شــحالكم ؟^^
مادري لو انطرح الموضوع من قبل والا لا..
لاني يديده ع هالقسم بعكس قسم الحمل والولاده …
شطبته تشطيب لوول,
الموهيم ..
حبيت تنتاقش كاول بيبي خاصه (لان يمكن الريال يدلعه ويهتم فيه اكثر)وعادي الامهات لرابع وخامس مره يشاركون حتى
لو لعاشر مره ,,
بس انا قلت خاصه للبيبي الاولي لانه شوي يكون غير , والكل عارف
حبيت اسال
هل الاب يتحمل مسوؤليه البيبي ؟ من غير الصرف لعلاج او لبس او شي ثاني ؟؟
يعني مثلا يوم ربيتي هل ريلج يساعدج في انه يشيله ؟؟. يلعب وياه ؟؟
حتى لو يسوي له حليب ؟ او ماشابه ذلك ؟يسبحه وياج ؟ يوم تنشين ينش
وياج فالليل ؟ والا ينام بروحه بمكان ثاني ؟
,
لان ويى راسه اللي وياي يوم يشوف البيبي راقد وانا تعبانه ومرقدتنه ..
وخلاص هلكانه يييي ويوعيه ويبوسه , اقوله انت بس تبوس
خله انا تعبانه لين رقد
ولما ينش ويصارخ البيبي اقوله شله بسويله حليب
يقول انتي مب شايفتني قعد ت جدام النت ؟خليه فوق الشبريه بييله !!!!!!
وفالليل يشل قشه ويظهر يرقد في البييت وانا بيت عمتي لووووووووووووول
بحجه وراه دوام يالله عاذذرتنه بس مول مب مقصر لصرفه لكل شي..
بس من ناحيه يقهرني يوم يشوفه راقد ويتحرش به
وانا تحريت اول بيبي بيساعد وبيسوي !! لازم يمن علي
من امس وانا هلكانه قلت بعتمد لروحي ومابخلي حد يجيسه البيبي
وانا بسويله كل شييييييييييييييييييييي وبرقد فغرفتي عسب لااحشر حميتي ولاعمتي
بس والله والله ثم والله للحين راسي احس بينفجر , واحس فيني صيحه
ساعات يصيح الياهل وانا ارد اصيح وياه
وخاطري بس انفجر صياح مب قادره , والله تييني حاله بظربه فيها
ظربته ع ايده كسر خاطري بس والله ابى ارقد شوي والا ارتاح شوي
كله يصيييييييييييح كرهت عمري
حتى باالاول قلت بييب عيال ورى بعض احين اتوب , لان لو شفت ريلي
مهتم يشيله واقوله يوده وووسويله وهو نفذ كنت افكر حد بيساعدني
لما بنظهر من بيت عموه بس دام الحال من احين جيه باجر يوم بروح بيتي
شو بيستوي؟؟
,
انا صراحه احس الريال لازم يساعد حرمته والله العظيم حتى لو يسوي للبيبي
حليب ويرظعه ,
مادري لو تايدوني بهالشي والالا؟
حتى فالليل لو نشت الام يحاول يساعدها !!!
مادري انا نظامي انكليزي ههههههههههههههههه
><
انتو شورايكم والا بس الابو حق المصاريف ؟
ع الاقل يساعد شوي مايتمنن ’’
’’’
والله اللي يشوف ويهي مايقول وحده عمرها 23
من امس مول ماظحكت مبوزه ,,لاسباب مظيجه بي وحمداني من صوب ثاني !!
,,
الله يعين الايام اليايـــــــه الله يعين
ناقشوني
وااذا ماعرفتو بشو تناقشون خبروني لاني ادري وايد ارمس وادخلكم بسالفه
واظهركم منها هههههههههه
اديت ريوله عظيته والله من القهر
مراحب
ما فيها شي لو غيرله البامبرز حتى أو رقده لو كنتي تعبانه يشله عنج شوي
ما فيها شي وعن الداوم هو دوامه جزء من النهار وأنتي دوامج 24 ساعه ويا البيبي
عوديه فديتج لازم تعودينه
صعب تهتمين فيه بروحج
نا للحين ماحملت .. ان شاء الله احمل بيوم من الايام امين ..
بنسبة لموضوعج مدري صراحة .. انا اشوف ريايل خواتي مايساعدونهم من ناحية يسون حليب او يسكتوب بيبي لمدة طويلة وايد عليهم ربع ساعة .. بس انا ماسالت ريلي بيساعدني او لا .. لانه لكل حادث حديث ..
بس احس اللي يساعدون وجي .. موب المواطنين .. الزنمات احس يساعدون وووايد وياه حريمهم ..
الله يعينج ..
وحمد الله ع سلامة لو هي متأخرة ..
المشاركة الأصلية كتبت بواسطة هنوده1 
ما فيها شي لو غيرله البامبرز حتى أو رقده لو كنتي تعبانه يشله عنج شوي
ما فيها شي وعن الداوم هو دوامه جزء من النهار وأنتي دوامج 24 ساعه ويا البيبي
عوديه فديتج لازم تعودينه
صعب تهتمين فيه بروحج
جان زين .>> اكيد هو بيفتش في ملفي وبيقرا الموضوع ع الاقل يقرا كلامج لووول…
مع اني اعرف انه بيقول المسؤوليه مسؤوليه الام من هالناحيه والله والله عارفه رده
وعارفه كل شي..
بس بحاول ارمسه بس مابيسوي شي..يعني مادري ليش بتعب عمري لوول..
