نيو لوك في يوميات الزوجه

السلام عليكم ورحمة الله وبركاته

شحالكم بنات

حبيت افتح موضوع نفيد منه ونستفيد

الموضوع حبيباتي عباره عن كل وحده تقول شو تسوي في يومها كيف تقضيه كيف وقتها لزوجها وكيف وقتها لعياله

عشان نستفيد

انا ما بتستفيدون مني

لانه ريلي يداوم عني في اماره ثانيه وكل يوم يروح ويرد يعني اوعي الفير اجهز له ملابسه بس يخلص ويطلع
وانا شو اسوي

ارد ارقد الين 9 ونص اوعي اتسبح واسبح ولديه فديته عمره سبع شهور

وايلس عند اهل ريلي الين الغدا اتغدا وارد الحجره اشغل اللاب ولا اعابل ولديه والله اطالع التلفزيون

( ادري الحين بتقولون كيف هاي معرسه وما عندها شغله)

هذي انا شو اسوي عيازه خخخخخخخخخخ

المهم خلنا نكمل طبعا ريلي يتغدا في الدربيوصل البيت ينام الين المغرب يوعى يصلي ويطلع من البيت يرد فليل والله اغلب الاوقات ما اسوي عشا وهو بروحه عاف اكل المطاعم
ونحن تقريبا 5 مراات في الاسبوع مطعم

مادري احب اطبخ بس مشكلتي ريحة المطبخ اول شي ما حب انه ايي ريلي ويحصل ريحتيه خايسه وعشان ولديه عمره 7 شهور ما عرف ووين احطه وعشانني ساكنه عند اهل ريلي اذا سويت عشا لاوم اسوي حق البيت كله

فما عرف مليت من ها الروتين اريد اغير حياتي اريد يكون عندي شي احس اني عايشه عشانه اريد خبروني انتو كيف ايامكم وشو تنص

وشو تنصحوني اسوي

والله يا اختيه الحاااااااال من بعضه … بس انا الفرق انه اييني في الويك اند

انا بروحي ابا حد يقولي افكار و اشياء اسويلها له يوم ايي .. و على فكره انا نفسج ما اقدر اطبخ له في البيت …….. هههههه لنه المكان ما يساعدني ابداااااااااااااااا

حلو في الويكند كل مره تغيرين كفر اللحاف وتستقبلينه كل مره بلوك خخخخخخخخخ يوم كنت عروس كنت اسوي جيه بس الحين مادري ابا اسوي بس احس كل شي ما فيه اسويه مادري شو ها العيازه اللي فيني لوووووووول

نبغي حل للعيازه اللي فينا
انا اداوم بس حاليا عندي وقت فراغ كبير
وريلي يداوم العصر ،،،،،،،، يعني لنتقي المسا

بس احس بملل وروتين كبير ،، خاصة ان ما عندي عيال ………
اغلب الوقت يالسه ع النت

والله مي تو ما عرف كل يوم اقول باجر بوعي بتم اهتم في عمري بيلس اتعدل يوم ايي باجر ما سوي شي وكل يوم على ها الشله

خخخخخخخخخخخخخ
يايه اربع اخذ منكم حل
فديتكم طلعتو اروووحكم تبوون حد يعطيكم حل

لي عوده .