وحده عندي تركبلي المغذي وقالت خليني اقيس كم سانتي فتح وقاست وطلع 5 وقالت بعدج مطوله احسن تسوين عمليه واتصلت امي بريلي عسب يوقع عالعمليه وسبحااان الله ماعدت خمس دقايق احس الطلق يحمى واقول لامي احس بشي بيطلع مني وتقول امي هذا من الطلق وارد ااقول للدكتوره اللي وياي وتقول مستحيل ولاده لانج 5 سانتي وقالت بعدين خليني اقيس وشوي تمت تصارخ عالممرضات ولااااده ولااااده 9 سانتي والراس بدا يطلع وشوي طلع الغالي سعيد الحمدلله لك يارب على كل شي وراحن نظفن المشيمه وسوولي خياطه وكنت متعذبه قبل الولاده وبعدها لانه صارلي نزيف بس بعد ماشفت ولدي وطمنوني انه بخير وعافيه نسيت كل الويع وتميت اصيح تعب 9 شهور وحام وتعب وثقل وكلام الدكاتره اللي مايخلص فديييييييييت عيونه عسى ربي يحفظه ويخليه لي ولابوه وهذي قصة ولادتيه
وعقبااال كل الحوامل والله يعطي كل محروومه الذريه الصالحه وياريت الوحده ماتتسمع كلام الدكاتره لانها بتتعب نفسيتها بس اذكرن ربكن واطلبنه وان شاء الله مابيرد عبده خايب والله قادر على كل شي واشكر كل وحده وقفت معاي ونصحتني فهالمنتدى 
وانا اقرا قصة ولادتج الحمدلله ع سلامتج
وسلامه سعيد ربي يحفظه ويجعله
من البارين الصالحين
ويتربى بعزكم انشالله
ربج كريم
الف مبروووووووووووووووك ويتربى فعزكم يارب