+++ هل تعلمون عيالكم يضربون اللي يضربونهم؟؟؟ +++

السلام عليكم والرحمة

اشحالكن خواتيه؟؟

اليوم عندي استفسار يا ريت تساعدوني فيه..

ولدج لو انضرب.. شو يكون موقفج؟؟ تقولين له اضرب اللي ضربك ولا تسكت له؟؟

ولا تعلمينه ع الأخلاق الحسنة والمسامحة؟؟

واللي تقول لي والله ما بسكت وولديه ينضرب..

ترى رسولنا الكريم صلى الله عليه وسلم ياما تأذى.. بس عمره ما رد الإساءة بإساءة..

وأستغرب من اللي ينصحوني علمي عيالج ع الضرب والدفاع عن أنفسهم..

كم وحدة تأيد تعليم الأطفال الضرب؟؟

عن نفسي ما أأيده.. ولا بتبع هالطريقة مع عيالي لو شو ما صار

انا هالموضوع من زمان في بالي

الصراحه اكبر غلط الامهات يسوونه يقولون حق عيالهم يردون الضربه بالضربه!!!

جيه الياهل يتعلم يكون عدواني

انا عن نفسي ان شاء الله بكون ضد هالشي!

ولدي في الروضة وكل يوم يتشكى فلان ضربني فلان خذ اغراضي انا اقوله انت اشطر عنه اللي يضارب مب شاطر بس ابوه الله يهديه ما يسكت يقوله اللي يضربك اضربه بس الحمدلله ولدي مب من النوع اللي يتضارب ويا اليهال ما عدا اخوه خخخخخخخ

يا حيكم والله

تفكيركم مثلي..

أنا ضد فكرة الضرب والله.. وشرات ما قلتن.. لأنه بيكبر وبيكون عدواني..

تسلمن خواتيه

صراحه ما أدري

بس كيف بيتعلم يدافع عن نفسه

الدفاع ما يعني الواحد يتعلم الضرب

الرسول عليه أفضل الصلوات والتسليم كان يدافع عن نفسه بالضرب؟؟

لو كل وحدة فينا تتبع نفس التفكير جان العيال ما تربوا ع الضرب..

في بعض الأمهات والآباء للأسف يخلون العيال جدامهم ويخلونهم يتضاربون…

يشوفون من الأقوى

باجر يوم بيتضاربون بعيد عنهم ويخبقون عيون بعض من المسؤوووووول؟؟

فلازم الوحدة تعلم عيالها ع الكلمة الطيبة.. مب رد الإساءة بإساءة..

وخاصة الولد.. لأنه لو كبر بيتعامل بنفس الطريقة مع أهل بيته

ما غلط لو ضرب اللي يضربه
الرسول صلى الله عليه وسلم قال العين بالعين والسن بالسن والبادي اظلم
ما بقوله انت ابدأ بالضرب .. بس اللي يضربك اظربه

ها رايي