هلا بنوتات وحريمات .. أشحالكم عساكم بخير ..؟؟
أنا أول مره أحط موضوع ف هالمنتدى من القهر اللي فيني
والله بنات أنا الحمدالله شايف خير ونعمه بس ماشفت ناس شرات هاي العيوز بتيلكم السالفه الحين ……….؟؟؟؟
من أسبوعين تقريبا يتلي وحده من الكليه تبا تخطب أخوها حق وحده من البنات اللي فالجامعه ف حطت عينها عليه وختارتني أنا من بين كل البنات مع أني يبوني حق ولد عمتي بس أنا ما أباه أعتبره شارت أخويه لانه نحن من كنا أصغار ويا بعض ..
طبعا هيه ماخبرتني أنها تباني حق أخوها طرشت أربيعتي عسب أتخبرني وصار اللي صار وخذت رقم أبويه عسب يرمسونه ويحددون موعد حق الزياره ويخطبوني منه بس المشكله أنها كل يوم وكل ساعه تتصل ع تليفون أبويه أذت أبويه بتصالاتها ولا بعد ترمس بالساعات وأنا يوم أشوف شكل أبويه أعرف أنها هيه اللي داقه عليه أول مره أشوف حد يبا يخطب يأذي الناس بتصالاته الميهم ف نفس الأسبوع زارونا فالبيت وقعدنا وياهم ورمسناهم أبكل طيب وحترام ..
الموهيم يوم زارونا :طبعا أمايه ما رتاحت حق الأم يوم شافتها بالمره وحتى من كلامها وحست أنها مش زينه وكانت تتمدح بعمرها وااايد وعلى لسانه كله كلمت نحن ونحن وايد شايفه عمرها ….. الموهيم رمسه مع رمسه أمايه أكتشفت أنها تعرف خواتهااا جان تقول لها أنتي أخت فلانه وفلانه .. ردت على أمايه و قالت هيه بس للأسف خواتي بس بالأسم مايسألون عني و ولا عن عيالي وبنتي طاحت مرضه ولا كلفو على عمارهم يسألون عنهم حتى 3 شهور سافرت أمريكا ولا أتصلو ع ولديه ويسألون عنه ( من عمايلها الناس ماتسأل عنها ولا عندها أهل من جي كله أتسافر وماتم فالبلاد لا و بعد تيلس أتحط ع بلادها أول مره أشوف ناس مايحبون بلادهم هاي المفروض يسحبون عنها الجواز والجنسيه ماتستاهل الصراحه أستغفر الله منهاا )
والموهيم يلست ترمس عن ولدها أونه هو روحه فالبيت ما فكرو يطرشون له الغدى مع أنهم كل ياكلون من برع ماياكلون من البيت حتى مافي خدامه ماشردت من عندهم بسبت الأم
جان أتقول حق أمايه أنتي أترمسين خواتي أيون عندكم البيت أمايه قالت لها أرمسهم بين فتره وفتره بس مابينا زياره يعني مب واايد ويا بعض بس أعرفهم يصيرون لنا ……
عقب أم الولد قالت حق أمايه لاترمسينهم خواتي مش زينين أنا خواتي كذا وكذا حرموني من ورث أبويه زحتى أبويه يوم أتوفه ما خبروني و حرمو ولديه من ورثه وسرقو فلوسه شو ذنبه هاليتيم يحرمونه من ورثه وكانت تجذب شوي ف الكلام يعني كلامها نصه جذب
ومن هالكلام معى أنه أمي تعرفهم عدل وهم ناس زينين مافي حد أحسن عنهم ما شاء الله عليهم الكل يمدحهم بس هاي الوحيده من خواتها جذي منحرفه ومحد أمسوي لها سالفه …. الموهيم حان أتقول نحن مانبا حد يعرف عن هاي الخطبه لاتخبرون حد وحتى نبا الملجه أبسرعه اذا البنت وافقت ع الولد ومن هالكلام وكانت كل ساعه أتعيد لاتخبرون حد حتى خواتي لاتقولون لهم عن الخطبه لانها كانت خايفه أنه حد يخبرنا عنها شي
عقب يومين سألنا عنهم .. شو تتوقعون قالو عنها خواتها وناس من قرايبينها بعد ؟؟؟
أنه أبوها متبري عنها من يوم كانت صغيره وهاي مش زينه أبتعدو عنها قد ماتقدرون عادي أتسوي لكم مشاكل وبتبهدل حياتكم واذا أنتو ماتبون بنتكم وافقو عليه هاي بتعذب بنتكم من هالكلام يعني ولدها خاتم ف صبعها يعني كله يمشي ع شور أمه يعني عادي اذا قالت الأم طلقها يطلق بنتكم وقالت حق أمايه أنتي شرات أختي وعيالي شرات عيالي حاولو قد ماتقدرون أنكم تبتعدون عنهم
نحن سألنا كذا وحده عسب نتأكد من الكلام بس للأسف طلع كلامهم كلهم نفس الشي
حتى أنا صليت الأستخاره طلع مش زينه بالمره
واليوم الثاني أبويه أتصل بها وقال لها أنه نحن مش موافقين و كل شي قسمه ونصيب والواحد ماياخذ الا نصيبه وعمتها زعلانه لانها تباها حق ولدها ومن هالكلام وهو قال جذي عسب يغطي ع الموضوع ويبتعد عنهم ..
