خواتي حبيت أحطلكن هاي المعلومات لاني كنت أدور على خلطات ونصايح والحمدالله لقيتهن ونقلت الموضوع عشان الكل يستفيد.
نصائــــــــــــــــــــــــــ ـــــح للمحافظه على المناطق الحساسة من المشاكل الي ممكن تصيبها:
1- بعد ماتدخلي الحمام وتشطفي استخدمي محارم( ورق مناديل) لكي تظل المنطقه ع طول نظيفه وريحتها حلوه وباذن الله ماتجيكي التهابات
2-لاتستخدمي العطر مباشرة على الاماكن الحساسه(ويستثنى منها المسك) لن كذا راح تسبب لك مشاكل والتهابات.
وهاي الخلطات ان شالله تستفيدون منها:
السدر لوحده أو مع الحليب : تفتيح من اول مره وتبييض مع الإستمرار إضافه لصفاء البشره .
منقوع المره : شد البشره وتعقيم الحبوب وتجفيفها .
قناع النشا مع العسل : بياض وردي .
الملح وزيت الزيتون : مقشر للجسم والأماكن الخشنه .
السفيداب : يجهل الكثير فائدته .. يعطيك النتيجه الحلوه بس يحتاج إلى صبر
المؤخره
أهم عنايه بهذي المنطقه هو (ازالة الشعر من المنطقه الخلفيه )
وهو الشعر الموجود في الوسط بين طي المؤخره ووجود الشعر بهذا المكان غير مستحب للزوج وكثير من المتزوجات ينسون هذي المنطقه او مايعرفون كيف يزولون الشعر منها )
وكثير من الأزواج يتذمرون لعدم أزالة الزوجه الشعر من هذي المنطقه
لأزالة الشعر من هذي المنطقه
افضل طريقه لأزالة الشعر من هذي المنطقه استخدام كريم مزيل لشعر بهذي المنطقه بعد ماتحطي على الفتحه الداخليه قطنه فيها مويه لن هذي الفتحه تعتبر حساسه والكريم ممكن يؤذيها
(لاتتركي الكريم فتره اكثر من ربع ساعه لجل مايحرق المنطقه )
بعد ماتغسلي المنطقه بالمويه وتزيلي الشعر ادهنيها بزيت الزيتون
_( اذا كانت المؤخره فيها حبوب )
الكثير يشتكون من وجود الحبوب بهذي المنطقه
أفضل طريقه هي غسل المنطقه بأاستخدام جل الأستحمام ( الصابون السائل ) مفيد جدآ لهذي المنطقه ولحل مشاكل الحبوب بالجسم عامة لن الجل يعمل اذابة الحبوب وجفافها
_أستعملي مقشر للجسم للعنايه بالخلفيه لكي لا يكون فيها بقع
( لاتستخدمي مقشر والحبوب ماراحت لإن كذا راح تزيد )
_أفركي هذي المنطقه بليفه طبيعيه خشنه لجل تصير ناعمه وطريه
(العنايـــــــــــــــــــــــ ــــــــــة أيام الدوره )
_التشيطيف بالمويه والملح لكي ماتطلع منك ريحه في فترة الدوره لن أهمال هذي المنطقه تسبب ريحه مو حلوه ممكن تنفر زوجك منك وكمان لجل ماتتوسع
_التغيير الدايم وغسل المنطقه الاماميه والخلفيه وخاصة ثنايا الوسط في المنطقه الخلفيه عند كل تغيير
تضيق الاماكن الحساسه أفضل طريقه هي تمرين الضغط على العضله السفليه)
_والنظافه والعنايه بهذي المنطقه والتشطيف بالماء والملح هو افضل الطرق لتضيق هذي المنطقه
طرق تعطير الاماكن الحساسه
الطريقه الاولى
(تعطير الاماكن الحساسه من اجل زيادة الرغبه الجنسيه_اولتنظيف الاماكن الداخليه بعد ماتخلصي الدوره واالافضل تعمليها مره بالاسبوع)
_جيبي خمريه من السوق وهي تنباع عند العطارين او جيبي عطورات دهنيه واختاري العطورات الفرنسيه او العطورات الي يحبها زوجك
_ اجلسي في البانيو او الطشت وتكون المويه دافيه اوساخنه ويفضل ساخنه ولاتقومين منه لين تخلصي كل شي
_حطي ملح خشن في المويه او حطي جوه بالاماكن الحساسه الاماميه ملح خشن
_ احين اهتمي باشياء ثانيه زي تغسلي شعرك وجسمك ونتي جالسه بالمويه
_نظفي الاماكن الحساسه من الملح
_حطي بيدك شوية خمريه او العطر وادهني تحت والخلفيه من داخل ومن بره وانتي
بالمويه جالسه لجل يختلط العطر بالمويه ومايكون مباشر على المناطق الحساسه ويسبب حساسيه
_الآن وقفي راح تنزل منك كل المويه الي جوه وكل الاوساخ واثار الدوره وريحتك راح تصير مره حلوه.
