من قبل ما تتزوج وهي امحطيه فبالها انها ما تبا اتعرس عسب هالموضوع
احس انه فيها فوبيا من الحمل
وكانت اتأخر زواجها لأكثر من مرة عسب هالشي
ريلها يباها تحمل واهل ريلها مستغربين من عدم حمالها لحد الحين وهي تتعذر بأنه توا الناس
وهي خبرتني انها تاخذ حبوب منع حمل
اتقول مرييوووم مابا احمل وانا أخاف من الولادة والعوار الي بييني طول فترة الحمل والخوف الاعظم من الولادة
معنه اختها الصغيرة احملت وربت عادي ,,بس يمكن من زود ما تسأل عن هالامور ومن زود رمسة البنات والتهويل الي يسوونه على هاللحظات خلاها تكره فكرة الحمل
ريلها وااايد طيب وصابر عليها
ويقولها كل شي فوقته حلو وانا ما بضغط عليج والى اخره من هالرمسة ولو اني ادري انه مافي ريال ما يبا الذرية
وهو ما يدري انها تاخذ هالحبوب
فشو الحل وياها؟؟!!!!
قتلها دشي المنتدى وشوفي البنات الي يصيحون يبون الحمال وانتي انسانة صاحية واترومين تحملين بس روحج حارمة عمرج من هالنعمة
وقتلها ترى الله يقول المال والبنون زينة الحياة الدنيا
اترد اتقولي بس الله قال انما اموالكم واولادكم عدو لكم
ههههه اييها يمين اتييني شمال
سندرت ابراسي
والمشكلة انها ما اتهون علي
الرمسة اتزيد عليها وهي ولا هامنها اتقول انا وريلي أحرار ومحد له خص فينا
شو الحل وياها؟؟
وهل فعلاً الحمل شر لا بد منه لكل متزوجة؟؟؟!!!!!ولازم عليها اتعيش هالكابوس؟؟!!!!
اتقول لو صار ماصار بدخل وياي ام بديلة شرات الاجانب هههههه اونه ياخذون مني البويضات ومن ريلي الحيوانات المنوية والحرمة الثانية هي الي تتحمل آلام الحمل والولادة !!!!!!! معقوولة هالشي بالله عليكم
هي يالسه تكفر بنعمة الله
خليها تصرط هالحبوب لين تصك الاربعين ويتعفن رحمها خلاف تصيح دم تبغي العيال
الحينه الياهل صار هم ؟؟لا اله الا الله
المفروض تكون ناضجة الريال ممكن يصبر عليها شويه بس لين متى بتاجل الحمال ماينفع !!
اتوقع ان الامومه وحنانهاا أعظم من إى شى
في الوجود
خبريها أن ريلها بيعرس عليها اذا ما يابت
له عيال
وربي يهديهاا
حاولي معاها لانه الياهل نعمه كبيره