اليوم وانا اتصفح فالمنتدى شفت موضوع شد انتباهي و حبيت اناقشه بس بطريقة ثانية ..
وحدة كاتبة موضوع عن ثنين كانوا مواعدين جدام العمارة ومواطنين ومن هالكلام وما سوت شي ..
نحن مب منزلين مواضيع عشان فلانه تقول انا شفت هذيج المرة فالباركنات و شفت هذاك اليوم فالموول .. الخ
نحن مب هامنا نفضحهم "ولو انه دواهم" كثر ما هامنا سمعة بلادنا وعيالنا
تعالوا قبل 15 سنة كانت موجودة هالسوالف؟؟
لا طبعا ..
الحين تعالي شوفي بنات اليوم ..
1- ترمس شباب … 2-بويه … 3- تحب بس بويات
والاقليه هم اللي سلموا من هاي الدوامه
خبروني بس كيف تبون الشباب يتزوجون وهم يشوفون هالبلاوي جدام عينهم؟؟
الواحد يبا وحده تكون ام عياله .. مب يتزوجها وينصدم فيها اخر شي !!
وهذا اكبر سبب لزيادة نسبة العوانس
في وحدة الله يستر عليها في احدى الجامعات اللي فيها سكن معرووفه طبعا بين البنات فالسكن
متزوجه وعندها عيال لكنها بويه ! .. وترقد مع بنات !!
يسألونها ليش تسوين جي؟ .. يعني انتي عندج ريل !
تقول والله ريلي مب موجود فالسكن شو اسوي؟ .. اقزر حالي ويا البنات !
والله الوحده يوم تسمع هالسوالف يقشعر بدنها !! .. معقولة وصلنا لهالانحطاط؟
والله انه الاجانب ما يسوون جي ! يور عافانا الله
شو الحل لهالموضوع .. ولين متى بنتم ساكتين؟
طبعا اول شي يخطر ببالكم .. "بنبلغ عليهم الشرطة"
وشو بتسوون يوم يقولكم الشرطي ما عندي الصلاحيه؟؟؟؟
الشرطي لو شاف سيارة واقفه في مكان مشبووه .. و لو كان شاك انه حد مواعد فيها
ما يقدر يفتح الباب عليهم .. ما يقدر يوايج داخل من الدريشه
لانه على قولتهم " السيارة مكان خاص وتعتبر كانه بيت والواحد يروم ياخذ راحته دام انه محد انزعج منه"
لو الشرطي عنده ضمير . بيبلغ الجهه المختصه و بتي الشرطة النسائيه وبتتدخل حزتها ..
لكن لو شرطي فتح عليهم الباب او انه سوالهم شي .. يقدر راعي السيارة يبلغ على الشرطي ويرفع عليه قضية !!
طبعا انا مش يايبه كلام من عندي .. كلام من الشرطه بنفسهم
يعني بعد ما تسمعون كل ها؟ … دام انه الشرطه مخلتنهم على راحتهم؟
شو بايدنا نسوي؟ .. نسير نضربهم يعني ولا كيف؟
ادري طولت عليكم .. بس شو اسوي من القهر اللي فيني !!
اخر شي احب اضيفه .. عضوة كتبت رد في موضوع وحبيت احطه هني:
و طالما ان الفنادق و خاصة ال 5 نجوم اللي كانت تستقبل هالاشكال صارت ترفض تواجدهم مو لانه ضمائر الفنادق صحت لا لانه هناك مشاكل عديدة صارت لمواطنين داخل هالفنادق و طبعا الكل متستر عليها و القية يضع راسه في الرمل كالنعام
فاصبحت الفنادق تطلب الهوية و عقد الزواج ففي نظركم وين يروح هالبلاء اكيد للشوارع و السياارات لمخفية و الاماكن الي لا تخطر لدوريات الشرطة على بال
حليلها والله شكلها على نياتها وما تدري باللي حاصل !!
من متى الفنادق تطلب عقد زواج !! .. الله المستعان بس لو بنرمس عن الفنادق ما بنخلص
الفنادق همها الفلوس وبس !!!! .. انا كم مرة رايحه مع اخوي فنادق في دبي بسبب بعض المؤتمرات اللي لازم احضرها ..
