" لله ملك السموات والأرض يخلق ما يشاء يهب لمن يشاء إناثا ويهب لمن يشاء الذكور "
قبل لا ابتدي في كلامي بس حبيت اقولكن مب كل شي يتصدق وكل شي بيد ربي العالمين بس وجهات نظر مثل ناس ماتقول توقعات الجدول الصيني وماغيره ..
وبصراااحه قريت هالشي في منتدى ثاني ومن خبرات الاخوات اللي تكلمن عن هالشي ويقولن والعلم عن ربي العالمين كل تجربه ظهرت صح وحبيت اطرحها ..
اول طريقه:تيبين ابره بخيط او قلاده او شعره من شعرج وتربطينها بالدبله مالتج وترقدين على ظهرج وتوجهينه صوب بطنج لازم تثبتين ايدج وعقب بتشوفين الخيط او القلاده تتحرك … دقيي على حركه الشي واذا كانت الحركه رايحه يايه (ولد) واذا على شكل دائري(بنوته)
ثاني طريقه:اول ماتقومين من النوم قيسي حرارتج اذا كانت37 ومافوق(بنوته) واذا كانت 36.7 يعني اتكون تحت 37 (ولد)…
والسموووووحه منكن طولت عليكن وكل شي بيد ربي العالمين ..
اللهم إني أستودك جنيني يامن لاتضيع ودائعه فاحفظه وثبته واجعله سليمآ معافآ لازيادة فيه ولانقصان وحسن خلقه وخلقه وسهل حمله وولادته ونفاسه.
انا سعوديه يوم كنت ادرس بلكليه سوتها لي وحده شيعية المذهب بس تحط سلسله ذهب
على كف يدي وتخليها تدور
وماجا من الله حيااااه الله
اهم شي الخلق المستوي والعطا الصالح
والله اعلم
والله يحفظ عيالج ياربيه ويخليهم لج …
يالله ياسيدات الامارات شدن الحيل وكل وحده تعلمنا باللي يصييييييير …
اللهم إني أستودك جنيني يامن لاتضيع ودائعه فاحفظه وثبته واجعله سليمآ معافآ لازيادة فيه ولانقصان
وحسن خلقه وخلقه وسهل حمله وولادته ونفاسه.
لا يالغلا مب شرررررط هذي كلام اول مره ايقولج البنت اتحلي امها والولد يسمر امه …
او ايقوللج بطن الم فالولد يكون مرتفع والبنت نازل والعلم عن ربي العالمين …
انا في بنتي كان بطني على عرض وفي هذا الحمل كوره يوم بسوي سونار بقولج اذا الكلام صح …
اللهم إني أستودك جنيني يامن لاتضيع ودائعه فاحفظه وثبته واجعله سليمآ معافآ لازيادة فيه ولانقصان
وحسن خلقه وخلقه وسهل حمله وولادته ونفاسه.
بس مجرد وجهات نظر لاغير ولا ماعنديه خلاف بين الولد والبنت اهم شي يكون بصحه ونعمه واللي ايي من الله حياه الله …