مواقفنا الجمّة مع الاستغفار . تعالوا نشوفها ونتعلم =)

مودتي ..

مع انه ظرووفي ماكانت تسمحلي اني ادرس وماكنت اتوقع اني بدرس في نفس هالجامعه

سبحان الله استغفر الله واتوب اليه جزاش الله خير

شكرا لتعليقكن المعطر

بقولكن واحد من مواقفي واللي يخص الدوام

دوامي ماحبه ومسبب لي حالة نفسيه ما تتصورنها .. لدرجة الصياح والله العظيم
بس ماخبر حد لأنهم يقولون عني دلوعه وجذه
فكتمتها بقلبي وهذا أثر على نفسيتي

اولا الدرب طويل لين مكان شغلي والزحمة لعبت دور فكنت خلاص اموت لين اوصل المجتب !
وثاني شي وألأهم مديري اهو مخرب علي حياتي كله ينتقدني و جدام الموظفين وما يعيبه شي
جتني حالة انهيار وكرهت الحياة وكرهت كل حد اييب طاري الشغل
كنت وقتها ما استغفر يللا يللا اقرا آية الكرسي وبس

ومره فالدوام وصلني ايميل عن هذا الشاب السعودي و مواقفه العجيبه مع الاستغفار
قلت اجرب وش خسرانه

والله والله يا بنات ان حياتي تغيرت وااااايد عقب

من اول يوم وانا اسوق الصبح واستغفر ماشي زحمة هذا غير ان الاشارات كلها خضرا وتفتح جدامي
اوصل الدوام من وقت !

ومديري صح ما تغير بس الله كفاني من شره وصرت نادر احتك فيه وقمت البس اي شي يقوله

حتى انه عفاني من كتابه ملخص الاجتماعات اللي كان هم على قلبي لأنه كان يهزبني ويقول ماتعرفين تكتبين !فكنت اصيح وافقد ثقتي بنفسي !

هذا غير احساسي براحه نفسية و بالرضا بقسمتي
واحس انه الله دومه دومه وياي

وخلاص استويت ما استغني عن الاستغفار ابدا واصلا لساني تعود عليه

وبث هيهيهيهي
يكفي هذربت وايد نخلي لبعدين

استغفر الله العلي العظيم وأتوب اليه