خواتي ابغي رايكم في هالموضوع .. وهل معقول يصير شراته في بلادنا ومن بناتنا ؟؟!!!
الله يسلمكن … اميه سايرة ويا اختي الكبيرة المعرض ..تعرفون المعارض فيها اكشاك واقسام للمحلات تعرض بضاعتها وجيه … المهم اختي وقفت عند ركن المكياج اطالع البضاعة واميه وياها …. وعدالهم ركن العطور وتيي وحدة مواطنة مب متغشية عند العطور…لافة شيلتها وتعرفون نص الشعر طالع طبعا .. المهم تعرفون البياعين يعر ضون بضاعتهم فهو يبا يراويها العطور الزينة عندهم (البياع زلمة) …فيقولها تفضلي شمي هالعطر حلو … فتقوله البنية ..لا اهني رشه (يعني تباه هو يرشه على طرف شيلتها وصدرها …بنفسه!!) ..المهم هو ما جذب خبر وقرب ايده ورش من العطر على صدرها … (جزء من رقبتها وصدرها ظاهر) !!
واميه اطالع الموقف عدالهم وتقول حق اختي طالعي صدي هالصوب … فيوم البنية شافت اميه واختي يطالعونها وانتبهوا لها … ابتعدت من هناك على طول !
فتخبرني امي عن الموقف عقب وتقول ما صدقت انه وحدة من بنات البلاد اتسوي جيه وفي مكان عام !!!
لا حول ولا قوة إلا بالله … شو باقي بعد ما طلع بهالزمن !
الله يستر على بناتنا ويهديهن يا رب العالمين
لا حيا ولا حشيمه ولا مذهب …
الله يستر عليهن هالبنيات .. انا ملاحظه ان عددهن قام يزيد هالايام ..
استغفر الله
المشاركة الأصلية كتبت بواسطة قطوه ملسونه 
لا حيا ولا حشيمه ولا مذهب …
الله يستر عليهن هالبنيات .. انا ملاحظه ان عددهن قام يزيد هالايام ..
استغفر الله
وانا من رايك اختي
الله المستعان
واااايد شفت واكثر
الله يرحمنا برحمته