جان أتقول حق أبويه ليش ماتبون ولديه ولديه زين ومافيه شي وهو اذا خذها بيعيشها ف قصر وبتعيش أحسن عيشه وبنحطها ف عيونا وبتعيش ملكه عندنا و أبوي رد وقالها مره ثانيه خلاص ماشي نصيب جان أتقول أنتو سامعين شي عني حد قالكم شي وتمت أتسب شو أونه الله لايسامح اللي قالك عني شي وأنا أعرف أمنوه الشخص الله لايسامحه وسبت عمتي بعد ما أدري ليش سبتها مع أنه عمتي على نياتها ماتعرف شو السالفه …..
وقالت أنا مابسامحكم ولا بسامح اللي قالك عن شي أبويه قال لها محد قال عنج شي ولا سمعنا عنج شي بس نحن مانبا عسب عسب الأستخاره ماطلع زين و أختي زعلانه مني وأنا ما أحب أزعل أختي بشي جان أتقول حق أبويه عطني رقم أختك عسب أرمسها
عسب أقول لها أنه البنت ماتبا ولدج والزواج مش غصب وأنا أباها حق ولديه
عقب أسبوع طلعت رقم عمتيه بس ما أدري من وين يابت رقم ويلست أترمس عمتي وتقول لها كلام الصراحه هالكلام ماينقال عني وأنا الحمدالله واثقه من عمري وأهلي مربيني أحسن تربيه ….
الموهيم أسمعو الكلام اللي قالته حق عمتيه أونه أنه بنت أخوج وحده مش زينه بالمره وأنا سألت عنها فالجامعه وقالو عنها مش زينه وهاي كذا وكذا مع أنها بنات الجامعه يعرفوني عدل ومستحيل يقولون عني هالكلام ويعرفون أنا كيف طبعي المهيم وقالت بعد أنا ما أرضى تعطين ولدج حق هاي الخايسه لو أنا ما أحبج ولا أحب عيالج جان ماقلت لج هالكلام ( ما أدريبها تعرفهم وأنا ما أدري خخخ من جي خايفه عليهم ) أونها صلت الأستخاره وطلعت مش زينه وحتى ولديه صلى الأستخاره وطلع عنده مش زين وأنه ولدها قال الحمدالله ماخذتها ولا كانت بطيح بجبدي مع أنه ما أعتقد أنه ولدها قايل هالكلام لانه هيه تألف من عندها شوي …
وبعد قايله أنا صليت أستخاره حق ولدج وبنت أخوج وطلع مــــــــــول مب زين ما أدري أمنو هي عسب أتصلي بدالنا وعمتي رد عليها جان أتقول لها الحمدالله هم صلو الأستخاره وطلعو زنين وأنتي مالج خص فينا ولاتدخلين ف هاي الأمور جان أتقول لا أنا سرت عند المطوع وقالي نفس الكلام
مع أنه اليوم اللي قبله يايتلنا بيت تترجى أمايه عسب أترمس أبويه عسب يوافق عليهم
وحتى قالت حق عمتيه أنا لو يعطوني هاي البت ببلاش ما باخذهااا وأبوها كل يوم يتصل بي ويترجاني عسب ناخذ بنتهم ومأذي ولديه بس نحن مانتنزل ناخذ بنتهم الوسخه أونه كل شوي أبوها يتصل بها أبوي لامتصل بها ولامسوي لها سالفه بعد ( والعكس صحيح نحن اللي مانتشرف أنهم يكونون نسايبنا )وسبت أبويه وخواتي كلهم أونه نحن كلنا مش زينين جان عمتيه أتقول لها أنا أخويه وعياله أعرفهم عدل ولاتيلسين تتبلين عليهم وأنا أعرفهم أكثر عن نفسي وعيالي ولو هم مش زينين جان مايو ناس وناسبوهم وخذو بناتهم
