هذا الريجيم اللي بمشي عليه

يوم السبت شفت وحده أعرفها من زمان ما كنت شايفاها،و لقيتها نحفانه..مو وايد بس باين عليها النحف،طبعا مو وايد لأن مو من زمان باديه ريجيمها
و لما سألتها قالت لي:أنا أسويلي يوم آكل فيه كربوهيدرات و يوم لا.
يوم الكربوهيدرات،آفطر عادي و أتغدى زين(حتى رز و مكرونه) و أتعشى سلطه
و اليوم اللي بدون آكل فيه 50 غرام خبز و مو كل مره و ممكن آكل فيه حبة فواكه

بس أنا ناويه أسويه بهالطريقه:

الفطور:كورن فلكس مال الريجيم:30 غرام مع 125 مل حليب قليل الدسم

الغدا:سلطه خفيفه،و حبة فاكهه
العشا من أكل البيت ،لأن زوجي ما يتغدا بالبيت و العشا هو وجبتنا الرئيسيه،و أولادي لما ما أتعشى معهم يسألوني ماما ليش ما تاكلي معنا!!

طبعا هذا بخصوص يوم الكربوهيدرات،أما يوم اللا كربوهيدرات رح يكون كما يلي:
الفطور:شاي مع بيض مسلوق و طماطم(أو خيار أي خضار يعني)

الغدا:سلطه خفيفه او روب ..المهمبدون عيش او خبز او معكرونه

العشا:باخد من أكل البيت البروتين اللي فيه،يعني تونه او سمك او دجاج او لحم(المهم بدون عيش او خبز او معكرونه)

حطيت الموضوع من باب اني افيدكم و من باب أحب لأخيك ما تحب لنفسك،فما تنسوني من دعواتكم ان ربي يحقق مناي و ينحفني من غير شر و لا ضرر

و اي استفسار من عيوني ..و اللي تحب تنضم لي حياها

ملحوظه أكتبها و أنا كارهه،بس مضطره لأني شفت في المنتديات من تصرفات البنات العجب العجاب..لذلك لا أبيح موضوعي لمن تنسبه لنفسها و لا لمن تنقله بدون ذكر مصدره و هو:منتديات سيدات الإمارات و العضوه بلبله

لا تنسوني من دعواتكـــــــــــــــــــم،مع تمنياتي لكم بدوام الصحه و الرشاقه و نزول الوزن من غير شر و لي و لكل من قالت آميـــــــــــن

المشاركة الأصلية كتبت بواسطة المزيونة 55

بالتوفيق

جزاكي الله خير نورتيني

يــزاج الله خيــر ع النظاااام

وشكلـــه مريح صراحه ،، يبالي اجربه

مشكوووره ع الافااده فديتج ،،

المشاركة الأصلية كتبت بواسطة شذى الألحان

هــلا والله بلبووولتــنــا

يــزاج الله خيــر ع النظاااام

وشكلـــه مريح صراحه ،، يبالي اجربه

مشكوووره ع الافااده فديتج ،،

هلا و الله شذوي..
و انا أقول هالنور اللي بموضوعي مو غريب علي…
جربيه و انا كمان بجربه و الله ينفع به