ميني تارت الفواكهة

السلام عليكم ورحمة الله وبركاته

سويتلكم اليوم ميني تارت طعمها خبااااااااااااااااال
ميني تارت الفواكهة

المقادير:

2/1 1 كوب طحين
4/1 كوب سكر بودر ( ممكن تحطين 2/1 كوب حسب الرغبة )
100 غ زبدة
ملعقة صغيرة فانيليا
بيضة

الطريقة:

نفرك الزبدة بالطحين لين مايختلط بشكل جيد

نضيف البيض والسكر والفانيليا

نعجن الخليط لين مايمتزج زين وتتكون عندنا عجينة ناعمة وطرية مثل اللي في الصورة

نبدأ في تبطين القوالب بالعجينة أنا استخدمت غطا عسب تساعدني في التبطين ( اكور العجينة وبعدين احطها في القالب واضغط عليها بالغطا لين ماتاخذ شكل القالب وبعدها ممكن اعدل بأيدي)

وهذا شكل القالب بعد مابطناه بالعجينة ونضعها في الفرن لمدة تتراوح بين 10- 15 دقيقة

نطلعها من الفرن ونتركها تبرد

التزين
الحشوة:
كوب ونص حليب
ملعقة كستر
ملعقة نشا
فنجان سكر

نخلط المقادير مع بعض ونضعها عالنار لين مايتكون عندنا مزيج كريمي مثل اللي في الصورة

التزيين ( فواكهة مشكلة حسب الرغبة):
فراولة – كيوي – مانجا

نقطع الفواكهة شرائح وهذا يعتمد على ذوقج ( طبعاً أنا مول مايخصني في التزيين ^_* المهم الاكل )

هنيه بعد مازينتها ( لاتضحكون عالتزيييييييين ههههههه على قدي)

محاولات فالإبداع ^__________^ في تطور صح ؟!

وهنيه استخدمت القوالب المدورة

وان شاء الله تجربونها ^___________^ وصدقوووووووني بيعيبكم طعمها لانها صدق صدق لذيييييييييذة

وعليكم بالعافية