والمهيم أونه قبل لايظهرن من بيتنا سألتني جدام أبوبه ولدها أنتي تبينه وأنا رديت عليها وقالت لها هيه أكيد أباه ( ويهي لوحه وأنا ما أدري الحمدالله شايفه خير ونعه مب لهل درجه عاد ) أب أي طريقه تبا أتشوه سمعتي … هههه والله أحس أنها مش صاحيه هالعيوز
الموهيم عقب طلبت من عمتي تعطيها رقم ولدها بعد ما أدري شو تبا تجذب ( كل هذا لانها مقهوره ليش ماخذت ولدها ولا وافقنا عليهم حشى أول مره أشوف ناس تخطب وجي عفان الله ) وعمتي قالت لها أسمحي لي مابعطيج خافت أتسوي شي فيني وف ولدهاااا
ولا بعد مطلعه
رقم ريل عمتي ورقم دوامه ما أدري بعد شو تبا أتسوي
وعمتي خبرتنا أنها واايد كانت تسأل … بس عمتي ماعطتها ويه ولا ردت على أسألتهااا يوم كانت تسأل ومأذيه عمتي كل يوم تتصل بها حشى صدق أنها عيوز
المهيم اليوم أتصلت حق عمتيه بعد مره ويالسه أتقول خليهم يردون البتفور مالي شارتنه غالي وحت الباقه خليهم يردونه ( أي باقه ما أعرف شكلها مخرفه هاي لا يايبه باقه ولا شي ) وقالت خليهم يتصلون بي ع رقمي عسب أنا أي أشله مش يدقون على رقم ولديه بس أبويه قال بيأدبها وبيتصل على رقم ولدها عسب أي ياخذه عسب يعرف أمه كيف …. أونها خطبت حق ولدها وحده أحسن عني والعرس قريب وبتيب لنا البطاقه جان عمتي أتقول لها أوكي يبي لنا البطاقه نبا أنشوف أونه البنت أبسرعه أتعنس والولد لااا عمتي ردت عليها وقالت الخير واايد الحمدالله مع أني كنت أصغر عن ولدها ب13 سنه وأنا الحمدالله بعدني صغيره مش مستعيله ع الزواج …
مع أنها كانت خاطبه ولدها حق كذا وحده بس رافضين وللأسف شي ناس من قرايبينها أطلقو بسبتها هي والله كنا ناوين نشتكي عليها لانه واايد أمأذتنا حسبي الله عليها هاي يبالها حد يوقفها عند حدها… وهاي مشكلتي
والله اذا ما حصلت شي أضحك عليه أيلس أضحك ع سوالفها وعمايلها وأقول هاي وين بتروح من ربهااا كيف بتجابل ربهااا للأسف أول مره أقابل ناس ونيتهم خايسه جذي مع أنها حرمه عوده بينها وبين القبر مسافه قصيره وأنا الصراحه قلبي واايد يعورني على عيالهااا والله فرق كبير بين الأم وعيالهــااا والله حـــــــــرااااام مخربه ع عيالها بس الحمدالله على كل حال
وأنا أطلب من كل بنت أذا أنخطبتي عليج بالأم أسألي عن الأم أول شي عقب الريال
والسمـــوحه طولت عليكم وااايد بس شو أسوي من القهر اللي فيني
بس أنتو شو رايكم ف هالشــــــــــي
صدق في ناس ما تستحي
بس شكلاه مريضه نفسيا
الله يشفيها يا رب
استغفر الله السالفة تضحك
زين فديتج يوم انج سألتي كم من شخص واستخرتي ولا جان طحتي في جبدهم
وادعي ان الله يهديهاااا ان شالله
وعقبال ما نشوفج عروس جريب من شخص يستاااهلج ويقدرج حبيبتي
حشا …………
هذي مب عيوز النار وبس هاي الشر كله…………
تصدقين اعرف وحده تمام مثل اللي قلتيه…………
كل يوم احمدي ربج علي النجاة,,,,,,,,
ويارب ياجرج في مصيبتج خيرا ويرزقج نصيب خير منه …………