هذا الماسك عجيب ينظف ويبيض ويخلي الويه كأنه عليه كريم أساس خفيف

السلام عليكم ورحمة الله وبركاته،،،

حبيت أفيدكم بهالماسك العجيب والبسيط في نفس الوقت .. يبيض وينظف الويه .. كأنج مسويه فيشال خفيف .. وبعد استخدامه يبين الويه كأنه عليه كريم أساس خفيف .. وايد حلو عن تجربة ..

المكونات:
شوفان مطحون

نص ليمونه

روب

كمية الشوفان والروب تتحدد حسب الوجه .. وتخلطين المكونات بحيث تتكون عجينة سهلة الفرد وما تتساقط إذا حطيتيها على الوجه ..

حطي القناع ولا تنسين تحطينه على الرقبة بعد .. وخليه لمدة ساعة .. أو أقل شي نص ساعة .. بس الأفضل ساعة إلى أن ينشف .. بعد ما ينشف تكون إزالته وايد سهلة .. مجرد تفركينه من عالوجه والرقبة .. وبعدها تغسلين البقايا بماء دافي بعدين ماء بارد لإغلاق المسامات .. وممكن ترطبين البشرة أو تستخدمين ماء ورد في الأخير .. وبس! وتمتعي بالبشرة الحلوة النضرة ..

ملاحظات:
الأفضل استخدامه في المساء (عدم التعرض للشمس بعده لأن فيه ليمون)
اللي بشرتها حساسه رجااااااااااااء تختبره في البداية على بشرتها لأن الليمون ممكن يهيج بشرتها

واللي تجرب القناع يا ليت تخبرنا عن تجربتها

ودعواتكم يالحبيبات