نادي الظباط ؟؟؟ ولا نادي السيدات ؟؟ اوففففففف ساعدينيه الله يبارك فيكن

السلام عليكم و رحمالله وبركاته
بسمالله الرحمان الرحيم
ووالله مب عارفه كيف ابدا …….. المشكله انيه اريد اسير نادي رياضي …في بوظبي ..و نادي الظباط لازم ايكون عندج ربيعه عندها اخو ضابط ولا ما يدخلون …و نادي السيدات ريلي :1 (73): معترض عليه و السبب ..انه سمعته والله هنه:1 (9):

والله مب عارفه اريد اسير نادي رياضي ..:1 (6): .و يكون ثقه ..(لا كاميرات تيلفون ولا تصوير ولا غيره) والله انيه طالبتكن طلبه لا تفشلني …تراني …تلهت و ما اعرف وين اسير ….
والله يجزيكم الف خير مقدما

لا حبوبه هب شرط يكون حد من هلج ظابط عشان تشتركين
أنا اختيه سجلت ولا عندنا ظابط ولا غيره .. وعشان تتأكدين اتصلي ..
نادي الظباط احسن بمليون مره من السيدات هناك الريحه مقرفه وتلوع الجبد البنات يسيرن يتحوطن هناك ويتيلسن لا شغله ولا مشغله
والمدربه الي فالظباط أخير عن السيدات ..
……………………
وممكن تشوفين نادي حواء الي عند جسر الدفاع وين بنك بوظبي الوطني
ترومين تروحين وتاخذين فكره عنه

بسمالله الرحمان الرحيم

هيونه …بارك الله فيج …و حقق لج امانج …و لا ردلج مطلب يالغاليه …و تسلمين على صراحتج معايه …
وجزاج الله الف خير ..

السلام عليكم
مش شرط ان يكون عندج أحد من الجيش علشان تسوين عضوية في نادي الظباط. وبعدين يعتبر هذا النادي من أرقى النوادي في ابوظبي ز وللسيدات نادي بروحة معزول عن الرييايل ز ومفتوح من الساعة7 صباحا حتي 10 مساء

لا هذا ولا ذاك ..

أنصحج بنادي حواء للسيدات للي قبل ورا مركز البحوث الاستراتيجية ومقابل وزارة الاعلاماليديدة على الشارع الثاني .. أنا مسجلة فيه من فترة والصراحة وايد استفدت .. مع إني أسير متقطع ,,

والسموحة

مرحبا الساع..

ماشاء الله ع خواااتي ماقصرن ويااااج..

وعن نفسي السموحه ماعرف عن (( نوادي)) بوظبي..

حياااااااج الله

مرحباااا …
انا عن نفسي و عذرا للخوات اللي امتدحوا نادي
حواء … لكن انا سرتله و موووول مب مريح …
موجود في عمارة … و شقة صغيرة .. و اجهزة
مب لهناك … و المكان كله على بعضه ما يطمن
يعني اذا ريلج ما عيبه نادي السيدات تأكدي انه
مستحيل يوافق على نادي حواء … انا ريلي اول
ما وصلنا بعدنا ما نزلنا من السيارة قلي شليه
من بالج …
حاليا مشتركة في نادي الظباط و اقدر اظمنلج انج
ما بتندمين اذا اشتركتي فيه … اجهزة واايد
و على كل جهاز تلفزيون خاص .. و اكثر من مدربه
موجودة .. و مكان راقي و مضمون و كل شي فيه حلو
حتى لو عندج مناسبه ترومين تتعدلين عندهم لأن في
صالون بس حق السشوار يعني مب ميك اب و تساريح..
هذا كل اللي عندي اختي و الراي الأول و الأخير لج ..
ملاحظة … مسبح نادي السيدات احلى عن نادي الظباط
بس كنادي .. الظباط احسن بوااايد ….
تحياتي …