انا ما حس نفسي عروس لان وجهه نظري غير عن امي ..
ماما كله تفكر بالناس و الي حوليها .. مو براحتي ..
بقولكم من البداية :
انا ريلي لما خطبني الكل كان معترض عليه لاسباب خاصه جدا مو بسبة اخلاقة وسمعتة لا
المهم انا تميت مصره عليه و تنحت .. يا هذا يا ما ابي احد .. بابا كان الموضوع عنده عادي بس ماما رايحة ياية تزن بالموضوع .. مع ان من اهلنا 3 بنات كانوا تقريبا مثل حالتي .. و تزوجوا و مستانسين .. بس اهي كله طلع فيه شي قبل ما نملج .. اونه مطوع .. اونه ملحاي .. اونه يسمح محاضرات ( بذمتكم هالشي يخوف .. بدال ما تقول ما شاء الله تحاول تبين انه بيخنقني بسوالف الدين )
امي بس عنده قاعده وحده ما تغيرها .. يعني حتى لو الظروف مختلفة و الزمن تبي تمشي نفس القاعده ..
المهم امي كله تبين حق خالاتي اني ملعوزتنها و مضايقتنها .. بس انا عندي رايي ما راح اغيره عشان فلان وعلان ..
ماما كله تمشي ع ذوق الناس .. انا الناس ما يهموني .. انا الي بعيش مو هم ..
لما اقولها جي تعصب و تغربلني و دعي علي .. انزين ليش مافي تفاهم ..
تخيلوا .. انا ما ابي عرس وايد كبير و لا فستان مرصع بالكرستال و لا كوشه بخمسين الف ..
ابي شي بسيط و راقي .. و ع قد ميزانيتي ..
اهي تقول ما تبينا نفرح .. قتله الفرحه مو بالفشخره .. عقد الواحد يفرح .. في ناس يسون عرس بالملايين و نحنا ما نقدر يعني اطحيه في الديون واهو توه في بدايه حياته .. لا .. بسوي شي ع قدنا ونفرح فيه ..
يعني هي حاطة بالها قاعة معينة بس .. قتلها ماما في وايد قاعات حلوه .. و ع قد معازيمنا ونقدر ناخذها.. يلست تعصب وتقول انتوا ما تعرفون شي و يهال مشون كلامهم ع الكبار …
انزين المسالة مو جي بس ماما مو رايحه قاعات ثانية يا البوم يا ام المؤمنين ..
قلت انزين ام المؤمنين فيها قاعة صغرونه وحلوه .. لا نبي الكبيره .. فلانه سوت هناك حق 300 شخص .. وزنتها طلعت 10 الاف اكثر من القاعة الي خترناها و مافيها وايد فرق ..
انا مساعتنه بمبلغ .. بس ماما كل يوم عندها شي ..
تقول عني ما احترمها وصرت جريئة و ماصخه .. تخيلو ..
ماصخه اونه ليش ؟؟ لان لما كان ريلي قاعد انا كنت مرررره عداله و هو حاط ايده ع جتفي نشوف البيبي … انزين الريال ياي عشان يشوفني .. و يسولف معاي .. ماما قاعتنله بالبلعوم و 24 ساعة تسال .. انزين قلنا اول ربع ساعة .. اوكي نص ساعة .. عاد مو كل القعده .. وتقولي لازم تكونين رزينه وتخلين بينج وبينه مسافه .. شوها .. مو اهي امي لازم تقدر ان البنت تبي تحس بحلات هالفتره .. يعني بدال ما تستانس علينا .. تضيق فيني بعد ما يطلع
مول ما تمدحني جدامه .. كله مطلعتني وحده هيزه وما احب الشغل .. تقول اتمصخر .. انزين بس عاد جذي طلعني مو مال مسؤولية ..
تخيلوا انا ماعندي سيارة لين الحين .. ابي اخلص سوالف المشترى .. اقولها خلينا نطلع اخلص اموري مع اختي و هو يودينا خاصه ما عندنا بشكارة الحين .. تقولي ياقليله الادب .. كل شي عندج عادي .. ما شي تطلعين وياه دبريلج اي سيارة او روحي بالتكسي..
