السلام عليكم و الرحمه 
أخباركم؟
اليوم كان فخاطريه اقرا عن موضوع.. و بما أنّي ما لقيت.. شي يرضي ذائقتي.. قرّرت اني اسألكم سؤال
بسبب كثرة مواضيع الزواج فهالقسم.. حبّيت اسألكم.. بالنسبه للي مقبلات على الزواج.. و الي متزوجات .. و المطلّقات.. الأمهات.. و حتى العزابيّات من حالاتي << دعوااااااااااااتكم لي و لغيري هههه
شو النصايح الي سمعتيها.. عطوج ايّاها.. وانتي على وش قواز خخخخخ
مرّات نسمع نصايح غريييييييييييييييبه -,- مثلا انا سمعت نصيحه.. نصها يقوول
عمرج لا تنسين تسحبين السيفون عقب الحمام وانتوا بكرامه!! اكييييد بتسحبه لو بتعرّس ولا بدون ما تعرس هههههههههههههههه من جد هالنصيحه للحين اتسائل… هالشي بديهي ليش ينصحون فيه بعد!
مرّات نسمع نصايح.. تفيدنا و شي نحس ما يفسد للود قضيه.. يعني سويناه ولا ما سويناه ما يغيّر شي
و شي نصايح تخص الطبخ.. و شي نصايح للاهتمام بالعيال.. و شي نصايح للشعر و نصايح للاهتمام بالزوج..
بالنسبه للعروس.. و الأم.. مجرد ما يوصل خبر الخطووبه.. أو الحمل.. فجأه يستوون الكل ما شاء الله محترفين المجال.. و يبدوون بالنصااايح.. يبون البنت أو الأم تطلع بشهاده جامعيه فهالمجال
مابطوّل الموضوع
شاركينا.. نصايح مرّت عليج
1) نصايح غريبه اذا صادفتج
2) نصايح فادتج و تحسين مهمّه الكل يعرفها
3) نصايح ركّزوا عليها و تحسين ما فادتج او ما نفعت معاج
بالنسبه لي.. مش مرتبطه .. بس اسمعهم و أقرا بعض النصايح.. بس ما أقدر افيدكن اذا جربتها ولا لا
انتظر مشاااركااااتكم
1) نصايح غريبه اذا صادفتج
ارقدي وانتي مزيتة الكشة ههههه
2) نصايح فادتج و تحسين مهمّه الكل يعرفها
دوم أوعي ريلي لصلاة الفجر
أهتم بالنظافـة الشخصية دائما
قبل لا أسوي الشي لريلي أسويه لرب العالمين
رضى الله سر العلاقة الزوجية الناجحـة
وأخلص النية ولو في أقل الأعمال بساطـة
3) نصايح ركّزوا عليها و تحسين ما فادتج او ما نفعت معاج
أعامل ريلي مثل البيبي .. ما نفع صراحـة ^^
وبس
الريايل ماشين على مبدا شاور حرمتك واعصاها
2) نصايح فادتج و تحسين مهمّه الكل يعرفها
يا مآمنه للرجال كانج مآمنه للماي في الغربال
3) نصايح ركّزوا عليها و تحسين ما فادتج او ما نفعت معاج
الريال يحب الحرمه اللي تسمع الكلام ويقدرها ويحطها في عيونه
ملقوووووووفة,..
بس دووم امي تنصح خوااتي انهن يطيييعن ريلهن وعلى قوولتها لوفيييييج المووت لاتظهريين من البيييت من دوون اذنه..
لاتزعليييييييييينه حتى لوكاان هو الغلطااااااان تذبحني بهنصيييكة ..
والله اتحسسني ان الرياال ولها مو اختي,
بالتوفيق وربي يرزقني وكل عزاابية بالزووج الصاالح.
للرفع ^^