موب سعيده في بيتي

بعد السلام عليكم
اقولكم يا بنات انا انتقلت لبيتي الجديد من اربع سنين تقريبا بس من سكنته وانا موب مرتاحه فيه ابدا
دوم احس بضيج وان البيت كئيب يمكن لاني استعجلت في التصميم والله تصميم بيتي مول موب عاجبني
وكارهتنه يابلي الكابه ومرات من الضيج ايلس اصيح بس ولا مره بينت لريلي ها الشئ عشان ما يتحسس ويزعل
ولي مكرهني فيه زياده كبر الارض يعني فيه مساحه طويله بين الفله والملحق وطبعا المطبخ في الملحق وما عندي مطبخ داخلي يعني سايره وراده على المطبخ
ودوم اتخيل لو ان الارض صغيره والبيت تصميمه حلو والملحق قريب يعني كل شئ ملموم على بعض راح اكون اسعد
نصايحكم الله يخليكم لاني صدق كاره بيتي
استغفر الله

عادي حبيبتي لا تكتابين الناس الحين كلهم يبون الملحق بعيد عن الفله بعد زين عشان المشي دام احنا ما نمشي
صح انا ساعات اييج ضيق بس ولا ايهم لكل مشكله حل …مثلا اذا عندج بالبيت زاويه فاضيه او غرفه ولو كانت بالصاله او غرقة الجلوس سوي مطبخ على الزاويه يعني مطبخ تحضيري صفيرون بيطلع ديزاين حلو
حتي الحين معظم الي يبنون يسوين هاي الحركه
وشيلي الكابه عن نفسج ترانه ما بتستفيدين شي
والله يوفقج

حتى أنا ما عندي مطبخ تحضيري في البيت لكن سويت مثل ما قالت الآخت مغروره بحسنها زاويه فاضيه سويتها مطبخ تحضيري…ما تضايقي نفسك لكل مشكلة ولها حل…

الغلا
حطي مبخ تحضيري صغنونى
عدال اى مكان الممر او غرفه
والله بيكون كشخه

مشكورين على الرد خواتي
بفكر في المطبخ التحضيري
والله يعيني

وانا عكسج كان عندي مطبخ في فله حولناه غرفه وسوينا ملحق خالرجي مع مطبخ بس مب بعيد وعقب جم سنه سكرناه من الفوق لين فله و ركبناله درايش وبيبان و رخام وان شاءالله اتريا عيالي شوي يكبرن اشتري كراسي و طاولة الطعام الله كريم حبيبتي شوي شوي لا تضايقي عمرج يوم عيالج بيكبرون ان شاءالله بتحسين ان بيتج صغير