بدون مقدمات …. انا فيوم من الايام كنت وانتبهوا ع كلمه (كنت ) طالبه متفوقه وشاطره وعلاماتي كلها امتياز فالمدرسه طبعا
بديت سنه اولى جامعه طبعا الاساسي مش داخل فالمعدل علامات دااون دااون المهم النجاح وعدينااا ع خير
الحين السنه الثانيه بديت متطلبات كليه الهندسه وصعب مش سهل والعلامات دااون دااون ع حافه النجاح يعني 0.1 وارسب…
المشكله وين ؟؟؟؟ اعرف المشكله لاني مااااااااا ادرس ولااا انظم وقتي ،، وقتي ضايع ع الرقااد والنت والتلفزيوون وحتى لو ادرس ( ادرس بلا ضمير ) كررهت الدراسه ،، بس ابا العب بس ابا استريح . ما عندي ذاك الدافع اول ،،،،تغيرت 180 درجه تعودت اني اشوف علامات نازله واحيانا راسبه
ما اعرف ؟؟؟!!
الحين المدتيرم عدى ع خير طبعا ع حافه الرسوب >< باقي شهر ونص وايينا الفاينل ،، مابا هالدرجات ابا استعد للفاينل ،بااقي وقت واريد اصلح درجاتي
اريد نصايحكن خواتي ،، اريد دافع قوي عسب اودر عالاهمال الي فيني ،، اريد ارجع مثل قبل متفوقه وعلاماتي تووب
نسيت عن لا اقول لكم ::/ ترا المشكله مب بس فالدراسه صايره مهمله حتى فالعبادات استغفر الله وحتى فنفسي ،كل شي ،،، بس اريد ابدا انظم وقتي عسب اعرف انظم الباقي
مشكووورات مقدمااااا
انتي لازم تغيري اللي فيج .. تتغيري من داخل .. اهم شيء الارادة " إن الله لا يغير ما بقوم حتى يغيروا ما بأنفسهم "
لازم تكون عندج ارادة و تصميم في التغيير .. هذا هو الحل الوحيد و الخطوة الايجابية .. و هذا يدل على شخصيتج الواضحة و الصادقة مع نفسج .. فعليج بالبدأ بالتغيير والاستعانة بالله أولا… يقيج شرور النفس والهوى..
و بالتوفيق اختي ..
و نظميلج جدولج .. و حاولي تخلصي اشغالج ف البريكات .. و حاولي انج ما تخلين عليج اشياء واايد ف البيت .. و الله و لي التوفيق ..
اله ييسر امورج ويهدي سرج ويوفقج ان شاءالله
حاولي تصلين قيام وادعي الله يسرلج ويهديج..
وحافظي ع صلواتج ف وقتا تراها فرض وواجب علينا وهي سبب من اسباب التوفيج..
صدقيني تدريجيا بتردين شرات قبل واحس وطبعا بندعيلج ان شاءالله…
ومافي دافع غير نفسج 
انتي الي تجتهدين وانتي الي لازم تقررين تتفقوقين ^_*
كل شي يبدأ من داخلج واصرارج
وربي يوفقج لكل خير
المشاركة الأصلية كتبت بواسطة سوارة 
اله ييسر امورج ويهدي سرج ويوفقج ان شاءالله
اهو بصراحه التغيير الي استوى فحياتي ان ابويه تزوج
ويعني ممم تعرفون اميه جلبت البيت فوق تحت p :
كان هذا ع بدايه الكورس ،، بس الحين الامور استقرت فما عندي عذر ،، اباا ابدا من يديد
يسعدلي يومج
ختيه اهم شي الربعه الصالحه
رآبعي بنـآت شادات حيلهن ويدرسن
سويلج جدول ورتبي وقتج واذا تبغين
جدآول عندي من دكتور معروف فـ جامعة
الامارات ..
سيري عند الدكاتره اذا مب فاهمه شي
وهم ما بيقصرون بيشرحون لج
رآجعي دروسج اول بأول
فالويكند ادرسي عسب لا تنضغطين فالفاينل
.*
تذكري ان الدنيـآ فانيه والاخره دايمه
ومحد يعرف متى بيموت !
آمسات بنت ماتت فجأه فـ عز شبابها
حد قال بتموت ؟ !
صلي فرضج وارضي ربج والله بيوفقج
(( إعمل لدنياك كأنك تعيش أبداً و إعمل لأخرتك كأنك تموت غداً ))
حـآولي تقرين كتب ابراهيم الفقي وعائض القرني
ومحمد العريفي وصلاح الراشد وايد مفيده
موفقه خير يـآ رب