اتمنى من الخوات اللي حابة اتشاركنا تراسلني على الخاص
واتمى اللي تكون جادة لان في بنات قالوا بنشارك وعقب يوم قلنا لهم طرشوا المبلغ اختفوا ولا حتى اعتذروا انهم ما يقدرون
المبلغ اللي تم تجميعه لحد الان 12017
على النعم اللي عطاكم الله لكن استثمرتوها في عمل خير —
كم نصرف كل يوم كم نصرف لما نسافركم نصرف في حفلاتنا بنات وايد يدشون جمعيات وتصرف جمعيتها من غير رجعه لها الفلوس
انا ابيكم على الاقل تتبرعون ب 200 الى 500 درهم وصدقوني بيتجمع المبلغ المطلوب والمطلوب صار شوي الحمدلله يعني لو 20 بنت او 15 متبرعه تتبرع بيتم بناء مسجد —
فكروا في الموضوع
والبنات يزاهن الله خير اللي كل وحدة تضرب بالصدر وعقب ما نشوف منهن شي شرات مووضوع المصاحف اللي انا طرحته يعني ها المبالغ ما تروح جيوبنا بالعكس لازم تحسون بالفرح والامتنان لاعطائكم هذي الفرصة اللي تشكرون الله فيها لها النعم –(( انا اخص البنات اللي قالوا بيتبرعون وعقب ما يتبرعون يختفون ))
بنات في قصة صغيرون على جزاء اللي يشارك في بناء مسجد وهي ان في شخص غني قام ببناء مسجد وكان في حرمه لاتملك الا طابوقه فقط , وفي خاطرها انها تبني مسجد بس ما عندها وما تملك مال فحاولت مع البنائين انهم يدخلون الطابوقة في بناء المسجد رفضوا البنائين لان المسجد ملك للرجل بس بعد الحاح المره وضعوا الطابوقه اللي عندها في البناء بدون علم الرجل — بعد انتهاء المسجد حلم الرجل انه يدخل من باب الجنه وان هناك امراه تزاحمه في الباب للدخول وبعد ما سال وتفحص الموضوع عرف انها شاركته بطابوقه تخيلوا يا بنات طابوقه وتزاحمين في الدخول لباب الجنه ؟؟؟؟؟ طبعا الحكمة ان الرجل بنى مسجد كامل بس كان عنده فلوس وايد يعني ما بيحس بفلوس المسجد انها انصرفت يمكن بعكس المراة ما عندها فلوس الا هاي الطابوقه يعني كانت تستطيع تبيعها وتستفيد من المبلغ لكن اآاثرت المسجد على نفسها
UMSHAMMH اجرك كبير عند الله ان شاء الله والدال على الخير كفاعله
وان شاء الله اذا اكتمل المبلغ راح اخذ عنج المصاحف للمسجد