موضوعي عن صلاة الاستخارة
طبعا نحن نستخير ربنا ف كل شي
مثلا
الزواج
كل حد يقولي شي عن صلاة الاستخارة للزواج
مثلا حد يقولي اذا حسيتي براحة بيكون اوكي لج وحد يقولي اذا كان احساسج عادي بعد اوكي واحيانا نحلم احلام غريبة عجيبة
بقولكم مرة استخرت 5 مرات وكله عادي والمرة السادسة والسابعة حلمت وحدة من اهلي تقولي يافلانة الله يخليج لاتوافقي على الريال على الرغم هيه ماتعرف عن الموضوع وسألت مفسر احلام قالي هذا دليل حقج انج ماتوافقي وفعلا رفضته
وغيررررررررره من الاحلام اخر مرة حلمت امطار غزيرة والجو كان رهيب واختي كانت تتدعيلنا الله يوفقنا بس ماادري شو تفسيره هذا الحلم عقب ماصليت استخارة
الحين ابا اعرف صفة الاستخارة الصحيحة عشان استفيد وافيد غيري فاللي تعرف ياريت تفيدني وابا دعوة حلوة منكم
او يفيدنا بمعلومة
أنا الي اعرفه انه الأمطار فالحلم خير أما الدخان شر ولله العلم هذه الي سمعته
أما عن تجربتي صليت استخاره قبل فتره لكن ما طلعلي شي !! بس الإنسان يحاول
انا الي ابا اعرف في تفاصيل يمكن نجهلها عن الإستخاره اذا خواتنا الفاضلات يسعادونا فيه 
انا الي كنت فاهمتنه عن الاستخارة اني لازم اصليها قبل الرقاد واني لااازم احلم
لكن طبعا هالشي غلط
الي فهمته عقب انج اذا استخرتي رب العالمين بموضوعج يعني انتي وكلتي امرج لله وامشي بالموضوع الي تبينه طبعا بعد الاستخارة وبعد ما تشاورين ناس اوكي
يا ان الله ييسرلج الموضوع او يصير شي ويتكنسل
مرة انا استخرت بموضوع زواج والحمدلله كنت وايد مرتاحة بس سبحان الله في اخر لحظة قبل لا اقول اني موافقه صار موقف خلاني رفضت الموضوع بشكل نهائي
بصراحة ما كنت اعرفه كان ريال غريب ما كنت مرتاحة منه
بس لما صليت الاستخارة وايد ارتحت ما عرف ليش .. سبحان الله
و عقب قمت كل يوم اصلي الاستخارة صليتها سبع مرات لاني كنت محتارة
انا الي اعرفة عن صلاة الاستخارة
..عودي عمرج على انج اصلينها كل ما اتكونين محتارة و خايفة من اختيار شي
..عادي اتكررينها لو ماكنتي مرتاحة
..ما اتصلينها في وقت مكروه مثل عقب صلاة العصر او عقب صلاة الفجر الا اذا كنتي مستعيلة ما تقدرين اتاجلينها
..تدعين من خاطرج
..اذا كانت فيج الدورة او انتي فالاربعين و بغيتي تستخيرين بس اقري الدعاء بدون الصلاة صبعا
..مب لازم اتشوفين شي فالاحلام بعد الصلاة .. صلي و اتوكلي على الله واختاري الي اتشوفينه بينفعج فالدنيا و الاخرة
وايد بنات على بالهم لو صلو الاستخارة بيحلمون شي يدلهم
لكن هذا غلط ما ثبت عن الرسول عليه الصلاة وسلام لكن في بعض الناس يمكن اتحلم وتعرف مصيرها .
بس اذا انتي ماحلمتي شي خلاص اتوكلي على الله انتي استخرتي رب العالمين الي هو عارف منو ريلج منو هم اهلج قصدي اهل ريلج يعني و انشالله مدامج استخرتي علام الغيوب ما راح يضيعج .. ثقي فربج و توكلي على الله مثل ما انا سويت .
وسموحة علاطالة
بس حاولي انج تستخرين كثر ما تقدرين .. انا الصراحه في امور استخير فيها 10 مرات واكثر .. يعني لو عندي فتره طويله