وما يطلبون منا شي ابدا .. يعني مسهلين على الناس درب الانحراف !!
الله كريم بس ..
وانتظر آرائكم … 
وننصحهم وندعيلهم بالهدايه
يعني الحلول بيد الجهات المختصه الشرطه والقوانين
يعني لو في هيئة تمنع وتراقب هالظواهر جان ما انتشرت هالبلاوي في البلاد
مثلا جوفي السعوديه في هيئة الامر بالمعروف والنهي عن المنكر
تمسكهم ولا تخلي هالبلاوي تنتشر يعني هي مخصصه لهالاشكال
فلو في هيئة تخصص لتمنع الفساد جان وايد زين وارتحنا من البلاوي على شبابنا وبناتنا
وطبعا هو الراقبه الداخليه اهم شيء
فلو يخافون ربهم ما حتى فكروا بهالبلاوي
فلازم ننشر التوعيه بعقوبة الزنا وبلاويها ونتايجها السيئة على المجتمع
والافراد والله الامراض وغضب الله بيحل لو تمينا ساكتين وليش وايد ناس
واقوام تعاقبوا مع اقوام فاسده لانهم ساكتين عن الحق ولايحركون ساكن
فنحن لو تمينا على هالحال ساكتين وعم الفساد ترى نحن بنتعاقب وياهم
لو يى غضب من ربي
لازم نوقف هالزنى واللواط الي منتشر ولازم الحكومة تصدر قرار قوي بالمنع والعقوبة
عشان تطهر بلادنا من المصايب وتنزلها البركة من ربي
وعشان نسبة العوانس تقل ويتزوجون المواطنين من المواطنات
وصدقوني لو مب منتشر الزنى وكل السبل متوفره ومتيسره على الشباب
جان على طول قال حق امه اخطبيني وزوجيني من عمره 23
يلا الله يستر على عيال المسلمين وبناتهم
صدقتي في الرمسه اللي كتبتيها .. الدنيا اختربت .. وياما شفت هالبلاوي وانا في الكليه .. انا عن نفسي ما قدرت اسوي شي غير اني ابلغ عليهم ادارة الكليه وطبعن الاداره اكتفت بالانذااااااااااااااار
ما اقول غير
حسبي الله ونعم الوكيـــــــــل
حبيت انوه بخصوص العقد الزواج تراه صدق يطالبون بعقد الزواج .. انتي يالغلا لانج سايره كورس او تحظرين مؤتمر فمابيطالبون بهالشي
بظربلج مثال .. هاك اليوم كنت سايره احظر كووورس وقلتلهم اني يايه احظر كورس وفي هالفندق وجي .. فبعد ما تاكدوو من اسم مشوووني
وشي سعودي ويا حرمته اظني ياي شهر عسل ( هب متاكده ) طلبو منه عقد الزواج
والسموووحه
الموضوع حساس ومهم ولازم الكل يناقشة وتسلمين عليه أختي
منذ سنة 1993 ظهرت البويات متخفيات في أمكان خاصة لهن ولكن معدودات
بدأت منذ تقريبا 6 سنوات أنتشارهن وبشكل ملحوظ حتى في الامكان العامة
وأنا أرد الوم على الأهل وتربيتهم للبنات واللي نعرفه أنه البنت حساسة من الناحية العاطفية
فمثل البنت ماتحصل الأم جنبها يمكن تكون أمها متوفيه ولا لاهيه الام على الحريم والسوق ولا تسأل على بنتها ولا أحد يسال عنها
هني البنت تحصل حضن صديقتها وهني المشكلة تتحول البنت الى بويه
طبعا في بنات أهلهم وخاصة الاب يربي بنته على أنها ولد وهذه بعد مشكلة
وأنا شفت حاله كانت صعبة
وهي أنه البنت جميلة وفيها على قولتها جمال ريايل وانها يوم تسير مكان الكل يطالعها
بس والله أنا اللي شفته من شكلها جمال بنت روعة والمشكلة ما استغلت جمالها في زرع جمال البنت اللي لها قيم واخلاق تحولت الى بويه من البنات اللي معاها المهم البنت مشالله عليها بعد فترة تتطوعة وتغيرت وستوت وحده وووايد غير والحمد الله
