هل الزلال في البول خطر على الحمل والجنين ؟ طمنوني :(

السلام عليكم خواتي

كنت قبل منزلة موضوع أشرح لكم وضعي ومشكلتي بالبول أعزكم الله
والحمدلله رحت العيادة وسويت التحاليل
وطلع عندي زلال وبروتين في البول
فهل هذا خطر ؟
قالت لي الدكتورة إن الجنين ضاغط على الكلية فما تقوم بواجبها
فشو يعني هالكلام ؟
وهل هالشي يسبب تورك القدمين ؟
بصراحة رجلي صايرة كأنها رجل فيل عافانا الله
مع إني بعدني بالأسبوع 26

طمنوني الله يطمنكم

إن شاءالله خواتي بيساعدونج

حبيبتي لا تخافين
فوضي امرج لله
والجنين ما عليه شر ان شاء الله
ولا تحاتين
لو فيه كان فيج شي اكيد اكيد اكيد الدكتورة بتقولج

وعشان مسألة الزلال انا عانيت منها في حملي بالبنت والولد…في الحمل الاول كنت خايفة من هالشي اما الثاني لااااااا لاني خلاص عرفت ان هذا شي عادي وكل حامل تمر فيه وانتي اهم شي انج ما تحاتين واداري لى عمرج..

هلا وغلا اختي .. بصراحة انا قريت واااايد كتب اجنبيه عن مساله البروتين في البول
الكل يحذر منها .. وانج لازم فورا تروحين للطبيب يشوف حالتج
ماودي اخوفج والله بس الافضل تتاكدين من طبيبه ثانية ..

بصراحة أنا وااااااايد خايفة

لاتخافين ويوم اتسيرين عند دكتورة خبريهاا
واكيد هيه عطتج ادويه عسب يخف عنج
والله يسهل عليج يارب

أنا فحملي اللي قبل كان عندي زلال في البول وزياده بروتين والشي يخلي البول يصير ثجيل ويأثر على الكلى وقالت الدكتوره أشرب ماي وااايد