شحالكم ؟؟
تاريخ 19/1/2016 يوم الخميس الساعه 1 و 52 دقيقه نورت دنيتي شيخه الملا روضه ^^
بكتب لكم قصه ولادتي طبعا بعد احباط دام ايام وانا انتظر اني اربي
يوم الاربعا الصبح نشيت من الرقاد وقلت بمشي بالحوش ويلست امشي نص ساعه كنت احس بألم بس خفيف جدا العصر اتصلت بريلي وقلت له يوديني المستشفى اخذ طلق صناعي لني طوفت عني موعدي 5 ايام
المهم ريلي ياني المغرب بس ماطاع يوديني ويلست بالبيت لين فليل اختي اتصلت وقالت لي اشرب جرفه مع ماي ورد طبعا اغلي الجرفه وايد وسويت وشربته عقب رقدت الساعه 11
الساعه 12 وربع حسيت بألم يروح ويرد كل دقيقه بسرعه قمت اتسبح بماي دافي ويوم طلعت خلاص ماروم اتحرك من الألم وعيت ريلي وهو حليله مدوخ قال لي ارقدي نتي ما تتويعين قلت له قوم عقب سألني صدق قلت له هيه وبسرعه قام تلبس واتصلت بخواتي عشان يلحقونا المستشفى
المهم اول ما وصلت المستشفى الساعه 1 ونص شيكوا على الرحم والحمدلله كان فاتح 8 سانتي طبعا اول ما قالت لي جيه جذبتها قلت لها نتي تبيني استانس بس خخخخ جان تضحك وقالت انها ما تقص علي المهم وصلوا خواتي واختي العوده تمت فوق راسي تدعي واهتي الثانيه تقرا تسهيل ولاده وريلي برا يحاتي حليله
المهم خلتني الدكتوره ارقد على ينبي اليسار وقالت ارفع ريولي على صدري بيفتح الرحم بسرعه وكنت كلما احس بويع آخذ نفس بعدين قالت الدكتوره اذا حسيت اني ابا اروح الحمام اخبرها شويه وحسيت بهالاحساس وخبرتها قالت اجلب على ظهري لنه خلاص ولاده اول ما جلبت راح الويع دقيقه ورد هالاحساس عقب اختي رفعت لي راسي عشان البوش وقالت الدكتوره يلا بوش والحمدلله بثالث بوش طلعت روضه وشفتها يوم تطلع خخخخ عقب خلوها على صدري فديت عيونها كانت تصيح
والحمدلله رب العالمين ^^
طبعا كتبتها لكم بسرعه لنها نشت الحينه
سي يوووو
والحمدلله ع سلامتج
الحمدلله شكلها ولادتج ميسرة من الكريم
ربي يحفظها لج
وتتربى بعزكم يارب
والحمدالله ع قومتك بالسلامه
ومبروك عليج روضة والله يجعلها قرة عين لج ولأبوها وتشوفونها عرووووس