نفس الموقف

في بدايه الموضوع حبيت اقول للاخت الى نزلت موضوع بيني وبين الموت

شعره..الحمد الله على السلامه..

وباني حاسه بالموقع الى كانت فيه مع فرق الزمان والمكان والطريقه..

البارحه كنت متغديه عند اختي وكل شي تمام ومستانسين..

وفي لحظه قلت لاختي بروح عنكم بنتي باجر عندها روضه

وفي ثانيه حسيت الدنيا انجلبت على راسي ,,وقلبى انقبض

جان اقول حق بنتي امي غايه يله خلنا نسير احس اني بموت ومن ظهرت من بيت

اختي وانا اسرع بسيارتي ومب واعيه على شي ..وكيف وصلت البيت ما ادري

وقفت الموتر بنص الحوي…واركض ادقق حجره اخويه ..

واقوله انا خلاص بموت وديروا بالكم على عيالى ..

واتشهد..وكل العالم حولى احسبه غريب ..واتصور القبر وانتظر ملك الموت

واقول لخويه خلهم يسامحوني..

واكرر عيالى مالهم غيري ..واخر ويهين شفتهم قبل لا تغمض عيني

ويه بنتي غايه وهيه تصيح ..وويه ولدي سيف..وهو يقول ابغي ماما..

بس ولا وعيت..الا بعد كم ساعه واختي تقول انتي فاقد الوعي كنت بس تاشرين

بيديج واتنبهينا ندير بالنا على عيالج..

وبنفس الوقت يالسه تتشهدين وتقولين ربي ارحمني..

موقف فضيع واحساس افضع.. اختي قولى تيلفونج مفرور وشنطتج مفروره

على برد وعباتج وشيلتج على الارض ..يعني لو الله خذ روحي ما كنت باخذ شي

ويايه ..ويلست استرجع شريط ذكريات حياتي كلها بثواني ..بس ربكم رحوم

واليوم قلت بذكرلكم شوه الى صارلى ..وبعدني فيه خوف ..

وانصح كل وحده باعده عن ربها ودينها .. تلجالهم..لانهم المخرج الوحيد

والله غفور رحوم بعباده..والله لا يراوي هذا الموقف لاى انسان..

المشاركة الأصلية كتبت بواسطة نااعمه

الله يوفقج ويطول بعمرج ويخليج لعيالج بس شو سبب هالسي يعني كنتي مريضه ولا شو الي صاير فيج؟

تسلمين على المرور غناتي ..

المشاركة الأصلية كتبت بواسطة flymengo

عورتي قلبي

الله يحفظج لعيالج

الله غفور رحيم

سلامتج قلبج حبوبه..وماتقصير ..

المشاركة الأصلية كتبت بواسطة tooma

الله يوفقج غناتي ويخليج ويخلينا قريبين منه دوووووم
سلامتج الغاليه ماتشوفين شر والله يخليج لعيالج

الله يسلمج وماقصرتي ..والله يثبتنا على طاعته..