أنا بخبركم تجربتي مع الريجيم ..أنا كنت أسوي ريجيم من مخي بدون ما أركز وايد على الرياضة صح أن نزلت 20 كيلو
بس جسمي فيه ترهلات ومش مشدود والكرشة نازلة لتحت والخطوط حدث ولا حرج.gif "12 (1)")
لاني كنت ما أرطبه ولا اهتم فيه
.gif "12 (83)")
..انا حاليا تقريبا زايدة حوالي 10 كيلو يمكن اكثر بشوي بس إذا نقصت 10 خير وبركة وزني 67 او 68وطولي 153فبيكون برنامجي كالتالي:
*أنا عندي اوربتراك بسوي عليه 10 دقايق وأسوي بعض التمرينات لكل الجسم
*وبحاول أمشي ساعة في اليوم أو أكثر يعني أوزعها على طول اليوم
*لااااااااااازم الماي وشرب الشاي الأخضر ويمكن شمر
*تخفيف الحلويات والسكريات والعيش والتركيز على الخضار والفواكه
*والترطيب بعد الاستحمام وبحاول أعمل تقشير قبل الاستحمام لو مرة في الاسبوع
بنات أبغي تشجيعكم ونصايحكم واللي مثلي ناوية تهتم بنفسها قبل الزواج حياها معي ونكتب يومياتنا على قد ما نقدر وتسلمون
الأشياء اللي طبقتها اليوم مو وايد التزمت:
يوم قمت الصبح سويت على الأوربتراك 10 دقايق +تمارين للجسم
وشربت شاي أخضر وكلت تفاحة + شربت ماي بس مو وايد
أما الأكل خبصت ما التزمت فيه وما مشيت والترطيب سويته بعد الاستحمام
بشاركم ليش لا ونشد أزر بعض
كنت تعبانة وظهري وايد يعورني
قمت متأخرة شربت ماي وبعده كلت تفاحة +3 تمرات
أما الغدا خبصت صراحة إغراء مشبوس لحم وبعده شربت شاي أحمر مع أخضر
والعصر بعد كلت شوية شيبس
والعشا: قطعة بيتزا صغيرة + قطعة جبنة+شاي أخضر
ما قدرت أسوي رياضة اليوم
عرسي بعد 4 شهور تقريبا وانتي؟
انا تقريبا نفسج يعني عادي اذا في خاطري شي اكله بس قد مااقدر اخف وخاصه من النشويات والسكريات واكثر ماي وخضار وفواكه
عالعموم انا وزني الحالي 59 كيلو والطول 150سم وودي اوصل لل 50 ان شاء الله
وعقدتي الكبرى هي الكرش وبعدين الرداف
انا جامعيه وقبل كنت اسوي رياضه بس بشكل متقطع بس الحين شريت الدراجه وصار لي يومين اتريض لمدة ساعه
( 1/2 س دراجه و 1/2 رياضة بطن مع نط حبل مع القرص الدوار للخصر)
وممكن اسوي رياضه في الجيم الموجود بالجامعه اذا ماعندي وقت
بالنسبه لطقوسي قبل الرياضه ارش على كل جسمي خل تفاح مخفف بالماي وبعدين ادهن البطن والارداف بكريم والبس شورت التنحيف وابدى هوبا هوبا
بعد الرياضه ارش خل التفاح ثم احط كريم نيفيا على مناطق السيليوليت وبعد ماينشف احط كريم التنحيف ماركة بريتي
وان شاء الله كل ليله بحاول احط يومياتي معاج وبالتوفيق