هالسن مناسب او لا ؟

السلام عليكم ورحمة الله وبركاته
احترت وايد وين انزل الموضوع !
بس أظن هني المكان المناسب ، إذا لا ياليت تنقلونه للمناسب ..
نبدأ فالموضوع اللي هو .. في رايكم زواج الفتاه بعد الثانوي بعد تسجيلها فالجامعه او الكليه او المعهد وو .. أو حتى بعد الثانوي
مباشره بدون لا تسجل وبعد الزواج سجلت وجي مناسب أو لا ؟
إذا لا ياليت تذكرون الأسباب من وجهة نظركم
خصوصا انه فيه بنات بإعمار صغيره ولكن عقلياتهن أكبر ، وفي بنات خلف الله عليهن عيايز وعقولهن صغار
< كلامي لا يشمل الجميع بل فئه معينه فقط !

على حسب البنت
اذا قادرهه تتحمل مسؤليه الزواج والدراسه عآدي
وخاصه اذا كانت البنت عاقل وفاهم وعقلها يوزن بلد جي شراتي فديتني هههه لا يكثر ي انا
ف انا ماشوف ان فيها شي
تقبلي خطفتي الجميله

صدقتي هو الشي احسه راجع للبنت نفسها
ههههههههههههههههههههه أكيد وشراتي بعد خخ
حياج حبوبه منوره

اكيد يعتمد على عقلية البنت
واذا فاهمة انه الزواج مب مكياج وفستان وزفة وحفلة عرس وبس
الا مسؤولية طول العمر ^^

امممممم انا اييد خواتي الي فوق

هذا يعتمد عالبنت نفسها اذا هي تقدر تتحمل المسؤولية وأهم شي تعرف معنى الزواج بمفهومه الصحيح >>>>> بخصوصي خخخ

أنا أشجع الزواج مبكر .. شرط يكون الولد والبنت قد المسئولية .. ولو كانوا مب قد المسئولية يخلونهم يكبرون شويه وعقب يزوجونهم ..

السلام عليم ورحمة الله وبركاته
هلا خواتى عساكم طيبين
اختى الفاضله تناهيد العلم ماله عمر معين لقول حذيفة بن اليمان رضي الله عنهما أنه قال: قال رسول الله صلى الله عليه وسلم: « إن فضل العلم خير من فضل العبادة، وخير دينكم الورع » لكن اختى الفاضله اذا كنتى متزوجه وعندج عيال واذا مو قادره توفقين بين الاثنين وتعطى كل واحد حجه فالافضل لكى بيتك وزوجك وان شالله بالتوفيق الدائم في جميع مجالات حياتج باذن الله