لخلصتي من الدوره _وقت الغسيل من الدوره___وتجلس تقريبآ ثلاث ايام) بس جد مره حلوه
جيبي قطعة قطن وحطي عليها( مسك ) وادهني فيها الاماكن الحساسه تحت من الداخل والخارج وبعدها تحممي
فوائد المسك:
____لاحظي المسك ريحته قويه وهو غير العطور الزيتيه لانه يمتاز انه يختلط مع رائحة الانثى الداخليه وينتج رائحه مميزه تيستمر ايام
_علميآ المسك يزيد من قوة الاخصاب وتنشيط المبايض للمرأه
وهذي تعمليها لكنتي مستعجله لكن مضمونه
_غسلي الاماكن الحساسه بالصابون
_جيبي مويه دافيه لتر او اقل وحطي عليه خمريه او الزيت العطري وغسلي فيه وهذي تجلس يوم بس اهم شي تكوني قبلها مغسله بالصابون لن وجود العطر بهاذي الاماكن بدون غسلها قبل بالصابون تحول العطر الى ريحه مو حلوه
_جيبي قماش قطن وقطعيه قطع صغيره اصغر من كف يدك لتستخدم كفوط خذي قطعتين وحطي عليها العطر الزيتي وبللي القماش بمويه وحطيها بين ثنايا الاماكن الحساسه وحده قدام وحده بالخلفيه وخليها نص ساعه وشيلي الفوطه وغسليها لكي تستخدميها مره ثانيه
تبييض الأماكــــــــــــــــــــــــ ــــــن الحساسه ( بأستخدام الكريمات )
_يمكنك بالسهوله تبييض المناطق الحساسه بأستخدام الكريمات لن مفعولها سريع وأفضل طريقة لتجنب السواد بهذي المناطق هو أستخدام كريم مبيض(أفضل الكريمات هو كريم فيد أوت )
_استخدميه باستمرار مرتين يوميآ على الاماكن الخارجيه فقط لاتستخدميه على الأماكن الداخليه لأنها حساسه وتتأثر
_لا تنسين تستخدمي كريم التبييض على الأماكن الخلفيه ( المؤخره )وخاصة بالمنطقة الداخليه الي بالوسط لن فيها سواد بعد ماتتحممي أو تغسليها ادهني المؤخره من الوسط
_بعد يومين راح تحسي بمفعول الكريم وبعد اسبوع ومع الاستمرار راح تشوفي ان البقع والسواد كله راح والمنطقه صارت نظيفه وبيضاء
_أستخدمي مقشر للأماكن الحساسه للمناطق الأماميه الخارجيه والأماكن الحساسه الخلفيه وخاصة بالوسط لن هذي المنطقه يكون فيها اسوداد عن الجسم غير مرغوب فيه من الرجل
_أستخدمي الملح مع زيت الزيتون لتبيض هذي الاماكن ( الجزء الخارجي منها )
اذا كان الملح يحرق ممكن تستخدمي السكر فقط للأماكن الأماميه أما الخلفيه يفضل أستخدام الملح وأستخدامه على الاجزاء الخارجيه منها
ملاحظه :
اهم شي النظافه والتعقيم ولبس الملابس الداخليه القطنيه البيضاء او الالوان الفاتحه والواسعه افضل من الضيقه
وفيه فوط صحيه من كير فري معطره ايضا ريحتها جنان وتخليك منتعشه طول اليوم
وفيه مناديل برضه من كير فري مره حلوه وريحتها حلوه وفيها زيت البابونج ينعم ويفتح البشره
وينظف حلو لمن تكوني في السفر او رايحه لعزومه او حفله واضطريتي
تدخلين الحمام
وايضا لازم تتهوى المنطقه عالاقل ساعه في اليوم او في وقت النوم افضل عشان تاخذ راحتها وتشد وتساعد على تقليل الروايح والالتهابات.
دعواتكم لي ولصاحبة الموضوع 
والله يوفقج
الله يعطيج العااافيه