الغيرة من كثر ما هي ذابحتني حولتني الى انسانة همها الوحيد ريلها وكله اشك فيه ليل ونهار ..اذا تآخر افكر لا يكون سار ياخذ راحته وياها ..واذا صادف اني رقدت من وقت وهو يالس عالايباد او التلفون الغيرة تذبحني لدرجه اني طول ما انا راقده ايلس افكر هو شو قاعد يسوي وانش الصبح وانا نفسيتي داااون !!
مب رايمه اتحكم في الغييييييرة !!! في ايام حلوة تصادفنا بس من كثر ما انا غيووورة اخرب اللحظات الحلوة بالضرابه وانته شو تسوي وليش ما تكلمني وليش ميود الفون !!
الله يعيني على ريلي ..وايد اتنرفز بسرعة
صلي وادعي الله سبحانه يصرف قلبج عن هالإحساس ..
والله لو استمريتي .. ابصم لج بالعشر بينفجر من تصرفاتج .. وعادي تهون العشرة بعد
حطي نفسج مكانه .. لو هو طول الوقت ضاغط عليج ويراقب تصرفاتج في كل لحظة ما بتضايقين
حتى هو .. صدقيني الحين هو مخنووووق بس انتي ما تحسين ..
اذا يعاملج عدل ويحبج ويطلعج .. ومستانسة وياه في لحظات نادرة حافظي عليها .. لا تعكرين صفو حياتج فيه هو وبس
كل شي له حدود اختي ..
بقولج قصة اختي ومرت اخوي واقسم بالله كان بيوصل لي لكن كبرت عقلي ..
اختي وااااايد وااايد تغار .. وطول الوقت تضارب وياه على ادناة شي …
ليش تطالع هاي وليش تبتسم لهاي وليش وليش .. وهو من كثر ما هو يحبها صابر
يابت 4 عيال وهي طول ما هو عندها تراقب تشك توسوس .. وصلت لمرحلة وهي عمرها 29 سنة كان جنها عيوز من كثر ما تفكر واشك
وتاكل اظافرها .. وكلما شافت وحدة حلوة مذيعة ممثلة وبالغلط انتبه لها تتخبل واسوي زوبعة ..
وياما استوت مشاااكل قربوا يطلقون .. كل كلامهم الريايل والريايل ..
اخر شي مات غريق .. ولين اليوم اتقول هو استشهد لأنه صبر علي.. الله يرحمه رحمة واسعة .. عمره ما قصر فيها ولا فينا .. ومكانه صدق فااااااااضي ..
حتى مرت اخوي نفس القصة .. بس يوم شافت اللي صار لأختي .. بدت خلاص تعدل من وضعها ..
حتى اخوي كان بيطلقها برغم من خوفه الشديد من هالموضوع .. خلاص وصل مرحلة خلاص ما يتحملون ..
—-
انا واختي الثانية ما نبا يستوي فينا شي وانتعب اعمارنا على شي لا صار ولا استوى ولا شفنا بعيونا
حتى ولا مرة فكرت اقعد اجييك على تلفونه ولا اراقب القنوات اللي يشوفها
يرتاح في بيته .. يطلع وياي مرتاح .. من نفسه يغظ البصر .. مع اني ادري من وراي ممكن يطلق العنان للبصر ههههههههههه
وحتى قال لي لي عن ماضيه .. لكن قلت له من بدايت ملجتنا .. انت اخترتني وخلاص انا ماضيك وحاضرك ..
واذا شفت في عيني شي كل واحد في طريج .. حياتي وكرامتي غالية ..
عشان جيه استغلي وقت فراغج .. في هواية في اي شي تحبينه روحي الصالون اطلعي ويا ربعج .. واطلعي وياه ..
لا تتعبين نفسج واتعبينه .. الحياة ما تستاهل والله …
الانسان يعيش مره وحده في حياته ليش انعيشه في تعب ومشاكل وضيقه… اختي دام ريلج صارحج بماضيه ويعرف ماضيه اسود صدقيني هو يحبج لان صارحج… ودام هو ما قصر فيج ولا في بيته وعياله فشلي الفكره من راسج.. لان بتهدمين حياتج واحلى ايام عمرج علشان شك… انسي ريلج وعيشي حياتج انتي اطلعي ويا اهلج ربعج وياه يود الموبايل الايباد انتي قومي ويودي موبايلج ايبادج سوي أي شغله علشان ما اتفكرين… اتاخر اتصلي وينك على كلام حلو على اهم شي ما اتحسسينه انج شاكه وربي ليج ركض او يقولج الصدق يمكن يكون مشغول صدق… لا تخسرين عمرج ونفسيتج وحياتج علشان شك…. ترى هو عايش وانتي اللي اتضيعين….
نصيحه حبي عمرج وعيشي حياتج انتي وجابلي ربج وادعي وربي ما خاب طلابه….
الله يوفقج ويسعدج يارب
ﻻني اعاني من نفس المشكلة مع ان ريلي مطوع وحاليا يدرس ماجستير في الشريعة
وبعض اﻻحيان يقول اخلص دكتوراه واصير استاذ جامعة وانا ازعل واضايق على شي لسه ما صار اﻻ بعد سنين
غيرتي متعبني اني مو حد ثاني
يعني لو اتصل على مكتب طيران او مستشفى وطلعت حرمة اغار
بس احاول اغير من طبعي وكل مرة احس بالغيرة استغفر واتمنى طبعي يتغير
ﻻن فعلا الضغط يولد اﻻنفجار بعدين ..
مع الوقت بتزيد وانتي مب حاسه بعمرج والريل بيطفر ومابتستمر العلاقة
فاداركي الموضوع من البداية
والله الريال مايحب جي اوكيه في غيره يتقبلها مثلا مابا البنات يشوفونك ولاتحط صورتك ولاتلبس جي من باب الحب ويستانس الريال على هالغيره لان يحس بقيمته لكن اذا زادت بتحصلينه يطوف مره ومرتين بس عقب بينفجر
عن تجربة بتقدرين تتغلبين .. والمفروض بحكم العشرة والوقت تكونين عارفة ريلج زين وانبنت الثقه من بينكم
لان غيرتج تحولت الى شك وحطي مكانج فموقف ريلج صدقيني بتظايقين
دووم ادعي وقولي يارب استودعتك زوجي وقلبه وبصره و…. ولازمي الاستغفار وصدقيني بتحسين براحه واطمئنان