ميبيلين دريم مات باودر

خواتي .. يعطيكم العافيه جميعا..
أنا مثلي مثل الكثيرات اللي معاناتهم ماتنتهي مع البشرة الدهنية إللي مالها حل .. خاصة في الدوام .. الصبح الميكب حلو وفرش و بعد ساعتين تبدا الدهون تطل بمنظرها البايخ .. و لازم كل شوي بأوراق مص الدهون كل شوي نحطها على الجبهة و الأنف و الذقن و الخدود <<< عن جد إحرااااج .. وبعد مافي فايدة
يبتدي الميكب يبهت و يصير مب حلو أبداً …
طبعاً غيرت أنواع الميك أب أكثر من مره ., وأخرا استقريت على بيس ميك اب فور ايفر .. و باودر ميبيلين الناتشيولر .. و بلاشر أنجلوت و كريم اساس دريم موس من ميبيلين لأنهم الأقل دهنيه … مع أن المعاناه مازالت حتى تاريخه
المهم ..
سؤالي هو :
سمعت عن بودره ميبيلين مات ..
شورايكم فيها اللي استخدموها … هل هي مات و تمتص الدهون و تحافظ على الميك اب
هاي صورته :

الصوره من موضوع خاص بالأخت ريم ولها الشكر الجزيل

ابا اشتريه اليوم .. بس بناءاً على نصيحتكم طبعاً …
ويزاكم الله خير ..

انا شفتها بس كا مره اقول اخدها وارجع اخد لوريال

شكرا لردج أختي بس ياترى لوريال أحسن من هاي؟؟ أنا رحت اليوم أدورها ومالقيتها في سكشن ميبيلين اللي في ماكس المشرف مول.. يمكن ألقاها في كارفور ..

غناتي قبل البودرة وكل شي,, لازم تهتمين ببشرتج,, وتستخدميلها منتجات خاصة فيها
وقبل الميكب حطي بيس خاص بالبشرة الدهنيـة,, عندج من ميكب فور ايفر اسمـه All Mat…
وبالنسبة للبودرة انا افضل تستخدمين طبية,, وحاليا الافضل بمكياج البشرة الدهنية هم كلارنس,,
عندهم فاونديشن و بودرة خاص بالبشرة الدهنية والاكثرية بدووا يمدحونها,,
اتمنى اكوون افدتج غناتي.. اما بخصوص بودرة مابليين ما جربتها لكن اكتبي فالقوقل وبتطلعلج تجارب عنها

ممنونك عاديه حسيت

موفقة الغالية

حبوبة أنا مثلج ما خليت شي ما جربته للبشرة الدهنية ، مع اني أحط بيس اويل فري ، والأساس أويل فري والبودرة نوعت بين كذا ماركة مات ، بس الدهون عقب كمن ساعه بتبين واضطر استخدم الشرايح الورقية للتنشيف .

بس ترا هاي البودرة مش موجوده ف الامارات للأسف ، خذتها من بريطانيا ، بس ممكن تستخدمين كبديل لها ماك سيكن فنيش