( انا بابا و خواني ما يودونه مكان و اختي دايما تتطنز على ذوقي ما ابي توديني بسيارتها )
تدرون انا اشرد معاها بعد الدوام .. اهي الي تخليني اجذب عليها .. عشان اخلص اموري ..
يوم ملجتي تخيلوا … لزمت علي انظف المطبخ مع ان الملاج نص ساعة وبيوصل .. ما قالت لي : انتي عروس و روحي تعدلي .. خلي اختج تشيل عنج هالمره ..
شوه .. انا مليت .. تعبت .. والله ان مخي تقطع ..
حتى لما اسولف معاها في تلفون.. تقول حق اختي شو عندها هالكثر سوالف معاه .. اوووووووووف ..
تخيلوا الحين طلع عندنا عرس من اهل ماما بنفس اليوم .. تبي تاجل عرسي عشان خاطرهم ..
بس اهي كله تضارب وتقولي قليله ادب و ماصخه و جي انزين ليش .. بدال ما تقولي : زين يا بنيتي انج تفكرين بريلج وحياتج معاها مو توهقينه بمصاريف مالها داعي .. تقول : اذا ما عنده خله يتسلف .. انزين اذا نقدر نسوي شي حلو و راقي ع قدنا .. ليش لا ..
و الله انا مخي يعورني .. ما احب ارد البيت .. صار فيني اكتئاب .. بس اسولف مع اختي وريلي ..
طولت عليكم وايد
بليز بنات بتقولون راضيها ماما مو من النوع الي اي شي يراضيه .. يعني بابا يحليله ع قده بنالنا هالصاله.. لين الحين تقول انه قص عليها بهالصاله الصغيره .. حرام عليها والله
ملاحظة : بابا ما يتدخل وكل ما اقوله بابا عادي مايسوي مثلج تقولي ابوج ما يدري عن شي مع ان والله بابا لما عطاني المهر والزهبه قالي : شوفي هذي فلوسج بتشترين فيها بترديله بتخشينها كيفج و انتي حرررره …
الله المستعااااااااااااااااااااااان
بس مآ بنكر وبقولج إن في أمهآت مب جي في وأنآ اعرف . .
بس أنتي أصبري ع رمست أمج عآدي أسمعي بس لـآ ضآيجين نفسسج ترى مب زين . .
مآ اقول غير ربي يسسهل عليج يويوفقكم دنيآ واخرهـ . .~
الصراحه عقلج كبير ماشالله والمفروض امج الله يهديها تفخر بج عند اهلج وعند ريلج
بس اقولج فديتج دامج على صواب استمري جيه ودام ابوج بصفج لا يهمج شي يمكن امج معصبه او كانت تبا لج حد غير ريلج لا تلومينها ومهما غلطت عليج بالاخير هي امج وعالعين والراس حطيها ولا تحتكين فيها وايد وتجادلينها انتي على حق بكل شي وربج بيسهل لج الامور ان شا الله
بس بنفس الوقت راعي امج شوي عسب ما تخسرينها ان شاالله باجر بتسيرين بيت ريلج ويتغير الوضع يوم تشوفج سعيده ومبسوطه وصدقيني باجر بتفتخر بج دام تفكيرج جيه انا اتوقع انه حياتج بتكون وايد حلوه الله يوفقج يارب
وداام انج مقتنعه بالرياال ومستخيرة فماا عليج فديتج
الام بكل الحالاااات نيتهاااا رااحه عيالهااا ومصلحتهم 00لكن يمكن أمج هذاا اسلوبهااااا
عزيزتي خذيهااا بالمساايس والكلمه الطيبه ولااا تنسينهااا بهديه حلوة ع ذوقهااا ^_*
الله يتمم لج ع خير ويسعدج ويهدي النفوس عنوووني
احسبها تغار منج ..
?اللَّــہِ يهدي أمج يا رب وأيد شيء أمهات جييه من خوفهن الزائد
ان البنت بتستقل وبتعرس ومن عقبها ما بتحتاجها آتم أترص عليها صدقيني هي اتحبج وأيد وأحس أمج صغيرة فالعمر فتحب اتشاركج واتدخل رأيها فكل شيء
أصبري عليها وصبري ريلج من أتعرسين بتبدا هي تستوعب الموضوع لأنها بتفتقد وجودج 