اقدم لكم اليوم ناشف روبيااان .. وان شاءلله تنحاز ع اعجابكم
نبتدي باسم الله
نقطع 4 بصلات كبار جوانح ..و8 حبات فص ثوم نبشرهم .. علبة واحده معجون طماطم
بهارات مشكله وبهارات سمك مضاف عليه كمون وكزبره وفلفل احمر وليمون عماني بودر
نغسل الروبيان جيدا وننظفه من الظهر وننزع عنه العرج الي بالظهر ونغسله مره ثانيه
نقطع عدد 4 طماط متوسط الحجم الي مربعات مع فليفله خضره وايضا نقطعه مربعات
نبشر الثوم
نحط البصل في مقلايه ونسكب عليه ملعقتان كبار سمن كيو بي بي
مع ورق الغار عدد 3 حبات
وعقب ما يشقر شويه نضيف الثوم ونخلطهم مع بعض
يتبع
نضيف الروبيان
ونخلطهم مع بعض ونخليهم لحد ما يبقى السائل ع الخفيف يعني 20 دقيقه ع نار متوسط
عقب نضيف عليه البهارات جميعهاا
نخليهم ربع ساعه مع التقليب المستمر
نضيف الطماط والفليفله عليه ونخلطهم ونخليهم ربع ساعه ايضا
نضيف عليه رشة خضرة بقدونس وكزبره مفرومه ناعمه ( حوالي ملعقة ونص اكل )
نتركهم 5 دقايق مع التقليب المستمر ثم نضيف نصف علبه معجون الطماط
مع 2 كلاس ماء حار ونخليهم ع نار عالي لحد مايبدا يغلط ( يعني مدة 10 دقائق
الحين خلاص سكرت ع النار
السموحه منكم ما مداني اصور التقديم لان كانو يتريون الغدا والصراحه نسيت ههههه
ان شاءلله تجربونه وتعطوني خبر
تسلم ايدج على الطبخه
رونت :*_*:
يمي يمي
ان شاء الله بجربها
اممم ابا اجربها بس ما اعرف كيف ينظفون الربيان !! ..
بعدين انتي تشترينه فريش ولا تاخذين المجمد اللي فالجمعية ؟؟
جربت مرة اسوي المجمد فالجيس كان حجمه عادي ويوم طبخته اختفى خخخخ صار صغيروووووون ما ينشاف لوول
لذيـــــــــــــــــــــذ
يسلمووووووووووو الغلا وتسلم ايديج يبالنا انسويها لو الشباب ^_^