نعرف الصداقة تلعب دور في هذا الزمن والحين صارت الوحده تدور على بو فرند أستوى عادي ترمس مع ريال أو تتواعد معاه وياما شفنا بنات الله يستر عليهن في الكوفي شوب من 3 واربع مع ريال ولا جنه شي
أنا انصح كل وحده لها بنت في سن المراهقة أنها تحاول تتقرب من بنتها بسلوب الأخت والصديقة وليس الام
وأنصح كل وحده عندها أخت وتحس أنه أختها في عالم وأنه امها ماحد تكون قريبه من أختها ترى الدنيا ماتوسى لو خسرتي أخت أو بنت
وفي الخير أتمنى لكل وحدة التوفيق
والسلام عليكم ورحمة الله
كلامج صح وما عليه خلاف
خواتي ………الي يصير في عالمناا لحين ……..والي اعتبره مرض اللهم ياكافي ………صار من جراء عدة اسباب …..الانفتاح الي صار فالدوله ……التلفزيون وطريقة عرضها للكليبات ………حدث ولاحرج في الي يصير فالشارع والاماكن العامه…….تفاخر الشباب باكثر مواقف انحرافيه سواها في حياتيه فالميالس والناس تسمع وتسكت الي قلبه ضعيف يقول ياريت اسوي شراته والي من داخله يشمت فيه مب متفيج ينصحه……اما البنات همهم الماده اكثر شئ لا تدور على الرومانسيه ولا تدور عالحنان ….اغلبيتهن الحين يكلمن شباب عشان ينصرف عليهن ….طبعا في شئ مقابل من ورا الصرف….والي تبا هالشئ غصبن عنها تخلي ويهها لوح وتقول مايهمني حد………سالفة العوانس وسالفه عزوف الشباب عن الزواج انا ماعتبرها لحين مشكله ……..ترا كل وحده الله كاتبلها نصيبها ….
خواتي …….. صار الانفتاح والتطور بسرعه البرق في الي منا لحق على عمره وواجه هالامور بحزم وقال انا لي عاداتي وتقاليدي …..يالي ضبطوا عمرهم في ويه هالتيار نتيجه عده امور منها الوازع الديني وتربيه الاهل والتعليم وتركيز الشخص على عمره …….والي انحرفوا ترا في بعض الامور غابت عنهم مثل الوازع والدين والتربيه والتعليم…….
خواتي ترا نحن امهات المستقبل …فلذات اكبادنا بينا الحين مانيلس ونقول ياربي شو صار للدنيا ……….شو بايدينا نسوي؟
بايدناا الكثير…….نحن اتعلمنا …….شفنا وفي منا جرب وفي منا الي فهم الدنيا صح ……..بايدنا نقتلع هالامراض كلها ……من خلال تعليمنا لعيالنا العادات صح والدين صح ونعزز فيهم شعورها بالانتماء صح البنت بنت والولد ولد ……..هذا غلط وهذا صح …… تركيزنا لازم يقوا اكثر واكثر على عيالنا …….بسنا تذمر من الي يصير ……بسنا حسره على الي يصير والي بيصير…………عيالنا الي الحين هم نقدر نشكلهم………..وكل ماصلح عملنا كل ماكان نتايج عملنا مثمره ……شوي شوي …….بيختفي كل الي الحين نشوفه ……..بايدنا نخلي البويات يختفن من الوجود ……..بايدنا نقدر نصنع رجال يبنون ….وامهات يربون ………ومستقبل مرضي ومشرف
وللخوات الصغار الي الحين يدشن المنتدا وهن بعدهن في طور النموو …….المراهقات………نقدر نحن نكون لهن خوات يقتدن فيناا ……..لنكن قدوه حسنه في طريق كل من دخل هالمنتدا الراقي …….كل مشكله ولها حل ياخواتي بس مرات الحلول تطول لين نوصل للنتيجه المرضيه
والسموحه علاطاله