حتى اني قلت بتم خلاص بيت عمتي لين يكبر الياهل …
لان جذا صعبه اروح بروحي وانا بعابل فيه من كل النواحي
تسلمين البي ع الرد
المشاركة الأصلية كتبت بواسطة تاجرة عادية نا للحين ماحملت .. ان شاء الله احمل بيوم من الايام امين ..
بنسبة لموضوعج مدري صراحة .. انا اشوف ريايل خواتي مايساعدونهم من ناحية يسون حليب او يسكتوب بيبي لمدة طويلة وايد عليهم ربع ساعة .. بس انا ماسالت ريلي بيساعدني او لا .. لانه لكل حادث حديث ..
بس احس اللي يساعدون وجي .. موب المواطنين .. الزنمات احس يساعدون وووايد وياه حريمهم ..
الله يعينج ..
وحمد الله ع سلامة لو هي متأخرة ..
خخخخخخخخخخ والله انتي صادقه..
احس الوافدين يساعدون صدج عندهم قلب كبير..
الا الحنونين منهم صدقيني بيساعدون
احس الواحد اللي عنده رحمه زياده في قلبه بيساعد
خلاص نحن تعودنا الانكليز والوافدين هم يساعدون
وشباب االامارات لا
حدهم يطالعونه يبوسونه … وبس..
الله كريم
الله يرزقج يارب العالمين ..بذريه تفرحين فيها ياقلبي
بقولج قصتي عيل:انا اول بيبي لي هلكت كله اصيح…اكتآب فضيييع وما ارقد كله يالسه ويووم يصيح البيبي اصيح وياه
فهموني خواتي ونصحوني ماشي فايده احاول اكوون ام مثاليه واذا صاح اصيييح..بس من ايي ريلي بيت اهلي يخوز لاكتاب لانه يساعدني ..
انا كنت فبيت هليه لين طلعت من لاربيعين..لاني كنت ساكنه مع ريلي بروحي واحس كنت محتاجه امايه وخواتي ويايه في فترة لاربعين..بس زاد لاكتىىب يوم زاد المغص في بطنه والغازات على افا من يشيل فصيعه..هو يصيح وانا وياااه ههههههه..اختي اللي اصغر عني تقولي من يوم انتي صغيره ماشفتج تصيحين ..ههههه قتلها متفيجه مب حاسه فيه
المهم بعد لاربعين روحت بيتي..وكان بعلولي الله يحفظه يساعدني مثلا اذا يصيح البيبي اسكته وهو يسوي الحليب…
اذا مارقدت من البارحه يوم ينش العصر ييلس عنده وانام لو ساعه..ماكانت عندي شغاله ..لانه ماحتجتها في البدايه ..
واذا بسوي عشا بييلس وياه يعني ساعات يكون راقد بس ييلس عنده
يمكن انا وظعي غير بحكم اني فبيت بروحي فماشي عنده مجال يتهرب ولايساعد..واذا كذا ليله يتم يصيح فليل ينام عنا فالغرفه الثانيه لين تتعدل اوضاع البيبي ويهدااا
وعلى سالفة يبوسه وهو راقد عادي طبيعي ابوو لازم يبا يبوسه ويلعب وياه..لانه يكون مداوم ولا ماشافه كان راقد فبيتوله عليه..بس لازم ضغطج برتفع هههههه
وعقب فتره بيكبر البيبي وبيحس اذا باسه بينش ع طوول لانه يسمع ويفتهم ولا بيرقد..وبيرووح تعبج وانتي ترقدينه والابوو يوعيه هههههه قهر من الخاطر…
بس من السهر ومعروف مابعد الولاده شحوب البشره وسواد تحت العين من السهر والتعب ولارهاق انا فهالفتره استخدم كريمات اجدد لبشره وتخوز سواد العين وترجع الحيويه لويهي^_^فنصيحه استخدميها
السموحه طولت عليج
والله يعينج على تربية حموودي
لآن بعض الرياييل يفكرون ان هالشئ بس يخص الام..ريلي ببداية ولدي الاول ما ساعدني وايد عقب بولدي الثاني حسيته لازم يساعدني بروحه يشوفني كيف صدق تعبانة..يعني شغالتي ما بتقصر بوقت فراغها وباللليل متى بعد؟ ترى بعد تبي ترقد الفقيرة تقوم من الوقت؟!!
فريلي فديته يساعدني بعياله ..
مثال اخر مرة ساعدني صدق من قلب:
بعرس اخته، انا طول الوقت بالصالون اهو شايلهم وغداهم ورقدو بالسيارة انا بس كنت اتطمن عليهم ولما رجعنا البيت كنت مشغولة بعد..مسكهم لين طلعت الصالة..ومن طلعت واهو ماسكهم يحليله ،بس انا كنت مرتبة ملابسهم ومدخنتها ومتفقين على اساس اهو يلبسهم ويظهر فيهم للعرس
والحمد لله ساعدني..كله انا وياه مع ان عندي خدامة بس ما احبها تمسك العيال وايد وخاصة لو ريلي موجود
يعني وقفته معاي بها الظروف الصعبة، ممكن اي ريال يقول لا انا ما لي شغل بتبهدل فيهم ( اللهم لا حسد)
والله الريال عوديه وفهميه من البداية هالرمسة..لا تخلينه يسمع مني ومناك
وفي اوقات بيقولج انا بنام برقد تعبان او اي شئ عادي لا تتضايقين..مش ملزوم 100% يساعدج ويتعب مثلج
هذا دورنا نربي عيالنا..ودورنا نوفر الراحة لرياييلنا بعد..فانتي ما عليج شوي عليج وشوي عليه