موعد الولادة دشن شوي

بسم الله الرحمن الرحيم
السلام عليكم ورحمة الله وبركاته

خواتي عندي سؤال من تجاربكن…..
وين أضبط موعد الولادة الي تعطيج إياه الدكنورة أول شي بحسابها أو حساب السونار الصورة ؟؟؟؟؟؟؟؟؟؟؟؟؟؟؟؟؟
لأن الدكتورة عطتني موعد كل اّخر شهر بدخل شهر يديد
وبعدين قالت بعد ماشافت الصورة جدمي أسبوعين
وين الأضبط….
وتسلموووون……

وعليكم السلام
الموعد اللى فى السونار اضبط وتكون الولادة ياقبله بكم يوم يا بعده حسب تجربتى

انا اضبط شي معاي موعد السونار مب موعد الدوره لانه موعد الدوره تقريبي يكون لكن موعد السونار يعتمد على طول و وزن الجنين فيكون أدق اكثر وخاصه اول سونار سويتيه في بداية حملج

كل المواعيد تقريبيه ..

حتى السونار لان كل بيبي يختلف عن الثاني في الحجم و الطول ..

والله يسهل على الجميع

ومنكم نستفيد…معلومه يديده

يزاكن الله خير على المرور والمعلووومات الطيبة

والله فرحتني لأني مليت وأريد أربي بسرعة…………

عن تجربتي الدكتوره مره أعطتني موعد،و لما سويت السونار قدموه لي أسبوع لأن حجم الجنين كان أكبر من عمره بأسبوع و ربيت على موعد السونار(بعده بيومين)
ربي يسهل عليكي و علينا و على الجميع