السلام عليكم
اشحالكم خواتي
أسأل الله أن يحرم ويه من ترد على النار ويرزقها ياربي من خير الدنيا والأخره ويقر عينها بمن تحب
عندي استفسار ورجاء
انا بخبركم القصة وان شاء الله ألقى عندكم حل ايبرد الفؤاد
اخويه فديته متزوج من خمس سنوات والله ما رزقه بعيال إلا العام
حملت حرمته مرتين والحمدالله رب العالمين طرحت بعد معاناه وألم وحسره وهذا قضاء الله وقدره
اللهم لا اعتراض
المهم الحمدالله حملت لكن لاحول ولاقوة إلا بالله العلي العظيم طلع الجنين عنده مشكله في الكليتين
لانه ماي الجنين ينقص كل يوم بسبب تضخم الكليتين وقالوا ان الرئتين ماراح تنمو بشكل طبيعي واحتمال في اي وقت يختنق الجنين
وهم ماقادرين يتصرفون وما عندهم علاج لها لمشكله ولازم اتروح الوصل لانه على كلام الدكتوره عندهم أجهزه مطوره لمثل هالحالات
ألحين المصيبه والطامه الكبرى مب قادرين نتصرف ومحد يترمس عندي الوالد مريض وعنده الضغط وما يتحمل شي لانه العام لما طرحت لولا ستر رب العالمين كان بيروح منها والوالده نفس الشي وهي ماعندها اخوان وأخوي الله يحفظه امسافر
وما نعرف شو انسوي والله العظيم محتارين والتأخير مب لصالح البيبي بس شو انسوي
مب قادرين نرمس والله هم هم ما يعلم فيه غير رب العالمين
قلتلها بنروح يوم الاثنين دبي بدون ماحد يدري بس أخاف ايرقدوها وتستوي بلاوي الله المستعان
الحين خواتي أبي شي ايطمن اذا وحده مرت بتجربه مماثله نقص ماي الجنين والله حفظ البيبي وربته بالسلامه شو سوت ووين راحت دعاء أو قران كانت تقراه
في حرمه تعالج بالأعشاب وحد جربتها وفي زيادة ماء الجنين وتنشيط الكليتين
حتى لو في مستشفى في أي بقعه استفادت منها
ثم أسألكم بالله الدعاء ثم الدعاء ثم الدعاء بأن الله يثبت الجنين وايكون كامل الخلق والخلق بدون زيادة أو نقصان
ولها مني الدعاء في قيام الليل
ان شاء الله خير و الله يتمم عليكم على خير و يرزقكم ولد معافى و سليم
والله يعينكم
SPY أسأل الله الفرد الصمد اتكملين التاسع بدون مشاكل وربي ايقر عينج بذريه صالحه قرة عين
الغالية ليش ما تودينها عند الدكتورة زينب الشنار وااايد يمدحونها