نصايح بعض الحريم .الله يهداهن

شحالكن بنات وحريم

بصراحة مب عارفة كيف أبدأ موضوعي بس يمكن يكون واضح من العنوان

أول شي بقوله إني أنا مب معرسة ولا لي تجارب سابقة فالزواج لكن الحياة واللي شفته هم اللي علموني وخلوني أقدر أستوعب بعض الأشياء في الحياة الزوجية فلا احد يعتب علي
أو يتضارب وياي.

لاحظت هني على بعض الحريم كل ما وحدة حطت مشكلة وقالت عن شي صاير بينها وبين ريلها قالن لها: طبي ريلج وطنشيه ولا تسويله سالفة, الرياييل ما يبالهم إلا جيه
من اللي قال لكن هالكلام؟
أو يقولن خليه يولي واهتمي بعمرج وعيشي حياتج وسوي اللي تبينه, خير إن شاء الله تسوي هذا كله حق شو؟ و هي ليش معرسة؟ تراها تعدلت حق عمرها قبل ما تعرس وسوت اللي تباه
هالريال اللي خذته شو خانته في حياتها؟ ماخذتنه منظر؟ ولا تبا تقول شوفوني عرست؟

واللي تدش من غير ما تفهم شو سالفة الحرمة تقولها: تعدلي حق ريلج وسيري الصالون وسيري ما أدري وين وتكشفي على خلق الله عشان تعيبين هالريل!
الحياة الزوجية مب أتعدل وأتكشخ وأسير الصالون وخلاص انتهى دوري وأكون سويت اللي علي.

يعني يا حريم هذي نصايح تنصحونها حق بعض؟ اللي تقول طنشي ريلج ولا تسوين له سالفة أبصم بالعشرة إنها مستحيل تسوي هالشي ويا ريلها بس الحريم بينهم غيرة فضيعة
ولو نيتها زينة وهي جربت ترى يا حبيبتي الرياييل مب كلهم واحد وأصابع ايدج مب سوى, يمكن لو طنشته يتغير عليها ويكرهها ساعتها هي شو مستفيدة؟

طلبي منكن وخصوصا هالفئة من الحريم إذا نصايحج بهالطريقة لا تنصحين حد وخليها لج وحابة تردين عالمشكلة ادعي لراعيتها وخلاص أرجوكن أرجوكن والله حياة الناس مب لعبة وانت تتسلن

حرام وحدة تنهدم حياتها بسبة نصيحة غلط وتيلس تدعي عليج, إنتي بترتاحين جيه؟