حبيت انصح الأمهات من ورا عدة تجارب شفتها بعيني او سمعت بها .. عن المواليد اللي عندهم مشاكل القلب .. و المستشفيات اللي عندنا فالبلاد .. و خصوصا بعد ما قريت موضوع الاخت قانونيه ((ام شمسة)) ربي يصبرها .. و لأن وايد ناس غافلين عن الواقع!
نصيييييحة .. لا سمح الله اذا وحده ربت و قالولها ان المولود فيه مشكلة فالقلب .. أبدا أبدا أبدا لا تثقين في كلامهم! أبدا!!!!!!!
القلب هذا له علم فالطب خاص فيه مب أي حد يعرف يشخصه او يعالجه .. ولا أي مستشفى عندها استشاري قلب يقدر يعالج المشكله .. لأنه هالشي يحتااج فريق متخصص!!
فأبدا لا تثقين بتشخيصهم
مثال حي .. مولود انولد بثقب فالقلب ..و هالشي عافانا الله جميعا حاله سهله .. او ما اقدر اقول سهله .. انما حالة شائعة من حالات القلب .. و تم التشخيص فالبلاد على اساس انه ثقب واحد بس .. بواسطة انسانة تسمي نفسها استشاريه و تتفاخر بعدد شهاداتها اللي حصلت عليهم من الخارج .. و حاولت بكل الطرق تأجيل العمليه .. على اساس ان الطفل لازم يكبر .. مرت شهور بس ما كان يكبر .. و لعوزته بالأدويه و التشخيصات لين قالت بس!! المهم يوم حان وقت العمليه في لندن اللي تمت بعد شهووووور من الولاده .. تم تشخيص الحالة بأنها ثقبين في القلب + صمام غير مخلوق في قلب هذا الطفل .. و اللي أدى الى عدم نمو الطفل .. و الدكتور هناك ابدى استيائه من تشخيص الاستشاريه بصريح العباره .. و قال ان هالعمليه مع شدة تعقيدها الا ان عندهم هناك تعتبر سهلة باذن الله لأنهم يقومون بها 4 مرات فاليوم! و كان المفروض تتم بعد 3 ايام من الولاده !!!!!
و الحين يحاولون بشتى الطرق انهم يقنعون الأمهات ان مستشفيات البلاد تقدر تسوي هالعمليات لكن لا تثقيييين أبدا !!! و من الأساس مثل ما قلت أول ما تسمعين بعد الولاده شي يخص القلب أصري على انهم يرسلونكم للخارج .. و بالتحديد الى لندن لأن عندهم مستشفى متخصص في هالحالات و مشهور على مستوى العالم .. اللي هوthe harley street clinc
و هذا موقعهم ..
https://www.theharleystreetclinic.com/index.php
و اذا ما رضوا حبيبتي شلي بعمرج و سيري لا تتريينهم!!!
أكرر و أقول هالكلام عن تجارب .. و مب من عندي ..
و ما أبا حد يتهمني بالتشكيك في مستشفيات البلاد لأن هذا الواقع .. و انا أوضح ان هالحالات مب أي من كان يقدر يتعامل وياها .. سواء فالبلاد أو في الخارج في اي بلاد ثانيه .. انما تحتاج مستشفى متخصص في علم القلب و فريق دكاتره متخصص!!
و يا رب محد يبتلي بهالأمراض .. و ان شاء الله كل حامل تقرا هالموضوع الله يرزقها بمولود متعافي و سليم ..
بالتوفيق =)
قصتي تشبه الى حد بعيد قصة الأخت أم شمسة لكني استطعت أن أسافر به الى لندن و أجري له العملية الأولى من أصل ثلاث عمليات في المستشفى نفسه الذي ذكرتيه لكن بعد شهر من العملية توقف قلب الطفل و توفي
مر على ذلك أكثر من عام .
والى اليوم أذكر ذلك الطفل و أبكي عليه لكنه ذهب ليرتاح ذهب الى من هو أرحم مني ومن كل البشر ذهب الى مكان أفضل من دنيانا الفانية ذهب ليصبح جزءا مني يسبقني الى الجنة .